miss excel: 27 વર્ષની યુવતી ઈન્સ્ટાગ્રામ પર શિખવાડે છે એક્સેલ, દર મહિને 1 કરોડની કમાણી – 27 years old miss excel earns 1 crore rs per month by teaching excel tips

0


હાઈલાઈટ્સ:

  • 27 વર્ષીય મિસ એક્સેલ ઓનલાઈન એક્સેલ ટ્રિપ્સ અને ટ્રિક્સ આપે છે
  • થોડા જ સમયમાં સોશિયલ મીડિયામાં ફેમસ થઈ ગઈ 27 વર્ષીય કેટ નોર્ટન
  • ઓનલાઈન વિડીયો બનાવવા માટે પોતાની કોર્પોરેટ જોબ પણ છોડી દીધી

નોકરિયાત વર્ગ માટે માઈક્રોસોફ્ટ એક્સેલમાં કામ કરવું એ એક માથાના દુઃખાવા સમાન હોય છે અને એક્સેલ પર આવડત મેળવવી ખુબ જ મુશ્કેલ કામ છે. અને આ જ કારણ છે કે, અનેક લોકોની મદદ કરવા માટે કેટ નોર્ટન કે જે મિસ એક્સેલના નામે ઓળખાય છે, તે લોકોને સરળ રીતે એક્સેલ શિખવાડવા અને ટિપ્સ આપવા માટે તે ઈન્સ્ટાગ્રામ વિડીયો બનાવે છે અને આજે તેની ફેન ફોલોઈંગ લાખોમાં છે.

ઓનલાઈન વિડીયો બનાવવા કોર્પોરેટ જોબ છોડી દીધી

કેટ નોર્ટન ઈન્સ્ટાગ્રામ અને ટિકટોક પર એટલી બધી ફેમસ થઈ ગઈ કે, એક વર્ષની અંદર જ તેણે 10 લાખ ફોલોઅર્સ મેળવી લીધા હતા. તેણે બોરિંગ ગણાતાં માઈક્રોસોફ્ટ એક્સેલ અને ગુગલ સ્પ્રેડશીટ્સને મજેદાર રીતે શિખવાડતાં લોકોને તેનાં વિડીયો ખુબ જ પસંદ પડ્યા હતા. ધ એક્સપ્રેસના જણાવ્યા અનુસાર 27 વર્ષીય કેટ નોર્ટને ઓનલાઈન એક્સેલ શિખવાડવા માટે તેની કોર્પોરેટ જોબ પણ છોડી દીધી હતી, અને તેના આ નિર્ણયે તેના જીવનમાં આમૂલ પરિવર્તન લાવી દીધું હતું.

ગત વર્ષે પોતાનો ઓનલાઈન ટીચિંગનો બિઝનેસ શરૂ કર્યો

ઈન્સ્ટાગ્રામ પર કેટ નોર્ટન @miss.excelના નામથી ઓળખાઈ છે અને એક વર્ષ અગાઉ નવેમ્બર 2020માં તેણે ઓનલાઈન ટીચિંગ બિઝનેસ લોન્ચ કર્યો હતો. અને આજે તે આર્થિક રીતે સ્વતંત્ર છે, કે જેનું સ્વપ્ન આજનું મોટાભાગનું યુવાધન સેવી રહ્યું હોય છે. કેટ નોર્ટને જણાવ્યું કે, શરૂઆતમાં ઉત્સાહ સાથે શરૂ થયેલા આ પ્રોજેક્ટ માટે મેં મારી દિવસની નોકરી છોડી દીધી. શરૂઆતમાં તેણે માઈક્રોસોફ્ટ એક્સેલની હિડન ટ્રિક્સ અને ટિપ્સના વિડીયો બનાવી ઈન્સ્ટાગ્રામ પર શેર કર્યાં હતા અને બાદમાં તેણે ગુગલ સ્પ્રેડશીટ્સના વિડીયો પણ ઈન્સ્ટાગ્રામ અને ટિકટોક પર શેર કર્યાં હતા.

બિઝનેસ શરૂ કર્યાંના 6 મહિનામાં 1 કરોડની આવક કરી

કેટ નોર્ટન અથવા મિસ એક્સેલ હવે ફૂલ ટાઈમ ટ્રેનર છે, અને હવે તે માત્ર માઈક્રોસોફ્ટ એક્સેલ કે ગુગલ સ્પ્રેડશીટ્સના કોર્સ ભણાવતી નથી પણ સાથે સાથે માઈક્રોસોફ્ટ સહિત અન્ય ઓનલાઈન પ્રોડ્ક્ટ્સની પણ ટ્રેનિંગ આપે છે. બિઝનેસ શરૂ કર્યાંના છ મહિનાની અંદર જ એપ્રિલ 2021માં તેણે પ્રથમ વખત 6 આંકડાની કમાણી કરી હતી. કેટ જ નહીં, પણ તેના બોયફ્રેન્ડે પણ કેટ માટે પોતાની જોબ છોડી દીધી હતી અને કેટના બિઝનેસમાં તેનો સાથ આપ્યો હતો. કેટ નોર્ટન હવે દર મહિને એક નવા શહેરની મુલાકાત લઈ રહી છે અને ટૂંક સમયમાં જ તે સાત આંકડાની કમાણીને સ્પર્શી લેશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here