bopal drugs case: બોપલ ડ્રગ્સ કાંડ: વંદિત પાસેથી નીલ અઠવાડિયામાં ત્રણ વાર 5 લાખનું ડ્રગ્સ મગાવતો – neel patel used to order drugs worth rs 5 lakh from vandit patel three times a week

0


હાઈલાઈટ્સ:

  • અમદાવાદના ચર્ચિત બોપલ ડ્રગ્સ કેસમાં નવો મોટો વળાંક આવ્યો
  • નીલ અઠવાડિયામાં ત્રણ વખત પાંચ લાખ રૂપિયાનું ડ્રગ્સ મગાવતો
  • પોલીસે આ કેસમાં તપાસ જરુરી હોવાથી જામીન ના આપવા કહ્યું

અમદાવાદના ચર્ચિત બોપલ ડ્રગ્સ કાંડમાં નવી-નવી વિગતો સામે આવી રહી છે. વિદેશી કરોડો રૂપિયાનું ડ્રગ્સ મંગવવા મામલે નીલ પટેલે આગોતરા જામીન માટે અરજી કરી છે. આ મામલે તપાસ અધિકારી દ્વારા એફિડેવિટ કરીને એવી રજૂઆત કરવામાં આવી છે કે આરોપી અઠવાડિયામાં ત્રણ વખત ડ્રગ્સ લઈને ગુજરાતના અન્ય રાજ્યોમાં વેચાણ માટે જતો હતો. એટલે કે હવે આ ડ્રગ્સ કેસમાં વધુ નવી વિગતો સામે આવી રહી છે.

બીજી તરફ મુખ્ય સૂત્રધાર વંદિત ભરતભાઈ પટેલ, વિપુલ અને નીલના મોબાઈલ ફોનનો ડેટા તપાસતા માલુમ પડ્યું કે ત્રણેય એક બીજાના સંપર્કમાં હતા. જેમાં 62 વખત નીલે વંદિત સાથે વાત કરી હતી, જ્યારે 32 વખત વંદિતે નીલને ફોન કર્યો હતો. હવે આ મામલે વધુ સુનાવણી આગામી દિવસોમાં ગ્રામ્ય કોર્ટમાં હાથ ધરવામાં આવશે. આ તરફ નીલે પોતે નિર્દોષ હોવાની વાત કરીને કેટલાક મુદ્દા રજૂ કરીને ધરપકડથી બચવા માટે આગોતરા જામીન અરજી કરી છે. બીજી તરફ તપાસ અધિકારી દ્વારા જે મુદ્દા રજૂ કરવામાં આવ્યા છે તે ચોંકાવનારા છે.

સરકારી વકીલ પ્રવિણ ત્રિવેદીએ જામીન અરજી સામે વાંધો ઉઠાવીને એફિડેવિડ ફાઈલ કરીને જણાવ્યું છે કે, મુખ્ય સૂત્રધાર વંદિત પટેલ દર અઠવાડિયે બેથી ત્રણ વખત પાંચ લાખ રુપિયાની આસપાસ ગુજરાત સહિતના રાજ્યોમાં ડિલિવરી કરતો હતો. અત્યાર સુધીમાં તેણે એક કરોડથી વધુનો ડ્રગ્સનો જથ્થો લઈને વેચાણ કર્યું હોવાનું તપાસમાં બહાર આવ્યું છે. હવે ડ્રગ્સનો જથ્થો ક્યાંથી આવતો હતો તે બાબતે આરોપીની હાજરીમાં તપાસ જરુરી છે. આ કેસમાં હજુ વાપીના આકીબ સીદ્દીકી ગુરુભાઈ, કેનિલ હિમાચલને પકડવાના પણ બાકી છે.

આ સાથે એફિડેવિટમાં રજૂઆત કરવામાં આવી કે, આ કેસમાં જે પ્રકારનું નેટવર્ક ગોઠવવામાં આવ્યું છે તેની તપાસ માટે તેની હાજરી જરુરી છે. આવામાં જામીન સામે વાંધો ઉઠાવવામાં આવ્યો છે. એવી પણ રજૂઆત કરવામાં આવી છે કે તે ટ્રગ્સના નાણા ક્રીપ્ટો કરન્સી જેવા કે બીટકોઈન ઈથરિયમમાં ઓનલાઈન પેમેન્ટ કરવામાં આવતું હતું. જેથી આગોતરા જામીન ના આપવા જોઈએ.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here