d-mart: સેટેલાઈટ સ્થિત ડી-માર્ટે ગ્રાહકો સાથે આચરી છેતરપિંડી, ફટકારાયો ₹90 હજારનો દંડ – ahmedabad d-mart in satellite area fined rs 90000 by weighing and measuring department

0


હાઈલાઈટ્સ:

  • સેટેલાઈટ સ્થિત ડી-માર્ટ સ્ટોરમાં મૂકવામાં આવેલા પેકેટ પર નિયમ પ્રમાણે નહોતી વિગત
  • ગ્રાહકો તરફથી ફરિયાદ મળ્યા બાદ અધિકારીઓએ તપાસ કરતાં તથ્ય સામે આવ્યું
  • દોઢ વર્ષમાં મેટ્રોલોજી વિભાગ દ્વાકા 44 કરોડ રૂપિયાનો દંડ વસૂલવામાં આવ્યો

અમદાવાદઃ શહેરના સેટેલાઈટ વિસ્તારમાં આવેલા ડી-માર્ટને તોલમાપ વિભાગ દ્વારા 90 હજાર રૂપિયાનો દંડ ફંટકારવામાં આવ્યો હતો. ડી-માર્ટના સેટેલાઈટ સ્ટોરમાં વેચાણમાં મૂકવામાં આવેલા પેકેટ પર નિયમ અનુસાર વિગતો ન હોવાથી ગ્રાહકો સાથે છેતરપિંડી થતી હોવાની ફરિયાદ મળી હતી. જે બાદ અધિકારીઓએ તપાસ કરતાં ફરિયાદમાં તથ્ય હોવાનું સામે આવ્યું હતું અને ડી-માર્ટ પાસેથી 90 હજારનો દંડ વસૂલવામાં આવ્યો હતો. તોલમાપ અને પેકેજિંગ સહિતના નિયમોના ભંગ બદલ છેલ્લા દોઢ વર્ષમાં મેટ્રોલોજી વિભાગ દ્વારા 44 કરોડ રૂપિયાનો જંગી દંડ વસૂલ કરવામાં આવ્યો હતો.

ગુજરાતમાં શુક્રવારે પણ વરસાદની આગાહી, ઠંડા પવનો ફૂંકાતા ઠૂંઠવાયા લોકો
ડી-માર્ટમાં જે પેકેટનું વેચાણ થઈ રહ્યું હતું તેના પર લિગલ મેટ્રોલોજી એક્ટ 2009 અને પેકેજિંગ કોમોડિટી રૂલ 2011 મુજબ જે પણ જરૂરી નિર્દેશ હોવા જોઈએ તે નહોતા. તે બાદ ગ્રાહકો સાથે છેતરપિંડી થઈ રહી હોવાની ફરિયાદ મળી હતી. તપાસ કરતાં ફરિયાદ સાચી હોવાનું ખૂલતાં દંડ ફટકારાયો હતો અને તે તાત્કાલિક ભરવાનો આદેશ અપાયો હતો. આ સિવાય ડી-માર્ટને નિયમોના આધારે પેકેજિંગ કરવાની સૂચના અપાઈ હતી.

ઉનાના નવાબંદરમાં દરિયામાં ગુમ થયા 7 માછીમાર, શોધવા હાથ ધરાયું દિલધડક ઓપરેશન
લિગલ મેટ્રોલોજીના નિયામક ચંદ્રેશ કોટકે જણાવ્યું હતું કે, ગ્રાહકો સાથે છેતરપિંડી કરતા કોઈ પણ પ્રકારના એકમો સામેની ફરિયાદ નોંધાશે તો વિભાગ તરત જ તપાસ કરશે અને તથ્ય જણાશે તો કડક પગલા લેવામાં આવશે. 2020-21માં 1,79,676 અને ચાલુ વર્ષે સપ્ટેમ્બર મહિના સુધીમાં 72,938 એકમોની તપાસ કરાઈ હતી. જેમાં 2020-21માં 9,744 અને 2021માં 3,338 એકમો સામે કાયદેસરની કાર્યવાહી થઈ હતી. જેમાં અનુક્રમે 30.72 કરોડ અને 13.86 કરોડનો દંડ લેવાયો હતો.

જે એકમોમાં ગ્રાહકો સાથે છેતરપિંડી અને નિયમભંગ બદલ તપાસ કરાઈ હતી તેમાં પેટ્રોલ પંપ, પુરવઠા વિભાગના ગોડાઉન, સસ્તા અનાજની દુકાનો, સોના-ચાંદીની દુકાનો, ફરસાણની દુકાનો, ડેરી પાર્લરનો સમાવેશ થાય છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here