omicron in india: ‘ઓમિક્રોન’ની ભારતમાં એન્ટ્રી થઇ ગઇ, હવે સરકારે જણાવ્યું-કેટલી ઝડપથી ફેલાઈ શકે છે સંક્રમણ – health ministry gave details of omicron variant after entry in india

0


હાઈલાઈટ્સ:

  • ઓમિક્રોનથી 5 ગણુ વધુ ઝડપથી સંક્રમણ ફેલાઈ શકે છે
  • ઓમિક્રોનમાં 45થી 52 ઓવરઓલ મ્યૂટેશન નોંધવામાં આવી છે
  • RT-PCR ટેસ્ટથી સંક્રમણની તપાસ કરી શકાય છે

નવી દિલ્હીઃ કોરોનાના નવા અને ઘાતક વેરિયન્ટ ‘ઓમિક્રોન’ને લઇને ભારત સહિત આખી દુનિયાને જે ચિંતા હતી, એ થઇ ગયું છે. દક્ષિણ આફ્રિકામાં જોવા મળેલો ઓમિક્રોન 28 દેશોમાં ફેલાઈ ચૂક્યો છે અને હવે ભારતમાં પણ પગ પેસારો કરી ચૂક્યો છે. દેશમાં ઓમિક્રોનના પહેલા બે દર્દી કર્ણાટકમાં મળી આવ્યા છે. જે પછી દેશના તમામ નાગરિકોમાં ઓમિક્રોનને લઇને ચિંતા વધી ગઇ છે. જોકે કેન્દ્રિય સ્વાસ્થ મંત્રાલયે અમેરિકાના વૈજ્ઞાનિકો દ્વારા કરેલા અભ્યાસને આધારે ઓમિક્રોન સામે નાગરિકોને ખાસ માહિતી આપી છે. જેથી એના સંક્રમણ સામે રક્ષણ મેળવી શકાય.

હેલ્થ મિનિસ્ટ્રીના જોઇન્ટ સેક્રેટરી લવ અગ્રવાલે જણાવ્યું કે, આ વાયરસથી 5 ગણું વધારે ઝડપી સંક્રમણ ફેલાઈ શકે છે. આ વાયરસનું સ્પાઈક પ્રોટીન ડેલ્ટા વેરિયન્ટની સરખામણીએ બે ગણાથી વધારે મ્યૂટેશન છે. તેમણે આશંકા વ્યક્ત કરી છે કે ઓમિક્રોન વેરિયન્ટ બીટા અને ડેલ્ટાના સંક્રમણ કરતાં વધુ ઝડપથી ફેલાઈ શકે છે.

સ્વાસ્થ મંત્રાલયના જોઇન્ટ સેક્રેટરીએ WHOના રિપોર્ટના હવાલે જણાવ્યું કે, ઓમિક્રોનમાં 45થી 52 સુધી ઓવરઓલ મ્યૂટેશન હોઇ શકે છે. જેમાં 26થી 32 સ્પાઈક પ્રોટીન સાથે સંબંધિત છે. ઓમિક્રોનના કેટલાક વેરિએશન ડેલ્ટામાં પણ જોવા મળ્યા છે. WHO મુજબ RT-PCR ટેસ્ટ દ્વારા આના સંક્રમણ વિશે જાણી શકાય છે.

અત્યાર સુધી 29 દેશોમાં ઓમિક્રોન વેરિયન્ટના 373 કેસ નોંધાયા છે. લવ અગ્રવાલના જણાવ્યા અનુસાર વિશ્વસ્તરે આ વેરિયન્ટનું સંક્રમણ ઝડપથી ફેલાઈ રહ્યું છે. આ સિવાય વિશ્વસ્તરે કોરોના સંક્રમણના કુલ કેસ પણ વધી રહ્યા હોવાના અહેવાલ છે.

ભારતમાં ખતરનાક ઓમિક્રોનની એન્ટ્રી, કર્ણાટકમાં બે કેસ નોંધાયા
ડેલ્ટાથી વધારે ખતરનાક છે કોરોનાનો ઓમિક્રોન વેરિયન્ટ? શું કહે છે એક્સપર્ટ?ઓમિક્રોનનો ફફડાટ: સાઉથ આફ્રિકામાં એક જ દિવસમાં ડબલ થયા કોરોનાના કેસ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here