unseasonal rain gujarat: સવારથી ગુજરાતના 55 તાલુકાઓમાં વરસાદ, હજુ પણ બે દિવસ માવઠાની સ્થિતિ રહેશે – unseasonal rain prediction for gujarat for next two days

0


હાઈલાઈટ્સ:

  • ગુજરાતમાં હજુ પણ આગામી બે દિવસ માવઠાની સ્થિતિ રહેશે
  • રાજ્યના સૌરાષ્ટ્ર અને દક્ષિણ ગુજરાતમાં કમોસમી વરસાદની વકી
  • અમદાવાદ અને ગાંધીનગરમાં પણ રહેશે કમોસમી વરસાદનો માહોલ

અમદાવાદઃ આજે રાજ્યના 55 તાલુકાઓમાં વરસાદી માહોલ છે, જેમાં બોડેલીમાં ચાર કલાકમાં સૌથી વધારે 23mm વરસાદ થયો છે. આજે અને આગામી 4 ડિસેમ્બર સુધી વરસાદી માહોલ રહેવાની આગાહી કરવામાં આવી છે. જેમાં સૌરાષ્ટ્ર અને દક્ષિણ ગુજરાતમાં કમોસમી વરસાદનું જોર રહેવાની આગાહી છે. અરબી સમુદ્રમાં ઉભું થયેલું લો પ્રેશર અને વેસ્ટર્ન ડિસ્ટર્બન્સના કારણે રાજ્યમાં વરસાદી માહોલ ઉભો થયો છે. આ સાથે સૌરાષ્ટ્ર અને દક્ષિણ ગુજરાતના માછીમારોને દરિયો ના ખેડવાની સૂચના આપવામાં આવી છે. ગીર સોમનાથના ઉનાના નવાબંદરેથી 6થી 8 માછીમારો દરિયામાં બોટ તૂટી જવાના કારણે ગુમ થયા છે. જેમની હાલ સ્થાનિક વહીવટી તંત્ર અને કોસ્ટગાર્ડ દ્વારા તપાસ કરવામાં આવી રહી છે.

ગાંધીનગરમાં બે દિવસમાં બે પોલીસકર્મીનું હૃદયરોગના હુમલાના લીધે અકાળે અવસાન

રાજ્યમાં વરસાદી માહોલ ઉભો થવાના કારણે તાપમાનમાં મોટો ઘટાડો નોંધાયો છે. અમદાવાદ સહિત સૌરાષ્ટ્ર અને દક્ષિણ ગુજરાતમાં ઠંડીનું પ્રમાણ વધ્યું છે. હજુ પણ આગામી દિવસોમાં લઘુત્તમ તાપમાનમાં 2-4 ડિગ્રી સેલ્સિયસ તાપમાન ઘટવાની સંભાવના વ્યક્ત કરવામાં આવી છે. લો પ્રેશર નબળું પડ્યા બાદ વરસાદ વિરામ લેશે. આજે સવારના 6 વાગ્યાથી 10 વાગ્યા સુધીમાં સૌથી વધારે છોટાઉદેપુરના બોડેલીમાં 23mm વરસાદ નોંધાયો છે. આ પછી નર્મદાના તિલકવાડામાં 19mm અને ગરુડેશ્વરમાં 19mm વરસાદ નોંધાયો છે. જ્યારે છોટાઉદેપુરના સંખેડા તાલુકામાં 18mm અને છોટાઉદેપુર તાલુકામાં 18mm વરસાદ થયો છે. આ સિવાય સુરતના માંગરોળમાં અને વડોદરાના ડભોઈમાં 17mm વરસાદ થયો છે.

આ સિવાય દક્ષિણ ગુજરાતના ભરુચ, વલસાડ, ડાંગ અને તાપીમાં પણ સામાન્ય વરસાદ નોંધાયો છે. જ્યારે સૌરાષ્ટ્રના દરિયા કિનારા પર લો પ્રેશરની અસર વર્તાઈ રહી છે, જેના લીધે માછીમારોને દરિયો ના ખેડવાની સૂચના આપી છે. સ્થાનિક વહીવટી તંત્ર દ્વારા પણ માછીમારોને જાગૃત કરવામાં આવી રહ્યા છે.

ઉનામાં દરિયામાં બોટ અથડાતા 6થી 8 માછીમારો ગુમ, 4ને બચાવી લેવાયા
આજે રાજ્યના સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, સાબરકાંઠા, ભાવનગર, બોટાદ, અમરેલી, ગીર સોમનાથ, દીવમાં વરસાદ થવાની આગાહી છે. જ્યારે 3 અને 4 ઓગસ્ટના રોજ રાજ્યના દાહોદ, છોટાઉદેપુર, નવસારી, વલસાડ, દમણ, દાદર નગર હવેલીમાં વરસાદ થવાની આગાહી છે. આ પછી કમોસમી વરસાદ વિરામ લેશે તેવી સંભાવના વ્યક્ત કરવામાં આવી રહી છે.

વરસાદના કારણે અમદાવાદ શહેર ઠંડુંગાર બન્યું છે, શહેરોમાં હિલસ્ટેશન જેવો માહોલ ઉભો થયો છે અને સૌરાષ્ટ્ર સહિત રાજ્યના અન્ય ભાગોમાં કમોસમી વરસાદના કારણે ખેતી અને ઉભા પાકને નુકસાન થવાની ફરિયાદો ઉઠી રહી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here