Virat Kohli: ન્યૂઝીલેન્ડ સામે બીજી ટેસ્ટઃ પોન્ટિંગનો આ ‘વિરાટ’ રેકોર્ડ તોડી શકશે કોહલી? – india vs new zealand mumbai test 2021 virat kohli a century away to break ricky pontings big record as a captain

0


હાઈલાઈટ્સ:

  • કોહલી ન્યૂઝીલેન્ડ સામેની પ્રથમ ટેસ્ટમાં રમ્યો ન હતો, તેના સ્થાને અજિંક્ય રહાણેએ ટીમનું નેતૃત્વ કર્યું હતું
  • વિરાટ કોહલી બે વર્ષથી વધુ સમયથી એક પણ ફોર્મેટમાં સદી ફટકારી શક્યો નથી
  • કોહલીએ છેલ્લે નવેમ્બર 2019માં બાંગ્લાદેશ સામે ડે-નાઈટ ટેસ્ટમાં સદી ફટકારી હતી

ન્યૂઝીલેન્ડ વિરુદ્ધ શુક્રવારથી શરૂ થઈ રહેલી બીજી ટેસ્ટ ક્રિકેટ મેચમાં સુકાની વિરાટ કોહલી ટીમમાં પાછો ફર્યો છે. ભારત અને ન્યૂઝીલેન્ડ વચ્ચે મુંબઈમાં બીજી ટેસ્ટ રમાશે. કોહલીએ ન્યૂઝીલેન્ડ સામે રમાયેલી ત્રણ ટી20 મેચની સીરિઝ અને પ્રથમ ટેસ્ટ મેચમાં બ્રેક લીધો હતો અને હવે બીજી ટેસ્ટથી ટીમ સાથે જોડાયો છે.

મુંબઈ ટેસ્ટમાં કોહલી પાસે ઓસ્ટ્રેલિયાના દિગ્ગજ કેપ્ટન રિકી પોન્ટિંગનો એક મોટો રેકોર્ડ તોડવાની તક છે. 33 વર્ષીય કોહલીએ અત્યાર સુધી ત્રણેય ફોર્મેટમાં મળીને કુલ 70 સદી ફટકારી છે જેમાંથી 41 સદી કેપ્ટન તરીકે ફટકારી છે. કોહલી રિકી પોન્ટિંગનો રેકોર્ડ તોડવાથી ફક્ત એક સદી દૂર છે. પોન્ટિંગ અને કોહલી હાલમાં કેપ્ટન તરીકે 41-41 સદી સાથે સંયુક્ત રીતે ટોચના સ્થાને છે.

બે વર્ષથી વધુ સમયથી કોહલી સદી ફટકારી શક્યો નથી
જોકે, કોહલી છેલ્લા કેટલાક સમયથી ફોર્મમાં નથી. કોહલીએ બે વર્ષથી પણ વધુ સમયથી એક પણ ફોર્મેટમાં સદી ફટકારી નથી. તેણે છેલ્લે નવેમ્બર 2019માં બાંગ્લાદેશ વિરુદ્ધ રમાયેલી ડે-નાઈટ ટેસ્ટમાં સદી ફટકારી હતી. ત્યારબાદ તેણે 56 ઈનિંગ્સ રમી છે પરંતુ તે સદી ફટકારી શક્યો નથી. કોહલી હવે વન-ડે અને ટેસ્ટ ટીમનો જ સુકાની છે. ટી20 વર્લ્ડ કપ બાદ તેણે ટી20 ટીમનું કેપ્ટન પદ છોડી દીધું છે.

વાનખેડે સ્ટેડિયમમાં કોહલીનો રેકોર્ડ દમદાર રહ્યો છે
પરંતુ મુંબઈનું વાનખેડે સ્ટેડિયમમાં કોહલીનો રેકોર્ડ ઘણો સારો રહ્યો છે. તેણે ટેસ્ટમાં 72.16ની એવરેજ સાથે 433 રન નોંધાવ્યા છે જેમાં એક સદી અને ત્રણ અડધી સદી ફટકારી છે. કોઈ એક સ્ટેડિયમમાં કોહલીએ નોંધાવેલા રનમાં વાનખેડે સ્ટેડિયમ ત્રીજા સ્થાને છે. કોહલીએ ઓસ્ટ્રેલિયાના એડિલેડ ઓવલમાં ચાર ટેસ્ટમાં ત્રણ સદી સાથે 509 રન નોંધાવ્યા છે જ્યાં તેની એવરેજ 63.62 રહી છે. જ્યારે દિલ્હીના અરૂણ જેટલી સ્ટેડિયમમાં તેણે ત્રણ ટેસ્ટમાં 77.83ની એવરેજ સાથે 467 રન નોંધાવ્યા છે જેમાં એક સદી સામેલ છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here