prashant kishor: ‘કોંગ્રેસના નેતૃત્વ પર કોઇ એક જ વ્યક્તિનો દૈવી અધિકાર નથી’, કોંગ્રેસ પર તૂટી પડ્યા પ્રશાંત કિશોર – prashan kishor mocks congress on leadership issue and rahul gandhi

0


હાઈલાઈટ્સ:

  • કોંગ્રેસે લોકતાંત્રિક પદ્ધતિઓથી પોતાના નેતૃત્વનો નિર્ણય થવા દેવો જોઇએ
  • બીજેપી દસકાઓ સુધી સત્તામાં જ રહેશે, પરંતુ રાહુલ ગાંધી એ સમજતા જ નથી
  • હાલમાં બીજેપી, આઝાદી પછી શરુઆતના 40 વર્ષમાં કોંગ્રેસની સ્થિતિમાં છે

નવી દિલ્હીઃ મમતા બેનરજી પછી એમના ખાસ સલાહકાર અને ચૂંટણી રણનીતિકાર પ્રશાંત કિશોરે કોંગ્રેસને આડે હાથ લીધી છે. 2024ની ચૂંટણીમાં મમતા બેનરજીના હિતને ધ્યાનમાં રાખીને પ્રશાંત કિશોરે વિતેલા 10 વર્ષમાં કોંગ્રેસને મળેલી ચૂંટણી હારને મુદ્દો બનાવ્યો છે. પ્રશાંત કિશોરનું કહેવુ છે કે, કોંગ્રેસે લોકતાંત્રિક પદ્ધતિઓથી પોતાના નેતૃત્વનો નિર્ણય થવા દેવો જોઇએ.

પ્રશાંત કિશોરે ટ્વીટ કરી છે, ‘કોંગ્રેસ જે વિચારધારાનું પ્રતિનિધિત્વ કરે છે અને જે એનું સ્થાન છે, એ એક મજબૂત વિપક્ષ માટે મહત્વપૂર્ણ છે, પરંતુ કોંગ્રેસનું નેતૃત્વ કોઇ એક વ્યક્તિનો દૈવી અધિકાર નથી, ખાસ કરીને એવા સમયે જ્યારે પાર્ટી વિતેલા 10 વર્ષમાં 90 ટકા ચૂંટણીઓ હારી હોય. વિપક્ષે લોકતાંત્રિક પદ્ધતિથી નિર્ણય લેવા દેવો જોઇએ.’ માનવામાં આવે છે કે પ્રશાંત કિશોરે આ પ્રહારો કોંગ્રેસ નેતા રાહુલ ગાંધી અને સોનિયા ગાંધી પર કર્યા છે.

અહીં સૌથી રસપ્રદ વાત એ છે કે, થોડા જ મહિના પહેલા પ્રશાંત કિશોર કોંગ્રેસમાં જોડાય એવા સમાચાર વાયુવેગે ચોતરફ ફેલાયા હતા. અહીં સુધી કે કનૈયા કુમાર અને જીગ્નેશ મેવાણી જેવા યુવાન નેતાઓને પણ કોંગ્રેસમાં જોડવા પાછળ પ્રશાંત કિશોરની જ રણનીતિ હોવાનું માનવામાં આવતું હતું. પરંતુ આ દરમિયાન પ્રશાંત કિશોરે કોંગ્રેસ પર આકરા પ્રહારો કરતાં તમામ પ્રકારની અટકળોનું પૂર્ણવિરામ થયું હતું.

જોકે પ્રશાંત કિશોર આ પહેલા પણ રાહુલ ગાંધી પર આકરી પ્રતિક્રિયા આપી ચૂક્યા છે. ઓક્ટોબરમાં તેમણે ગોવામાં એક કાર્યક્રમમાં કહ્યું હતું કે, બીજેપી દસકાઓ સુધી સત્તામાં જ રહેશે, પરંતુ રાહુલ ગાંધી સમજતા જ નથી. પીકે એ કહ્યું હતું કે, બીજેપી ભારતીય રાજનીતિનું કેન્દ્ર બનવા જઇ રહી છે, એ હારે કે જીતે, પણ એ અત્યારે એવી સ્થિતિમાં છે જેવી કોંગ્રેસની આઝાદી પછી શરુઆતના 40 વર્ષમાં હતી. બીજેપી ક્યાંય નથી જવાની. એકવાર રાષ્ટ્રીય સ્તરે તમે 30%થી વધુ મત મેળવી લો એટલે તમે સ્ટ્રોન્ગ પોઝિશનમાં આવી જાઓ છો. કોંગ્રેસ નેતા આ વાતને સમજી નથી રહ્યા.

એક દિવસ પહેલાં પણ મમતા બેનરજીએ કોંગ્રેસને નિશાને લેતાં કહ્યું હતું કે અડધો સમય વિદેશમાં અને અડધો સમય દેશમાં રહેતા લોકો બીજેપીને ટક્કર આપી શકતા નથી. મમતા બેનરજીનો કટાક્ષ રાહુલ ગાંધી પર હતો. આ સિવાય તેમણે કોંગ્રેસના મહાગઠબંધન UPAને પણ વખોડ્યું હતું.

સ્વરા ભાસ્કર ગુસ્સો ઠાલવ્યો, કહ્યું ‘પ્રસાદની જેમ વહેંચે છે UAPA અને રાષ્ટ્રદ્રોહના આરોપ’
કોંગ્રેસે કરી માંગ, CBSEની જેમ ધોરણ 10 અને 12ના અભ્યાસક્રમમાં ઘટાડો કરવામાં આવે‘દેશના ભલા માટે નીતીશ કુમાર સાથે હાથ મિલાવશે તેજસ્વી યાદવ’, બિહારનું રાજકારણ ગરમાયું



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here