psi and lrd exam postponed: આજથી થનારી ફિઝિકલ ટેસ્ટ મોકૂફ, PSI માટે તારીખ બદલવા માગતા અરજદારોનું લિસ્ટ જાહેર – psi and lrd physical test exam postponed due to gujarat’s weather condition

0


હાઈલાઈટ્સ:

  • આજથી શરુ થતી PSI અને LRD ફિઝિકલ ટેસ્ટ મોકૂફ રાખવાનો નિર્ણય કરાયો
  • ગુજરાતના વાતાવરણમાં આવેલા પલ્ટાના કારણે પરીક્ષા મોકૂફ રાખવામાં આવી છે
  • હવે આગામી સમયમાં ફિઝિકલ ટેસ્ટ માટેની નવી તારીખ જાહેર કરવામાં આવશે

અમદાવાદઃ ગુજરાત પોલીસમાં પીએસઆઈ અને એલઆરડીની ભરતી માટે થનારી ફિઝિકલ ટેસ્ટ આજથી (3 ડિસેમ્બર) શરુ થવાની હતી, જોકે, રાજ્યના હવામાનમાં આવેલા પલ્ટાના કારણે પરીક્ષા મોકૂફ રાખવામાં આવી છે. આ સિવાય કેટલાક ઉમેદવારો લગ્ન, સરકારી ભરતીની પરીક્ષાની તારીખ અને ફિઝિકલ ટેસ્ટ બધું એક જ દિવસે આવતું હોવાથી પીએસઆઈ અને એલઆરડી બોર્ડે તારીખ બદલવાની અરજી મંગાવવામાં આવી હતી, જેમાં પીએસઆઈ માટે ફિઝિકલ ટેસ્ટની તારીખ બદલવા અરજી કરનારા ઉમેરવાનું લિસ્ટ https://psirbgujarat2021.in/ વેબસાઈટ પર મૂકવામાં આવ્યું હતું. જેમાં પ્રથમ તબક્કામાં 617 જેટલા ઉમેદવારોની અરજી માન્ય રાખવામાં આવી હતી. હવે પછી પરીક્ષા માટે નવી તારીખ જાહેર કરવામાં આવશે.

દક્ષિણ ગુજરાતમાં માવઠાએ દશા બેસાડી, ઉમરપાડામાં 6 ઈંચ વરસાદ

હવે જે આજથી પરીક્ષા થવાની હતી તેને મોકૂફ રાખવાનો નિર્ણય લેવામાં આવ્યો છે. અગાઉ એવો નિર્ણય લેવાયો હતો કે સવારે 6 વાગ્યે ઉમેદવારોનો કૉલ લેટર ચકાસીને તેમને પ્રેવશ આપવામાં આવશે. આ માટે ગ્રાઉન્ડ પર કાઉન્ટર પણ ગોઠવવામાં આવ્યા હતા. જ્યાંથી 200 ઉમેદવારોને ચકાસીને તેમને દોડ માટે માર્ગદર્શન આપવામાં આવવામાં આવશે. અહીંથી તેમને RFID ટેગ આપવાની અને ચેસ્ટની ચકાસણી સહિતની કામગીરી કરવામાં આવશે.

અહીં ભરતી માટે આવનારા ઉમેદવારોને ગ્રાઉન્ડ પર જઈને 416.66 મીટરના ટ્રેક પર 25 મિનિટમાં 12 રાઉન્ડ પૂરા કરવા પડશે, એટલે કે 25 મિનિટમાં 5,000 મીટર દોડ કરનારા ઉમેદવાર દોડની પરીક્ષામાં પાસ ગણાશે. આમ પીએસઆઈ અને એલઆરડીની પરીક્ષા માટે રાજ્યના અલગ-અલગ શહેરોમાં 15 ગ્રાઉન્ડ પસંદ કરવામાં આવ્યા હતા. અહીં દોડ માટે આવેલા ઉમેદવારનું વજન, ઊંચાઈ, છાતીનું માપ વગેરે માહિતી ગ્રાઉન્ડ પરથી જ લેવામાં આવશે.

ગુજરાતમાં શુક્રવારે પણ વરસાદની આગાહી, ઠંડા પવનો ફૂંકાતા લોકો ઠૂંઠવાયા
દોડવા માટે આવેલા ઉમેદવારોએ કોરોના ગાઈડલાઈન્સનું પાલન કરવું પડશે. આ સિવાય દોડમાં પાસ થવા માટે કેફી દ્રવ્યો કે કોઈ ડ્રગ્સનું સેવન કર્યું હોય તે ઉમેદવારોને પરીક્ષામાંથી બહાર કરાશે.

અહીં જે ઉમેદવારો 25 મિનિટમાં 5000 મીટર દોડ પૂરી કરશે તેમને આગળની તપાસ માટે ત્યાં જ બેસાડવામાં આવશે જ્યારે નિષ્ફળ રહેલા ઉમેદવારોને ત્યાંથી ગ્રાઉન્ડની બહાર રવાના કરવામાં આવશે. નિષ્ફળ થયેલા ઉમેદવારો પાસેથી RFID ટેગ પણ પરત લેવામાં આવશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here