Shivangi Joshi: ‘બાલિકા વધૂ 2’ની ‘આનંદી’ બનીને ટીવી પર પરત ફરી શિવાંગી જોશી, ખુશ થયા ફેન્સ – shivangi joshi is back on tv screen as anandi in balika vadhu 2

0


હાઈલાઈટ્સ:

  • શિવાંગી જોશીને બાલિકા વધૂ 2માં આનંદીના પાત્રમા જોઈ ખુશ થયા ફેન્સ
  • સમૃદ્ધ બાવા અને રણદીપ રાય સાથે બાલિકા વધૂ 2માં થઈ શિવાંગી જોશીની એન્ટ્રી
  • ‘યે રિશ્તા ક્યા કહેલાતા હૈ’માં નાયરા/સિરતના પાત્રમાં જોવા મળી હતી શિવાંગી જોશી

‘બાલિકા વધૂ 2’માં મોટી ‘આનંદી’ બનીને શિવાંગી જોશી ટીવી સ્ક્રીન પર પરત ફરી છે. એક્ટ્રેસને ફરીથી સ્ક્રીન પર જોઈને તેના ફેન્સ સૌથી વધારે ખુશ છે. શિવાંગી જોશીના ફેન્સ તેના કમબેકની પ્રશંસા કરી રહી અને ટ્વિટર પર ‘શિવાંગી રિટર્ન્સ એઝ શિવાંગી’ ટ્રેન્ડ કર્યું હતું.

શિવાંગી જોશીએ ઘણા સમય પહેલા જ શો માટે શૂટિંગ શરૂ કરી દીધું હતું અને ગઈકાલે (1 ડિસેમ્બર) તેનો પહેલો એપિસોડ ઓન-એર થયો હતો. શોમાં 10 વર્ષનો લીપ દેખાડવામાં આવ્યો અને સમૃદ્ધ બાવા અને રણદીપ રાય સાથે શિવાંગીની એન્ટ્રી થઈ.

Bigg Boss 15: બેભાન થઈને ઢળી પડી શમિતા શેટ્ટી, તેને ઊંચકીને ભાગ્યો કરણ કુંદ્રા
એક ફેને લખ્યું છે ‘તે બંને સાથે સારી લાગી રહી છે. આનંદી અને આનંદની જોડી ક્યૂટ લાગશે તો આનંદી અને જીગરની જોડી એંગ્રી વાઈબ્સ આપી રહ્યા છે, તે કહાણીને વધારે રસપ્રદ બનાવશે SHIVANGI RETURNS AS ANANDI’.

અન્ય યૂઝરે લખ્યું છે ‘તેને આનંદી તરીકે જોઈને ખુશી થાય છે. આમ જ આગળ વધતી રહે છોકરી. શિવાંગી જોશી મને ખબર છે કે તું આ રોલ માટે પર્ફેક્ટ છે અને તું આનંદી તરીકે પણ હિટ રહીશ. તને ખૂબ જ પ્રેમ અને શુભેચ્છા’.

એક ફેન પેજે લખ્યું છે ‘તેનું સ્મિત…હું હવે આનંદીના પ્રેમ છું’. આ સિવાય શિવાંગી જોશી પર પ્રેમ વરસાવતી ઘણી બધી ટ્વીટ સામે આવી છે.

Indian Idol 12 ફેમ સવાઈ ભાટ ગરીબીમાં જીવવા મજબૂર, નથી કમાણીનો કોઈ સ્ત્રોત
‘બાલિકા વધૂ 2’માં આનદી, આનંદ અને જીગર વચ્ચે પ્રણય ત્રિકોણ દેખાડવામાં આવશે. આનંદીને બાળપણમાં થયેલું જીગર સાથેનું લગ્નજીવન બંધનરૂપ લાગે છે, ત્યારે તેના આ બંધનમાંથી મુક્ત કરાવવા તેનો મિત્ર આનંદ મદદ કરશે.

શિવાંગી જોશીએ અગાઉ નવા પાત્રમાં ઢળવા વિશે ઈન્ટરવ્યૂમાં વાત કરી હતી. તેણે કહ્યું હતું ‘પહેલી સીઝન કરતાં આ વખતનું પાત્ર અલગ છે. હું સીરિયલમાં 17 વર્ષની છોકરીના રોલમાં છું, જે સંસ્કારી, હકારાત્મક વિચારો ધરાવતી અને ખુશ રહેવામાં માનતી છોકરી છે. સ્વભાવે ક્યૂટ અને હસમુખી છે’.

આ પહેલા શિવાંગી જોશી ‘યે રિશ્તા ક્યા કહેલાતા હૈ’માં નાયરા/સિરતના પાત્રમાં જોવા મળી હતી. એક્ટ્રેસે પાંચ વર્ષ કરતાં વધુ સમય સુધી આ પાત્ર ભજવ્યું હતું અને તેને ફેન્સનો ખૂબ પ્રેમ પણ મળ્યો હતો. શિવાંગી જોશી આ સિવાય પરવરિશ- કુછ ખટ્ટી કુછ મિઠી, ખેલતી હૈ જિંદગી આંખ મિચોલી, બેઈન્તહા, બેગુસરાઈ જેવા શોમાં પણ કામ કરી ચૂકી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here