jaipur five star hotel theft: જુનાગઢનો હાઈફાઈ ચોર, જયપુરની ફાઈવ સ્ટાર હોટલમાં કરી કરોડોની ચોરી – junagadh man name was revealed in theft of crores in a five star hotel in jaipur

0


હાઈલાઈટ્સ:

  • જયપુરની ફાઈવ સ્ટાર હોટલમાં કરી કરોડોની ચોરી
  • મૂળ જુનાગઢનો જયેશ વૈભવી લગ્નોને નિશાન બનાવતો હતો
  • દેશના અનેક રાજ્યોમાં આપ્યો ફાઈવ સ્ટાર ચોરીને અંજામ

હાલ લગ્નગાળાની સિઝન શરૂ થઈ ગઈ છે. તેવામાં લગ્નપ્રસંગોમાં ચોરીનાં બનાવો પણ સામે આવી રહ્યા છે. પણ આ વચ્ચે જૂનાગઢના એક હાઈફાઈ ચોરનો કિસ્સો સામે આવ્યો છે, જે ફક્ત ફાઈવ સ્ટાર હોટલ્સમાં થતાં લગ્નનો ટાર્ગેટ કરતો હતો અને ત્યાંથી કરોડોની ચોરી કરીને ફરાર થઈ જતો હતો. આ જ રીતે જયપુરની ફાઈવ સ્ટાર હોટલમાં ચોરીના ગુનામાં તેની સંડોવણી સામે આવી છે. જે બાદ રાજસ્થાન પોલીસ તેને પકડવા જુનાગઢ આવે તેવી પણ શક્યતાઓ છે.

જયપુરની ફાઈવ સ્ટાર હોટલમાં કરી કરોડોની ચોરી

મૂળ જુનાગઢનો અને હાલ મુંબઈ ખાતે રહેતો જયેશ રાઉજી ફાઈવ સ્ટાર હોટલ્સમાં યોજાતાં લગ્નનો ટાર્ગેટ કરીને ત્યાં ચોરીને અંજામ આપતો હતો. અને લગ્ન પ્રસંગોમાં દાગીના સહિતના કિંમતી માલસામાનની ચોરી કરતો હતો. આવી જ રીતે જયપુરમાં પણ તેણે એક ફાઈવ સ્ટાર હોટલમાંથી 2 કરોડ રૂપિયાના ડાયમંડ સેટ અને રોકડ રકમની ચોરી કરી હતી. જે મામલે હાલ રાજસ્થાન પોલીસ યુવકને શોધવા માટેના ચક્રો ગતિમાન કર્યાં છે. અને આ મામલે તે યુવકના જુનાગઢ સ્થિત ઘરે પણ આવે તેવી આશંકાઓ વ્યક્ત કરવામાં આવી રહી છે.

જયેશ આ રીતે વૈભવી લગ્નોને નિશાન બનાવતો હતો

જયેશની મોડસ ઓપરેન્ડીની વાત કરવામાં આવે તો, રાજસ્થાન પોલીસના જણાવ્યા અનુસાર જયેશ વૈભવી હોટલ્સમાં થતાં લગ્નોને નિશાન બનાવતો હતો. તે ફાઈવ સ્ટાર હોટલ્સમાં 20થી 25 જેટલાં રૂમ બુક કરાવવાના નામે ફોન કરતો હતો, અને આ રીતે તે ફાઈવ સ્ટાર હોટેલ્સમાં થનાર લગ્નોની માહિતી મેળવી લેતો હતો. જયેશ બાદમાં લગ્નના દિવસે મહેમાનોના કાફલા સાથે હોટલમાં પ્રવેશી રિસેપ્શન કાઉન્ટર પર બેસી જતો હતો. અને બાદમાં જે મહેમાન કિંમતી દાગીના સહિત માલસામાનની બેગ હોટલ કર્મીને મુકવા ન આપે તેની ઉપર નજર રાખતો હતો અને આવા મહેમાનોની માહિતી મેળવી જ્યારે તે રૂમમાં હાજર ન હોય ત્યારે તેમના નામે રૂમમાં પ્રવેશી કિંમતી સામાનની ચોરી કરતો હતો.

દેશના અનેક રાજ્યોમાં આપ્યો ફાઈવ સ્ટાર ચોરીને અંજામ

આમ જયેશ એક રીઢો ચોર છે અને પોલીસ તપાસમાં વધુ પણ ચોંકાવનારી વિગતો સામે આવી છે કે, જયેશ ન માત્ર જયપુર પણ દેશના અનેક રાજ્યોમાં આ રીતે ફાઈવ સ્ટાર ચોરીને અંજામ આપ્યો છે. જયેશે જયપુરની સાથે ઉદેપુર, હૈદરાબાદ, આગ્રા, કાનપુર, ચંદીગઢ સહિતના મોટા શહેરોમાં ફાઈવ સ્ટાર ચોરીને અંજામ આપ્યો છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here