2002 gujarat riots question asked in CBSE exam: CBSEના ધો.12ના પેપરમાં 2002ના ગુજરાત રમખાણોનો પ્રશ્ન પૂછાયો, વિવાદ થતાં બોર્ડે માફી માગી – roar over gujarat riots question asked cbse’s in class 12 term-1 paper

0


હાઈલાઈટ્સ:

  • સીબીએસઈ બોર્ડે પોતાના ઓફિશિયલ ટ્વિટર હેન્ડલ પરથી ટ્વિટ કરીને પોતાની ભૂલ કબૂલી હતી.
  • ધોરણ 12ની પ્રથમ ટર્મની પરીક્ષા 1 ડિસેમ્બરથી શરૂ થઈ છે.
  • ધોરણ 12માં પ્રથમ દિવસે સોશિયોલોજી વિષયની પરીક્ષા લેવાઈ હતી.

અમદાવાદ: સેન્ટ્રલ બોર્ડ ઓફ સેકન્ડરી એજ્યુકેશન (CBSE)ની ધોરણ 12ની ટર્મ-1ની પરીક્ષાના પ્રથમ દિવસે જ સોશિયોલોજીના પેપરમાં ગુજરાતના 2002ના તોફાનોને લઈને વિવાદ સર્જાયો હતો. ગુજરાતમાં 2002ના મુસ્લિમ વિરોધી તોફાન કઈ સરકાર વખતે થયા હતા તેવો પ્રશ્ન પેપરમાં પૂછવામાં આવ્યો હતો. આ પ્રશ્નને લઈને ભારે વિવાદ થયા બાદ બોર્ડે પોતાની ભૂલ સ્વીકારી હતી અને જબાદાર લોકો સામે કાર્યવાહી કરવાની તૈયારી દર્શાવી હતી. વિવાદ ઊભો થતાં બોર્ડે પોતાના ઓફિશિયલ ટ્વિટર હેન્ડલ પરથી ટ્વિટ કરીને પોતાની ભૂલ કબૂલી હતી.

રસ્તા પર ઢોર બાંધનારા પશુપાલકો સામે કાર્યવાહી શરૂ કરાઈ, 152 વિરુદ્ધ નોંધાઈ ફરિયાદ

CBSE બોર્ડ દ્વારા આ વખતે ધોરણ 10 અને 12ની પરીક્ષા બે ટર્મમાં લેવાનો નિર્ણય લીધો છે. જેના અનુસંધાને પ્રથમ ટર્મની ધોરણ 10ની પરીક્ષા 30 નવેમ્બરથી શરૂ થઈ હતી. જ્યારે ધોરણ 12ની પ્રથમ ટર્મની પરીક્ષા 1 ડિસેમ્બરથી શરૂ થઈ હતી. ધોરણ 12માં પ્રથમ દિવસે સોશિયોલોજી વિષયની પરીક્ષા લેવાઈ હતી. જોકે, આ પેપરમાં એક પ્રશ્નને લઈને દેશમાં ભારે વિવાદ સર્જાયો હતો.

cbse tweet

સીબીએસઈ બોર્ડ દ્વારા ધોરણ 12માં સોશિયોલોજીના પેપરમાં એક મલ્ટી ચોઈસ ક્વેશ્ચન પૂછવામાં આવ્યો હતો. જેમાં ગુજરાતના 2002ના મુસ્લિમ વિરોધી તોફાનો કઈ સરકાર વખતે થયા હતા તેવો પ્રશ્ન પૂછવામાં આવ્યો હતો. બીજેપી, કોંગ્રેસ, ડેમોક્રેટિક અને રિપબ્લિકન એમ ચાર વિકલ્પો આપવામાં આવ્યા હતા. આ પ્રશ્નપત્ર પરીક્ષા પૂર્ણ થયા બાદ બહાર આવ્યું હતું અને તેનો વિરોધ શરૂ થયો હતો. પ્રશ્નપત્રમાં તોફાનો વિશે પ્રશ્ન પૂછવામાં આવ્યો હોવાનું ધ્યાને આવતાં તેમણે તાત્કાલિક એક ટ્વિટ કરીને પોતાની ભૂલ સ્વીકારી હતી.
તોફાની પવન ફુંકાતા મધરાતે અમદાવાદીઓની ઊંઘ ઉડી, શહેર બન્યું ઠંડુગાર

ટ્વિટ કરતાં બોર્ડે જણાવ્યું હતું કે, ધોરણ 12માં બુધવારે સોશિયોલોજીની ટર્મ-1ની પરીક્ષામાં એક પ્રશ્ન પૂછવામાં આવ્યો હતો, જે અયોગ્ય અને સીબીએસઈ બોર્ડની ગાઈડલાઈનની વિરુદ્ધ હતો. સીબીએસઈ પોતાની ભૂલ સ્વીકારે છે અને જવાબદારો સામે કડક પગલાં લેશે. સીબીએસઈની ગાઈડલાઈનમાં સ્પષ્ટપણે સૂચના છે કે, પ્રશ્નો અભ્યાસક્રમને લગતાં જ હોય તેનું પેપર સેટરે ધ્યાન રાખવાનું હોય છે. ઉપરાંત સમાજના વર્ગો અને ધર્મો અંગે ન્યૂટ્રલ રહેવાનો તેમજ લોકોની સામાજિક અને રાજકીય પસંદગીઓના એવા પાસાને ના સ્પર્શવા જેનાથી તેમની લાગણીઓ દુભાય તેવો ઉલ્લેખ ગાઈડલાઈનમાં છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here