woman talati officer died in accident in valsad: વલસાડમાં હિટ એન્ડ રન: ટૂ-વ્હીલર પર જતાં પારડીના મહિલા તલાટીનું મોત – pardi woman talati officer died in road accident on valsad highway

0


હાઈલાઈટ્સ:

  • વલસાડ હાઈવે પર હિટ એન્ડ રનની ઘટના, પારડીના મહિલા તલાટીનું કરૂણ મૃત્યુ
  • મૂળ નવસારીના મહિલા તલાટી ટુ-વ્હીલર પર પરત ફરતા હતા ત્યારે અકસ્માત થયો
  • ઘટનાને પગલે પરિવાર અને તલાટી અને પંચાયત કર્મચારીઓમાં શોકનો માહોલ છે

વલસાડ: વલસાડમા હિટ એન્ડ રનની ઘટના સામે આવી છે, જેમાં ટૂ-વ્હીલર પર જઈ રહેલા પારડીના મહિલા તલાટી કમ મંત્રીનું કરૂણ મોત થયું હોવાનું જાણવા મળ્યું છે. પ્રાપ્ત માહિતી પ્રમાણે વલસાડના અબ્રામા ખાતે રહેતા અને મૂળ નવસારીના વતની અને પારડી તાલુકાના 32 વર્ષીય મહિલા તલાટી કમ મંત્રીની ટૂ-વ્હીલર પર વલસાડ સુગર ફેકટરી હાઇવે ઉપર પૂર ઝડપે આવી રહેલા અજાણ્યા વાહનચાલકે ટક્કર મારતા તેમને માથામાં ગંભીર ઈજાઓ થઈ હતી. જેના કારણે તેમનું મોત થયું હતું.

બનાવની જાણ થતાં વલસાડ રૂરલ પોલીસ મથકે ફરિયાદ નોંધાઇ હતી. જેથી અકસ્માત સર્જીને ફરાર થયેલા અજાણ્યા વાહન ચાલક સામે ગુનો દાખલ કરીને આગળની કાર્યવાહી હાથ ધરવામાં આવી છે. મીડિયા રિપોર્ટ મુજબ વલસાડમાં ગોકુલધામ સોસાયટીમાં રહેતા નૈમિષાબેન રાણા પારડી તાલુકાના સુખલાવ,વેલપરવા અને આમળી ગ્રામ પંચાયતના તલાટી કમ મંત્રી તરીકે ફરજ બજાવતા હતા. તેઓ ટૂ-વ્હીલર પર પારડીના આમળી ખાતે ફરજ બજાવવા અપડાઉન કરતા હતા.

મીડિયા રિપોર્ટ મુજબ સવારે 10 વાગ્યે તેઓ ટૂ-વ્હીલર લઇને આમળી પંચાયત ગયા હતા અને ત્યાંથી ફરજ પૂર્ણ કરીને બપોરે વલસાડ આવવા નીકળ્યા હતા. આ દરમિયાન બપોરે 2.30 વાગ્યાના સુમારે વલસાડ હાઇવે ઉપર સુગર ફેકટરી પાસેથી પૂરપાટ ઝડપે ધસી આવેલા અજાણ્યા વાહન ચાલકે નૈમિષાબેનના ટુ-વ્હીલરને પાછળથી ટક્કર મારી હતી. જેથી બેલેન્સ બગડતા તેઓ રોડ ઉપર પટકાયા હતા. ગંભીર ઈજાઓ થવાને કારણે નૈમિષાબેનને તાત્કાલિક 108 મારફતે વલસાડની હોસ્પિટલ દાખલ કરવામાં આવ્યા હતા. જ્યાં ડોક્ટરો દ્વારા તેમને મૃત જાહેર કરવામાં આવ્યા હતા.

બનાવની જાણ થતાં તેમના પરિવારજનો હોસ્પિટલ દોડી આવ્યા હતા. ઉપરાંત જિલ્લાના તલાટીઓ અને પંચાયત કર્મચારી પરિવારમા પણ ઘેરા શોકની લાગણી ફેલાઇ ગઈ હતી. હોસ્પિટલમાં મૃત જાહેર કરાયા બાદ નૈમિષાબેનને મૃતદેહને પોસ્ટમોર્ટમ માટે ખસેડવાની કાર્યવાહી કરવામાં આવી હતી. હાલ સમગ્ર ઘટના અંગે પોલીસ દ્વારા અજાણ્યા વાહન ચાલક સામે ગુનો નોંધીને તેની શોધખોળ હાથ ધરવામાં આવી હોવાનું જાણવા મળ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here