una fishermen: ઉનામાં દરિયામાં બોટ અથડાતા 6થી 8 માછીમારો ગુમ, 4ને બચાવી લેવાયા – 6 to 8 fishermen missing, 4 rescued after boat capsizes in una

0


હાઈલાઈટ્સ:

  • માછીમારોને દરિયો ખેડવાની મનાઈ ફરમાવાઈ હોવા છતાં સાહસ ખેડ્યું!
  • દરિયામાં કરંટ હોવાના કારણે માછીમારોની બોટ એક બીજા સાથે અથડાઈ
  • કલેક્ટરના જણાવ્યા પ્રમાણે 6થી 8 માછીમારો દરિયામાં ગુમ થયા છે
  • 4 માછીમારોને બચાવી લેવામાં આવ્યા છે, કોસ્ટગાર્ડને અપાઈ છે સૂચના

ઉનાઃ ગુજરાતમાં માવઠાના કારણે વાતાવરણમાં ભારે પલ્ટો આવી ગયો છે. લો ડિપ્રેશન અને વેસ્ટર્ન ડિસ્ટર્બન્સની અસર રાજ્યના હવામાન પર પડી રહી છે. આવામાં સૌરાષ્ટ્રના દરિયામાં લો પ્રેશરની અસરને ધ્યાનમાં રાખીને માછીમારોને દરિયા ના ખેડવાની સૂચના આપવામાં આવી હતી. આમ છતાં કેટલાક માછીમારોએ દરિયો ખેડવાની હિંમત કરી છે અને તેનું ખરાબ પરિણામમ ભોગવવાનો વારો આવ્યો છે. ગીર સોમનાથના ઉનામાં નવબંદરેથી દરિયામાં ગયેલી 13થી 15 જેટલી બોટ ડૂબી ગઈ હોવાના અહેવાલ સામે આવી રહ્યા છે. આવામાં બોટ ડૂબવાના કારણે તેમાં સવાર માછીમારોના ગુમ થયા છે.

બોપલ ડ્રગ્સ કાંડ: વંદિત પાસેથી નીલ અઠવાડિયામાં ત્રણ વાર 5 લાખનું ડ્રગ્સ મગાવતો

બીજી તરફ માછીમાર આગેવાન દ્વારા જણાવવામાં આવી રહ્યું છે કે માછીમારો દરિયામાં માછીમારી માટે નહોતા ગયા, બંદર પર લાંગરેલી બોટ દરિયાની થપાટના કારણે તૂટી ગઈ હતી. બોટને મોટા પ્રમાણમાં નુકસાન થયું છે. આ સાથે માછીમારોને શોધવા માટે કોસ્ટગાર્ડના હેલિકોપ્ટર દ્વારા જે પ્રયાસ કરવામાં આવી રહ્યા છે તે દીવ તરફ પણ કરવામાં આવે તેવી વાત માછીમાર આગેવાને કરી છે.

દરિયામાં ઉભા થયેલા લો ડિપ્રેશનના કારણે હજુ પણ માછીમારોને દરિયો ના ખેડવા માટે સૂચના આપવામાં આવી છે, સ્થાનિક તંત્ર દ્વારા ઢોલ વગાડીને સચેત કરવામાં આવી રહ્યા છે. ગીર સોમનાથના કલેક્ટર રાજદીપસિંહ ગોહિલે સ્થાનિક મીડિયા સાથે કરેલી વાતચીતમાં જણાવ્યું કે, આ ઘટના ગઈકાલે રાત્રે 12થી 1 વાગ્યા દરમિયાન બની હતી. જેમાં દરિયામાં તોફાની મોજા ઉછળી રહ્યા હોવાથી માછીમારોની બોટ એક બીજી બોટ સાથે અથડાતા નુકસાન થયું હતું. જેમાં 4 લોકોને બચાવી લેવામાં આવ્યા છે અને 6થી 8 લોકો ગુમ છે જેમની શોધખોળ માટે કોસ્ટગાર્ડને પણ સૂચના આપવામાં આવી છે.

ડોક્ટરે આપેલી ગર્ભનિરોધક ગોળીથી મહિલાનું મોત, ₹11.3 લાખ વળતર ચૂકવવા આદેશ
આ સિવાય સ્થાનિક પોલીસ સહિતના તંત્રો દ્વારા પણ દરિયામાં ગુમ થયેલા લોકોને બચાવવાની કામગીરી હાથ ધરવામાં આવી છે.

રાજ્યના હવામાનમાં આવેલા પલ્ટા બાદ 129 તાલુકાઓમાં કમોસમી વરસાદ નોંધાયો છે. જેમાં સૌથી વધારે સુરતના ઉમરપાડામાં 6 ઈંચ વરસાદ નોંધાયો છે, જ્યારે 24 કલાકમાં 38 તાલુકાઓમાં 1 ઈંચથી વધારે વરસાદ નોંધાયો છે.

અમદાવાદમાં રાત્રે પવન સાથે વરસાદ થતા વાતાવરણ ઠંડુગાર બન્યું છે. ભરશિયાળે વરસાદ થતા લોકોની હાલત કફોડી બની છે. આવામાં ખેડૂતો ઉભા પાકને અને વણી લેવાયેલા પાકને નુકસાન થવાને મુદ્દે ચિંતિત છે.

આજે રાજ્યના સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, સાબરકાંઠા, ભાવનગર, બોટાદ, અમરેલી, ગીર સોમનાથ, દીવમાં વરસાદ થવાની આગાહી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here