reliance jio: રિલાયન્સ Jio પહોંચ્યુ ચીનની સરહદે, લદ્દાખના ડેમચોકમાં પહેલીવાર રણક્યો મોબાઇલ – reliance jio bring 4g network to demchok ladakh

0


હાઈલાઈટ્સ:

  • સરહદ પર આવેલા ગામના લોકો, સેના અને ITBPના જવાનો તથા પર્યટકો 4G નેટવર્કનો લાભ ઉઠાવી શકશે
  • સિયાચિન બેઝ કેમ્પ અને જાંસ્કર રિઝનમાં Jio એકમાત્ર ટેલિકોમ નેટવર્ક ઓપરેટર છે
  • ડેમચોકમાં Jio 4G નેટવર્કની શરુઆત કેન્દ્ર શાસિત પ્રદેશના લોકો અને પર્યટન ઉદ્યોગ માટે આશીર્વાદ સમાન છે

નવી દિલ્હીઃ ચીનની સરહદ સાથે જોડાયેલા લદ્દાખના ગામ ડેમચોકમાં પહેલીવાર મોબાઇલ રણકી ઉઠ્યો છે. ડેમચોકમાં લાગેલા રિલાયન્સ Jioના નવા મોબાઇલ ટાવરની મારફતે આ વિસ્તારમાં 4G મોબાઇલ કનેક્ટિવિટી પહોંચી શકી છે. આ વિસ્તાર વર્ષોથી મોબાઇલ કનેક્ટિવિટી માટે રાહ જોઇ રહ્યું હતું. અહીંના લોકો પહેલી વાર 4G વોઇસ અને ડેટા મોબાઇલ નેટવર્ક સાથે જોડાયા છે. લેહના સાંસદ જામયાંગ ત્સેરિંગ નામગ્યાલે જિયો મોબાઇલ ટાવરનું ઉદઘાટન કર્યું અને સરહદ પર આવેલા ગામના લોકો, સેના અને ITBPના જવાનો તથા પર્યટકોને 4Gની સેવા પ્રદાન કરી છે.

સમયસર મોબાઇલ ટાવરનું કામ પૂરુ કરવા માટે સાંસદે રિલાયન્સ Jioના અધિકારીઓનો આભાર માનતા કહ્યું કે, આ ટાવર આ વિસ્તારમાં એક આધારસ્તંભ સાબિત થશે.

નોંધનીય છે કે, આ વિસ્તારમાં ભારે હિમવર્ષા અને ખરાબ મોસમને લીધે વર્ષના છ કે સાત મહિના જ કામ થઇ શકે છે. ડેમચોક સિવાય લદ્દાખના સરહદ સાથે જોડાયેલા ગા ચુશુલ, ન્યોમા થારુક અને દુરબુકમાં પણ 4G સેવાઓનું ઉદઘાટન કરવામાં આવ્યું છે.

લદ્દાખમાં રિલાયન્સ Jioના 168 મોબાઇલ ટાવર કામ કરી રહ્યા છે. સિયાચિન બેઝ કેમ્પ અને જાંસ્કર રિઝનમાં Jio એકમાત્ર ટેલિકોમ નેટવર્ક ઓપરેટર છે. સંકૂ, તૈફસુર, શાર્ગોલ, નુબ્રા, ખાલસી, ખારુ, દ્રાસ, પનામિક જેવા અંતરાળ વિસ્તારોને પહેલાથી જ Jio નેટવર્ક સાથે જોડી દેવામાં આવ્યા છે. રિલાયન્સ Jio અહીંના અન્ય અંતરાળ વિસ્તારોમાં પણ નેટવર્ક પહોંચાડવા માટે કામ કરી રહ્યું છે. Jioને સરકારી USOF હેઠળ 62 ટાવર ઉભા કરવાની જવાબદારી મળી છે, જેમાંથી 44 ટાવર કામ કરી રહ્યા છે. ખૂબ જ મુશ્કેલીવાળા આ વિસ્તારોમાં નેટવર્ક મજબૂત કરવા માટે Jioએ ત્રણ અલગ અલગ ફાઇબર રુટ્સનો ઉપયોગ કર્યો છે.

ડેમચોકમાં Jio 4G નેટવર્કની શરુઆત કેન્દ્ર શાસિત પ્રદેશના લોકો અને પર્યટન ઉદ્યોગ માટે આશીર્વાદ સમાન છે. દૂરસંચાર સેવાઓની શરુઆતથી આરોગ્ય અને શિક્ષણ જેવા ક્ષેત્રે સરહદ પર આવેલા આ અંતરાળ વિસ્તારોમાં વસતા લોકોના જીવનમાં નોંધનીય પરિવર્તનની આશા જાગી છે. 4G સુવિધા અહીંના રહેવાસીઓની સામાજિક પરિસ્થિતિ જ નહીં પરંતુ આર્થિક વિકાસ માટે પણ મહત્વપૂર્ણ સાબિત થશે કારણ કે સ્થાનિક યુવાનો અને વેપારીઓ માટે કમાણીની તકો ઉભી થશે.

જિયો ફોન નેક્સ્ટનું દિવાળીથી શરૂ થશે વેચાણ, રૂ. 1999માં ખરીદી શકશો
લોકોને દૈનિક જરૂરિયાતની વસ્તુઓનો સંગ્રહ કરી લેવા કેમ કહી રહ્યું છે ચીન?બિલ ગેટ્સને મળ્યા પીએમ મોદી, આ ખાસ મુદ્દા પર કરી ચર્ચા



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here