gujarat companies shuts down in corona: રાજ્યના ઉદ્યોગોને મોટો ફટકો, કોરોના બાદ 1938 કંપનીઓના શટર પડ્યા – corona effect in gujarat: 1938 companies shutters down since covid 19

0


હાઈલાઈટ્સ:

  • કોરોનાને કારણે રાજ્યમાં 1938 કંપનીઓ બંધ થઈ ગઈ
  • એપ્રિલ 2020થી 29 નવેમ્બર 2021 દરમિયાન બંધ થઈ આ કંપનીઓ
  • નાણાકીય કટોકટી અને માગમાં ઘટાડાને કારણે કંપનીઓના શટર પડ્યા

કોરોના મહામારીની શરૂઆત બાદ ગુજરાતના ઉદ્યોગજગતને મોટો ફટકો પડ્યો છે. આર્થિક પરિસ્થિતિ ખરાબ થવાને કારણે અને માગમાં ઘટાડાને કારણે અનેક કંપનીઓને પ્રોડક્શન ઘટાડવું પડ્યું છે અથવા હંમેશા માટે કંપનીને બંધ કરવાનો વારો આવ્યો છે. કોરોનાની શરૂઆત એપ્રિલ 2020થી 29 નવેમ્બર 2021 દરમિયાન ગુજરાતમાં 1938 કપંપનીઓના શટર પડી ગયા છે. યુનિયન કોર્પોરેટ અફેર્સ મંત્રાલય દ્વારા પાર્લામેન્ટમાં આ ડેટા રજૂ કરવામાં આવ્યો હતો.

1938 કંપનીઓમાંથી 353 કંપનીઓ 2020-21 દરમિયાન અને 1585 કંપનીઓ એપ્રિલથી 29 નવેમ્બર 2021 દરમિયાન બંધ થઈ ગઈ હતી. નાની તેમજ માઈક્રો અને સ્મોલ અને મીડિયમ એન્ટરપ્રાઈઝ કંપનીઓમાં નાણાની તંગીને કારણે બંધ થઈ ગઈ હતી. આ ઉપરાંત ઈન્ડસ્ટ્રીના સુત્રોએ જણાવ્યું કે, એમએસએમઈ સાથે ટ્રાવેલ અને ટુરિઝમની કંપનીઓ પણ કોરોનાને કારણે બંધ કરવી પડી હતી.

ગુજરાત ચેમ્બર ઓફ કોમર્સ એન્ડ ઈન્ડસ્ટ્રી (GCCI)ના સીનિયર વાઈસ પ્રેસિડેન્ટ પથિક પટવારીએ જણાવ્યું કે, લિક્વિડિટીની અછતને કારણે જ ઈન્ડસ્ટ્રીને મોટો ફટકો પડ્યો છે. નાના ઉદ્યોગો પાસે મોટું ભંડોળ હોતું નથી. પણ જ્યારે સરકાર ઈમરજન્સી ક્રેડિટ લાઈન ગેરંટી સ્કીમ સાથે આવી ત્યારે એ કંપનીઓ કે જેમણે બેંક પાસેથી લોન લઈ રાખી હતી તેઓને 30 ટકા વર્કિગ કેપિટલ ક્રેડિટ આપવામાં આવી હતી. પણ નાના ઉદ્યોગો કે જેઓ બેંકો હેઠળ આવેલ ન હતા તેઓને આ સ્કીમનો લાભ ન મળ્યો. અને કોરોનાએ આ કંપનીઓને મોટો ઝટકો આપ્યો હતો.

જીસીસીઆઈના ડેટા અનુસાર, એન્જિનિયરિંગ, ટેક્સટાઈલ, ટ્રાવેલ અને ટુરિઝમ સેક્ટરની કંપનીઓ કોરોનાથી સૌથી વધારે પ્રભાવિત થઈ હતી અને તેઓને આર્થિક તંગીનો પણ સામનો કરવો પડ્યો હતો. ઓનલાઈન ઈ કોમર્સ કંપનીઓને કારણે રિટેલર્સનો ધંધો ઠપ્પ થઈ ગયો. અને ઈન્ડસ્ટ્રીના જાણકાર કહે છે કે, નાણાકીય વર્ષ 2021-22 સુધીમાં આ આંકડો વધવાની શક્યતા છે.

એસોચેમ ગુજરાત સ્ટેટ કાઉન્સિલના ચેરમેન ચિંતન ઠાકરે જણાવ્યું કે, રો મટિરિયલના ભાવોમાં સતત વધારો અને ડિમાન્ડમાં ઘટાડો, કંપનીના સંચાલનનો ખર્ચ સહિતની વસ્તુઓએ અનેક કંપનીઓને અસર પહોંચાડી છે. બેંક દ્વારા અપાયેલ મોરાટોરિયમે ઈન્ડસ્ટ્રીને એક નાની વિન્ડો ઉપલબ્ધ કરાવી, પણ તે મુક્તિ ન હતી. અનેક કંપનીઓ કે જે ખર્ચને પહોંચી ન વળી તેમને કંપની બંધ કરવાનો વારો આવ્યો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here