India vs New Zealand Mumbai Test: ન્યૂઝીલેન્ડ સામે બીજી ટેસ્ટઃ ભારતીય ટીમમાંથી જાડેજા, રહાણે અને ઈશાન્ત આઉટ – india vs new zealand mumbai test ishant jadeja and ajinkya ruled out

0


હાઈલાઈટ્સ:

  • ઈજાના કારણે રવિન્દ્ર જાડેજા, ઈશાન્ત શર્મા અને અજિંક્ય રહાણે બીજી ટેસ્ટમાં નહીં રમે
  • વરસાદ અને ભીની આઉટ ફિલ્ડના કારણે બીજી ટેસ્ટના ટોસમાં વિલંબ થયો
  • સુકાની વિરાટ કોહલી ટીમમાં પાછો ફર્યો, પ્રથમ ટેસ્ટમાં તેણે આરામ લીધો હતો

ભારત અને ન્યૂઝીલેન્ડ વચ્ચે આજથી મુંબઈના વાનખેડે સ્ટેડિયમમાં બીજી ટેસ્ટ ક્રિકેટ મેચનો પ્રારંભ થયો છે. ભારતીય ટીમનો ઉપસુકાની અજિંક્ય રહાણે હામસ્ટ્રિંગની ઈજાના કારણે આ ટેસ્ટમાંથી બહાર થઈ ગયો છે. આ ઉપરાંત ઓલ-રાઉન્ડર રવિન્દ્ર જાડેજા તથા ઝડપી બોલર ઈશાન્ત શર્મા પણ ઈજાના કારણે બીજી મેચમાંથી બહાર થઈ ગયા છે.

IPL: મુંબઈ ઈન્ડિયન્સે રીલિઝ કર્યા બાદ ભાવુક બન્યો હાર્દિક પંડ્યા, કહી આ વાત
મુંબઈમાં વરસાદ હોવાના કારણે આઉટફિલ્ડ ભીની હોવાથી ટોસમાં વિલંબ થયો છે. ભારતીય ક્રિકેટ કંટ્રોલ બોર્ડે નિવેદન જાહેર કરીને જણાવ્યું છે કે, કાનપુરમાં ન્યૂઝીલેન્ડ વિરુદ્ધ રમાયેલી પ્રથમ ટેસ્ટના અંતિમ દિવસે ફિલ્ડિંગ દરમિયાન રહાણેને હામસ્ટ્રિંગની ઈજા થઈ હતી. તે સંપૂર્ણ પણે ઈજામુક્ત થયો નથી જેના કારણે તે મુંબઈમાં બીજી ટેસ્ટમાંથી બહાર થઈ ગયો છે.
ઝડપી બોલર ઈશાન્ત શર્માને ડાબા હાથની આંગળીમાં ઈજા થઈ છે જેના કારણે તે પણ બીજી ટેસ્ટમાંથી બહાર થઈ ગયો છે. જોકે, કાનપુર ટેસ્ટમાં નિરાશાજનક પ્રદર્શન બાદ ટીમમાં તેના સમાવેશ અંગે શંકા વ્યક્ત કરવામાં આવી રહી હતી.

જોકે, ટીમ માટે સૌથી મોટો ફટકો રવિન્દ્ર જાડેજાનું ઈજાગ્રસ્ત થવું છે. બોર્ડે જણાવ્યું છે કે, કાનપુરમાં રમાયેલી પ્રથમ ટેસ્ટ દરમિયાન ઓલ-રાઉન્ડર રવિન્દ્ર જાડેજાના ડાબા ફોરઆર્મમાં ઈજા થઈ હતી. તેનો સ્કેન કર્યા બાદ જાણવા મળ્યું હતું કે તેના ફોરઆર્મમાં સોજો છે. તેને આરામ કરવાની સલાહ આપવામાં આવી હતી અને તેના કારણે તે પણ બીજી ટેસ્ટમાં રમી શકશે નહીં.
તે BCCI ગાઈડલાઈન્સનો ભંગ છેઃ લોકેશ રાહુલ પર રોષે ભરાઈ પંજાબ કિંગ્સ ટીમનોંધનીય છે કે જાડેજાએ કાનપુર ટેસ્ટમાં શાનદાર બોલિંગ પ્રદર્શન કરવા ઉપરાંત પ્રથમ દાવમાં અડધી સદી પણ ફટકારી હતી. બીજી તરફ ઉપસુકાની અજિંક્ય રહાણેનું કંગાળ ફોર્મ ટીમ માટે ચિંતાનો વિષય છે. કંગાળ ફોર્મના કારણે ટીમમાં તેનું સ્થાન પણ જોખમમાં આવી ગયું છે. આ ઉપરાંત મિડલ ઓર્ડર બેટર ચેતેશ્વર પૂજારા પર પણ હવે દબાણ આવી ગયું છે કેમ કે છેલ્લા ઘણા સમયથી તે પણ ફોર્મમાં જોવા મળી રહ્યો નથી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here