ancient coins: મધ્યપ્રદેશઃ ટીકમગઢ ખાણમાંથી પ્રાચીન સિક્કા મળી આવ્યા, મુઘલકાળનો ‘ખજાનો’ હોવાનું તારણ – full of ancient coins pot found in tikamgarh of madhya pradesh

0


હાઈલાઈટ્સ:

  • જિલ્લા કલેક્ટર મુજબ, આ સિક્કા મુઘલકાળના હોવા જોઇએ
  • 16 અને 17મી સદી દરમિયાન અહીં મુઘલોનું સામ્રાજ્ય હતું
  • કુલ 164 સિક્કા મળી આવ્યા છે, જેની પર ઉર્દુ ભાષામાં લખેલુ હોઇ શકે

ભોપાલઃ ઇતિહાસને જાળવાની મનુષ્યની કૂતુહુલતા એને આ ક્ષેત્રે શોધખોળ કરવા માટે પ્રેરિત કરે છે. જે દરમિયાન પ્રાપ્ત થતી પ્રાચીન કોઇપણ વસ્તુ કોઇ ‘ખજાના’થી ઓછી નથી હોતી. આવો મૂલ્યવાન ‘ખજાનો’ આપણને ઇતિહાસનો પરિચય કરાવે છે. આવુ જ કંઇક બન્યું છે મધ્યપ્રદેશના ટીકમગઢ જિલ્લામાં સ્થિત એક પથ્થરની ખાણમાં.

ટીકમગઢ જિલ્લાથી આશરે 35 કિમી અંતરે આવેલા નંદનવાડા ગામમાં પથ્થરની ખાણમાં ખોદકામ દરમિયાન પ્રાચીન સિક્કાઓથી ભરેલો ઘડો મળી આવ્યો છે. જેની પર ઉર્દુ ભાષામાં કંઇક લખ્યું હોવાનું માનવામાં આવે છે. આ પ્રાચીન ઘડામાં કુલ 164 સિક્કા મળી આવ્યા છે .

રિપોર્ટ મુજબ, મંગળવારની સવારે મજૂરો દ્વારા અહીં ખોદકામ કરવામાં આવી રહ્યું હતું, એવામાં જમીનમાં દટાયેલો એક ઘડો મળી આવ્યો હતો. તેમણે જ્યારે સાવચેતી સાથે આ ઘડાને બહાર કાઢી જોયું તો એમાં પ્રાચીન સિક્કાનો ખજાનો હતો. આ અંગેની જાણ તેમણે સ્થાનિક પ્રશાસનને કરતાં જ જિલ્લાના માઇનિંગ ઓફિસર પ્રશાંત તિવારી એમની ટીમ સાથે ઘટનાસ્થળે દોડી આવ્યા હતા. જોકે ગામમાં ખોદકામ દરમિયાન ખજાનો મળ્યો હોવાની વાત ચોતરફ ફેલાતાં સ્થાનિકોના ટોળા સહિત આસપાસના ગામડાના લોકો સાઇટ પર દોડી આવ્યા હતા. પ્રાચીન ઘડામાં 12 ચાંદીના અને 152 તાંબાના સિક્કા મળી આવ્યા છે.

જિલ્લાના માઇનિંગ ઓફિસર અને ટીમે આ પ્રાચીન ઘડાને સિક્કા સમેત સુરક્ષિત રીતે ઓરછા ખાતે પુરાતત્વ અને ટ્રેઝરી ખાતામાં જમા કરાવ્યો છે. પુરાતત્વ વિભાગ આ પ્રાચીન સિક્કાઓનું પરીક્ષણ અને અભ્યાસ કરશે. જિલ્લા કલેક્ટરના કહેવા મુજબ, લગભગ મુઘલકાળના આ સિક્કા પરથી ઇતિહાસને સમજવામાં મદદ મળી શકે છે. તેમના જણાવ્યા અનુસાર ઐતિહાસિક સ્થળ ઓરછા નંદનવાડાથી આશરે 55 કિમી દૂર છે.

બુંદેલખંડનો આ વિસ્તાર 16 અને 17મી સદીમાં મુઘલ સામ્રાજ્યનો મહત્વનો હિસ્સો હતો. ઇતિહાસ મુજબ ઓરછાના રાજા જુઝાર સિંહ મુઘલ શાસન સામે આઝાદીની લડાઇ લડી રહ્યા હતા ત્યારે શાહજહાંએ એમની વિરુદ્ધ ઔરંગજેબના નેતૃત્વમાં અહીં પોતાની વિશાળ સેના મોકલી હતી. ઓરછા અહીં સ્થિત રાજા રામ મંદિર માટે જાણીતું છે, જે હવે નિવારી જિલ્લામાં આવે છે.

વિરોધ પ્રદર્શનમાં માર્યા ગયેલા ખેડૂતોની કોઇ માહિતી નથી, એવામાં વળતર આપવાનો સવાલ જ નથી



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here