Repeaters in NEET 2021: MBBSમાં એડમિશન લેવા NEET-2021ની પરીક્ષા આપનારા ગુજરાતના 40% ઉમેદવારો રિપીટર! – around 9 thousand mbbs aspirants from gujarat who appeared in neet 2021 are repeaters

0


હાઈલાઈટ્સ:

  • નીટની પરીક્ષા રિપીટ કરીને સારો સ્કોર મળે તો વિદ્યાર્થીઓને સરકારી કોલેજમાં એડમિશન લેવાનો માર્ગ મોકળો થાય છે.
  • સરકારી કોલેજમાં એડમિશન મળતાં ખાનગી મેડિકલ કોલેજોની લાખો રૂપિયા ફી ભરવામાંથી પણ બચી શકાય છે.
  • ખાનગી કોલેજની વાર્ષિક ફી 8-14 લાખ રૂપિયા હોય છે.

અમદાવાદ: અનય નાણાવટીએ NEET-UG 2020માં 720માંથી 487 માર્ક્સ મેળવ્યા છે પરંતુ તેણે મેડિકલમાં એડમિશન નહોતું લીધું. મહામારીના આખા વર્ષ દરમિયાન તેણે તનતોડ મહેનત કરી અને 2021માં ફરી પરીક્ષા આપી અને તેણે 618 ગુણ મેળવ્યા.

CBSEના ધો.12ના પેપરમાં 2002ના ગુજરાત રમખાણોનો પ્રશ્ન પૂછાયો, વિવાદ થતાં બોર્ડે માફી માગી

અનય એક વર્ષ પાછળ રહી ગયો પરંતુ રાજ્યની ટોચની મેડિકલ કોલેજમાં એડમિશન મેળવવાના તેના ચાન્સ વધી ગયા, એટલું જ નહીં તેના માતાપિતાના ફીના લાખો રૂપિયા પણ બચાવ્યા. “ગત વર્ષનો મારો નીટ-યુજીનો સ્કોર મારા આખા વર્ષના રિઝલ્ટની સરેરાશ જેટલો પણ નહોતો એટલે મેં ડ્રોપ લીધો હતો. મારી પાસે સારો સ્કોર કરવાની તક હતી એટલે મેં ઝડપી લીધી. ખાનગી કોલેજમાં એડમિશન લઈને હું મારા માતાપિતા પર મસમોટી ફીનો બોજો નહોતો નાખવા માગતો. હું ખુશ છું કે મેં મારા સમયનું સાચી દિશામાં રોકાણ કર્યું અને તેનું ફળ મળ્યું”, તેમ અનયે જણાવ્યું.

મેડિકલ, ડેન્ટલ, આયુર્વેદ અને હોમિયોપેથીમાં એડમિશન લેવા માટે ફોર્મ ભરનારા 24,228 ઉમેદવારોમાંથી 9,331 એવા હતા જેમણે ધોરણ 12ની પરીક્ષા 2020 અથવા તે પહેલાના વર્ષમાં પાસ કરી હતી. અનયનો સમાવેશ આ 9,331 ઉમેદવારોમાં થાય છે. રસપ્રદ રીતે આ સંખ્યા 40 ટકા છે.

એડમિશન કમિટી ફોર પ્રોફેશનલ અંડરગ્રેજ્યુએટ મેડિકલ એજ્યુકેશનલ કોર્સિસ (ACPUGMEC) દ્વારા MBBS સહિતની 5504 મેડિકલ બેઠકોની એડમિશન પ્રક્રિયા માટે વેરિફેકશન કરવામાં આવ્યું ત્યારે આ આંકડો બહાર આવ્યો હતો.

નિષ્ણાતોના મતે, મોટી સંખ્યામાં ઉમેદવારો પરીક્ષા રિપીટ કરવાનું પસંદ કરી રહ્યા છે તેની પાછળ નક્કર કારણ રહેલું છે. ખાનગી કોલેજમાં એમબીબીએસ કરવું હોય તો દર વર્ષે 8થી 14 લાખ રૂપિયા ફી ભરવી પડે છે. મોટાભાગની પ્રાઈવેટ કોલેજો કરતાં સરકારી કોલેજોમાં કટ-ઓફ ઊંચું હોય છે અને ત્યાં વાર્ષિક ફી પણ 25,000 રૂપિયા જેટલી હોય છે. સરકારી ટ્રસ્ટ દ્વારા ચાલતી GMERS કોલેજોની વાર્ષિક ફી આશરે 3 લાખ રૂપિયા જેટલી હોય છે.

અનયના કહેવા પ્રમાણે, કેણે 2021નો મોટાભાગનો સમય મોક ટેસ્ટ આપવામાં પસાર કર્યો હતો અને તેના કારણે ખૂબ ફાયદો થયો હતો. “મેં નીટ 2021ની પરીક્ષા આપતાં પહેલા કુલ 183 મોક ટેસ્ટ અને અસંખ્ય ક્વિઝ આપી હતી”, તેમ અનયે ઉમેર્યું.

નીટ 2021ની પરીક્ષામાં 611 ગુણ મેળવનારા ઉમેદવાર કાર્તિકેય શર્માએ કહ્યું કે, ગત વર્ષે પરીક્ષામાં 403 ગુણ આવ્યા હોવાથી તેને ગુજરાતની પ્રાઈવેટ ડેન્ટલ કોલેજમાં એડમિશન મળતું હતું પરંતુ તે MBBS કરવા માગતો હતો. હવે કાર્તિકેયની નીટની પરીક્ષામાં ખૂબ સારું પરિણામ આવ્યું છે ત્યારે તેને વિશ્વાસ છે કે, સરકારી મેડિકલ કોલેજમાં MBBSની સીટ પર એડમિશન મળી જશે.

કોરોના મૃતકોના પરિવારજનોને સહાય આપવાની કામગીરી શરૂ, 5427ને રૂપિયા ચૂકવાયા

કાર્તિકેયના કહેવા અનુસાર, નીટ 2021 માટે તેણે ફિઝિક્સ અને કેમેસ્ટ્રીના અભ્યાસ પર વધુ ભાર આપ્યો હતો કારણકે ગત વર્ષે આ બંને વિષયોમાં જ તેણે નબળો દેખાવ કર્યો હતો.

ગાંધીધામની ઉમેદવાર સલોની શાહે નીટ 2021ની તૈયારી માટે ઓનલાઈન ક્લાસ ભર્યા હતા. તેણે કહ્યું કે, ડૉક્ટર બનવાનું તેનું બાળપણનું સપનું હવે પૂરું થશે. 2020માં નીટની પરીક્ષામાં તેના 420 માર્ક્સ આવ્યા હતા જ્યારે 2021માં તેણે આ પરીક્ષા રિપીટ કરતાં 598 માર્ક્સ મેળવ્યા છે. આ ઉપરાંત MBBS કરવા માટે પ્રાઈવેટ કોલેજમાં એડમિશન ના લઈને તેણે પરિવારના 50 લાખ રૂપિયા બચાવ્યા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here