shreyas iyer: શ્રેયસ ઐયરે ડેબ્યુ ટેસ્ટમાં દિગ્ગજોના રેકોર્ડ તોડ્યા, ગાવસ્કરને પણ પાછળ છોડ્યા – ind vs nz kanpur test, shreyas iyer create new record in debut test match

0


હાઈલાઈટ્સ:

  • ન્યૂઝીલેન્ડ સામેની પહેલી ટેસ્ટમાં શ્રેયસ ઐયરે ઈતિહાસ રચ્યો
  • ડેબ્યુ ટેસ્ટ મેચમાં શ્રેયસ ઐયરે સારી શરુઆત કરીને ઈતિહાસ રચ્યો
  • શ્રેયસ ઐયરે સુનિલ ગાવસ્કર સહિતના ખેલાડીઓને પાછળ છોડ્યા

નવી દિલ્હીઃ શ્રેયસ ઐયરે ડેબ્યુ ટેસ્ટમાં કમાલની બેટિંગ કરીને ઈતિહાસ રચ્યો છે. ન્યૂઝીલેન્ડ સામેની કાનપુર ટેસ્ટની પહેલી ઈનિંગ્સમાં સદી ફટકાર્યા બાદ બીજી ઈનિંગ્સમાં ઐયરે અડધી સદી ફટકારી છે. આ સાથે શ્રેયસ ઐયરે કાનપુરના ગ્રીનપાર્ક સ્ટેડિમમાં ઈતિહાસ રચી દીધો છે.

સ્થાનિક ક્રિકેટમાં મુંબઈ તરફથી રમનારા શ્રેયસે ડેબ્યુ ટેસ્ટમાં સદી અને અર્ધસદી ફટકારનારો પહેલા ભારતીય બેટ્સમેન બન્યો છે. શ્રેયસ ઐયરે ટેસ્ટ ક્રિકેટની દુનિયામાં આ ઉપલબ્ધિ પ્રાપ્ત કરનારો 10મો ખેલાડી બન્યો છે. શ્રેયસ ઐયરે પહેલી ઈનિંગ્સમાં 105 રન બનાવ્યા હતા જ્યારે બીજી ઈનિંગ્સમાં 109 બોલનો સામનો કરીને 50 રન પૂરા કર્યા છે.

ઓમીક્રોન વેરિયન્ટ આફ્રિકાથી છેક ઓસ્ટ્રેલિયા સુધી પહોંચી ગયો, દુનિયાના દેશોમાં ફફડાટ

26 વર્ષના શ્રેયસ ઐયરે પહેલી ઈનિંગ્સમાં રવિન્દ્ર જાડેજા સાથે પાંચમી વિકેટ માટે 121 રન જોડ્યા હતા જ્યારે ચોથી વિકેટ પર રહાણે સાથે 39 રનની પાર્ટનરશિપ કરી હતી. બીજી ઈનિંગ્સમાં શ્રેયસ ઐયરે આર અશ્વિન સાથે મળીને છઠ્ઠી વિકેટ માટે 52 રન જોડ્યા હતા, જ્યારે સૌહો સાથે મળીને સાતમી વિકેટ માટે 64 રનની પાર્ટનરશિપ કરી હતી.

ડેબ્યુ ટેસ્ટની બન્ને ઈનિંગ્સમાં 50 પ્લસ સ્કોર કરનારો શ્રેયસ ઐયર ત્રીજા નંબરે છે. આ પહેલા દિલાવર હુસૈન અને સુનીલ ગાવસ્કરે આ ઉપલબ્ધિ હાંસલ કરી છે.

ઠંડીનું જોર વધવાની આગાહી વચ્ચે અમદાવાદ સહિત સૌરાષ્ટ્ર અને દ. ગુજરાતમાં માવઠાની વકી
તોડ્યો લાલા અમરનાથનો રેકોર્ડ

ભારતીય ડેબ્યુ ટેસ્ટમાં સૌથી વધારે રન કરનારા ખેલાડીઓમાં શ્રેયસ ઐયર (170 રન) ત્રીજા નંબરે પહોંચી ગયો છે, આ દરમિયાન તેણે લાલા અમરનાથનો રેકોર્ડ તોડ્યો છે. અમરનાથે 1933/34માં ઈંગ્લેન્ડ સામેની ટેસ્ટમાં 156 રન બનાવ્યા હતા. આ લિસ્ટમાં પહેલા નંબરે શીખર ધવન છે. ધવને ઓસ્ટ્રેલિયા સામે 2021/13માં મોહાલીમાં 187 રન કર્યા હતા, જ્યારે રોહિત શર્માએ 2013/14માં વેસ્ટ ઈન્ડિઝ સામે કોલકાતામાં 177 રન બનાવ્યા હતા.

ફર્સ્ટ ક્લાસ ક્રિકેટમાં શ્રેયસ ઐયરની એવરેજ 52.18

શ્રેયસ ઐયરે અહીં પહોંચવા માટે ફર્સ્ટ ક્લાસ ક્રિકેટમાં શાનદાર પ્રદર્શન કર્યું છે. ફર્સ્ટ ક્લાસ ક્રિકેટમાં તેની એવરેજ 52.18ની છે અને સ્ટ્રાઈક રેટ ઘણી ઝડપી (81.54) છે. તેના માટે ટીમમાં તક ત્યારે બની જ્યારે તેણે કાનપુરમાં રમવા જતા પહેલા વિરાટ કોહલી, રોહિત શર્મા, કેએલ રાહુલ અને ઋષભ પંત બહાર થઈ ગયા.

ભારતે પહેલી ઈનિંગ્સમાં 345 રન બનાવ્યા

ભારતીય ટીમે પહેલી ઈનિંગ્સમાં 345 રન બનાવ્યા હતા. પહેલી ઈનિંગ્સમાં શ્રેયસ ઐયરે સદી બનાવી જ્યારે ઓપનર શુભમન ગિલ અને રવિન્દ્ર જાડેજાએ અડધી સદી ફટકારી હતી. જ્યારે કીવી ટીમ પોતાની પહેલી ઈનિંગ્સમાં માત્ર 296 રનમાં ઓલઆઉટ થઈ ગઈ હતી. ભારતને પહેલી ઈનિંગ્સમાં 49 રનની લીડ મળી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here