rajkot hotel: રાજકોટમાં હોટલની બારીમાંથી પડેલી દોઢ વર્ષની બાળકીનું મોત, મા મોબાઈલમાં હતી વ્યસ્ત – 1.5 years old baby fall from hotel’s forth floor while mother was busy with phone.

0


હાઈલાઈટ્સ:

  • રાજકોટમાં બનેલી ઘટનામાં હોટલના ચોથા માળેથી પડેલી બાળકીનું મોત
  • માતા મોબાઈલ ફોન જોવામાં વ્યસ્ત હતી ત્યારે આખી ઘટના બની હતી
  • બાળકી બારીમાંથી પડી ગઈ પછી પણ માતાને દુર્ઘટના અંગે ખબર નહોતી
  • પોતાની દીકરીનું બારીમાંથી પડી જવાથી મોત થયાનું જાણીને માતા બેભાન

રાજકોટઃ રાજકોટમાં આજે સવારના સમયે કમકમાટી છૂટી જાય તેવી ઘટના બની છે. સવારના સમયે એક હોટલના ચોથા માળેથી દોઢ મહિનાની બાળકી જમીન પર પટકાતા તેનું મોત થઈ ગયું છે. બાળકીના માતા ફોનમાં વ્યસ્ત હતી ત્યારે આ ઘટના બની હોવાનું જાણવા મળી રહ્યું છે. આ પરિવાર મૂળ પુણેનો છે અને તે પરિવારના સગાઈ પ્રસંગ માટે રાજકોટ આવ્યા હતા. આ પરિવાર ગોંડલ રોડ પર આવેલી ‘ધ પાઈનવિન્ટ હોટલ’ના ચોથા માળે 403 નંબરના રૂમમાં રોકાયો હતો.

સવારથી ગુજરાતના 55 તાલુકાઓમાં વરસાદ, હજુ પણ બે દિવસ માવઠાની સ્થિતિ રહેશે

રાજકોટઃ આ ઘટના સવારે બરાબર સાડા 8 વાગ્યે બની હતી. જેમાં હોટલના રૂમમાં બારી પાસે રમતા રમતા દોઢ વર્ષની માસુમ બાળકી નીચે પટકાઈ હતી. છેક ચોથા માળેથી નીચે પડવાના કારણે બાળકીને ગંભીર ઈજાઓ થઈ હતી અને તેને ખાનગી હોસ્પિટલમાં સારવાર માટે ખસેડવામાં આવી હતી. જોકે, તેનો જીવ બચાવી શકાયો નહોતો. જ્યારે આ ઘટના બની ત્યારે માતા મોબાઈલ ફોનમાં વ્યસ્ત હોવાનું સામે આવી રહ્યું છે. દીકરી સાથે બનેલી ઘટના વિશે જાણીને માતા પણ બેભાન થઈ ગઈ હતી, જેને સારવાર માટે ખાનગી હોસ્પિટલમાં ખસેડવામાં આવી છે.

એવી પણ વિગતો સામે આવી રહી છે કે જ્યારે બાળકી બારી પાસે રમતી હતી ત્યારે ફોનમાં વ્યસ્ત માતાને પોતાની દીકરી નીચે પડી ગઈ તેનો પણ ખ્યાલ નહોતો રહ્યો. જોકે, પછી ઘટના વિશે જાણીને બાળકીની માતા બેભાન થઈ ગઈ હતી.

ગાંધીનગરમાં બે દિવસમાં બે પોલીસકર્મીનું હૃદયરોગના હુમલાના લીધે અકાળે અવસાન
ગોંડલ રોડ પર બનેલી આ ઘટનાનો સીસીટીવી વીડિયો પણ સામે આવી રહ્યા છે જેમાં બાળકી ઉપરથી પડતાની સાથે જ સુનમુન થઈ ગઈ હતી.

પોલીસે આ ઘટના વિશે જણાવ્યું કે, પુનાનો પરિવાર રાજકોટમાં પ્રસંગ હોવાથી આવ્યો હતો અને રાત્રે હોટલમાં રોકાણ કર્યું હતું. સવારે હોટલના રૂમની બારી ખોલવામાં આવી હતી આ દરમિયાન અહીં બાળકી રમતી હતી અને તે ટેબલ પર ચઢીને બારી પાસે રમતા-રમતા અચાનક નીચે પડી ગઈ હતી.

હવે પોલીસ દ્વારા હોટલના રૂમની તપાસ કરીને મૃતક બાળકીના મા-બાપની વધુ પૂછપરછ કરવામાં આવી રહી છે. આ ઘટનાના લીધે જે પ્રસંગ માટે પુનાથી પરિવાર આવ્યો હતો ત્યાં પણ શોકનો માહોલ છવાઈ ગયો છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here