coronavirus: કોરોના: ગુજરાતમાં નવા 50 કેસ, સૌથી વધુ અમદાવાદમાં 15 – new cases of coronavirus in gujarat in last 24 hours

0


હાઈલાઈટ્સ:

  • રાજ્યમાં કોરોનામાંથી સાજા થવાનો દર 98.74 ટકા નોંધાયો છે.
  • રાજ્યમાં આજે 24 દર્દી સાજા થયા છે જ્યારે અત્યાર સુધીમાં કુલ 8,17,158 દર્દીઓ સાજા થયા છે.
  • રાજ્યમાં આજે સાંજે 4 વાગ્યા સુધીમાં કુલ 4,21,081 વ્યક્તિઓનું રસીકરણ કરવામાં આવ્યું છે.

અમદાવાદ: ગુજરાતમાં કોરોના વાયરસના નવા 50 કેસ નોંધાયા છે. રાજ્યમાં કોરોનામાંથી સાજા થવાનો દર 98.74 ટકા નોંધાયો છે. રાજ્યમાં આજે 24 દર્દી સાજા થયા છે જ્યારે અત્યાર સુધીમાં કુલ 8,17,158 દર્દીઓ સાજા થયા છે. રાજ્યમાં આજે સાંજે 4 વાગ્યા સુધીમાં કુલ 4,21,081 વ્યક્તિઓનું રસીકરણ કરવામાં આવ્યું છે.

FFm_Y2QVQAYiieQ


ગુજરાતમાં કોરોના વાયરસના કારણે વધુ 1 દર્દીનું મોત થતાં કુલ મૃત્યુઆંક 10094 પર પહોંચ્યો છે. રાજ્યમાં એક્ટિવ કેસો 318 છે જેમાં 9 દર્દી વેન્ટિલેટર પર જ્યારે 309 દર્દીઓ સ્ટેબલ છે. છેલ્લા 24 કલાકમાં અમદાવાદમાં 15, સુરત અને વડોદરા (જિલ્લા)માં 6-6, રાજકોટ (જિલ્લો) અને વડોદરા કોર્પોરેશનમાં 4-4, કચ્છમાં 3, ભાવનગર કોર્પોરેશનમાં 2, આણંદ-ભાવનગર (જિલ્લો), ગાંધીનગર કોર્પોરેશન, ગીર સોમનાથ, જામનગર કોર્પોરેશન, નવસારી, રાજકોટ કોર્પોરેશન, સુરત (જિલ્લો), તાપી, વલસાડમાં 1 કેસ નોંધાયો છે. રાજકોટમાં 1 દર્દીનું મોત થયું છે.

FFm_Y2sUYAcrrxD

સમગ્ર વિશ્વમાં અત્યારે કોરોના વાયરસના ઓમિક્રોન વેરિયન્ટનો આતંક ફેલાયો છે. હવે ભારતમાં પણ આ વેરિયન્ટના બે કેસ નોંધાયા છે. કેન્દ્રીય સ્વાસ્થ્ય મંત્રાલયે ગુરૂવારે જણાવ્યું છે કે કર્ણાટકમાં બે વ્યક્તિ ઓમિક્રોન વેરિયન્ટ કોરોના વાયરસ માટે પોઝિટિવ આવ્યા છે. અત્યંત ઝડપથી ફેલાતા આ વેરિયન્ટના ભારતમાં આ પ્રથમ કેસ છે. જોકે, કેન્દ્ર સરકાર પહેલાથી જ ઓમિક્રોન વેરિયન્ટને લઈને સતર્ક થઈ ગઈ છે અને તેને રોકવા માટે નવી ગાઈડલાઈન્સ પણ બનાવી છે.

કેન્દ્રીય સ્વાસ્થ્ય મંત્રાલયના સંયુક્ત સચિવ લવ અગ્રવાલે જણાવ્યું હતું કે, અત્યાર સુધી દેશમાં ઓમિક્રોન વેરિયન્ટના બે કેસ નોંધાયા છે. બંને કેસ કર્ણાટકમાં નોંધાયા છે. હાલમાં આ બંને કેસના સંપર્કમાં આવેલા તમામ પ્રાઈમરી અને સેકન્ડરી કોન્ટેક્ટ્સને ટ્રેસ કરવામાં આવી રહ્યા છે અને તેમનો ટેસ્ટ કરવામાં આવી રહ્યો છે.

નવી ગાઈડલાઈન્સ પ્રમાણે કેન્દ્ર સરકારે જે દેશોમાં ઓમિક્રોન વેરિયન્ટ ફેલાયો છે તે દેશોમાંથી આવતા મુસાફરો માટે નેગેટિવ આરટી-પીસીઆર ફરજિયાત બનાવ્યો છે. કેન્દ્ર સરકારે રાજ્યોને પણ ટેસ્ટિંગની સંખ્યા વધારવા માટે કહી દીધું છે. ભારત 15 ડિસેમ્બરથી કોમર્શિયલ ઈન્ટરનેશનલ ફ્લાઈટ્સ શરૂ કરવાનું હતું. પરંતુ ઓમિક્રોનના કારણે સરકારે હવે આ યોજના પડતી મૂકી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here