Useasonal Rain: ગુજરાતમાં શુક્રવારે પણ વરસાદની આગાહી, ઠંડા પવનો ફૂંકાતા લોકો ઠૂંઠવાયા – unseasonal rain prediction in some parts of gujarat

0


હાઈલાઈટ્સ:

  • માવઠાના કારણે ખેડૂતોના માથે આભ તૂટી પડ્યા જેવી સ્થિતિ પેદા થઈ છે.
  • શુક્રવારે પણ વરસાદની આગાહી હોવાથી ખેડૂતો ચિંતામાં.
  • માવઠાના કારણે કેટલાક વિસ્તારમાં ઘઉં, ચણા, કપાસ ઉપરાંત ડુંગળી અને કેળાના પાકને પણ નુકસાન.

ગુજરાતમાં સતત બીજા દિવસે અનેક તાલુકામાં કમોસમી વરસાદ પડ્યો હતો, જેના કારણે ભરશિયાળે ચોમાસુ બેસી ગયું હોય તેવી સ્થિતિ સર્જાઈ હતી. 91 તાલુકામાં સામાન્યથી અતિભારે વરસાદ થયો હતો. ઉમરપાડામાં કુલ 6 ઈંચ જેટલો વરસાદ નોંધાયો હતો. સવારે 6થી રાતના 8 વાગ્યા સુધીના સમયગાળામાં સૌથી વધુ વરસાદ વડોદરાના ડભોઈ ખાતે પોણા બે ઈંચ જેટલો વરસાદ પડ્યો હતો. મધ્ય અને દક્ષિણ ગુજરાતના તાલુકાઓમાં જ મુખ્યત્વે વરસાદ થયો હતો. માવઠાના કારણે કેટલાક વિસ્તારમાં ઘઉં, ચણા, કપાસ ઉપરાંત ડુંગળી અને કેળાના પાકને પણ નુકસાન થવા પામ્યું છે.

દક્ષિણ ગુજરાતમાં માવઠાએ દશા બેસાડી, ઉમરપાડામાં 6 ઈંચ વરસાદ

ગુજરાતમાં ગુરુવારે પણ વાદળછાયું વાતાવરણ અને કાતિલ ઠંડા પવનો ફુંકાયા હતા. સવારે ઉત્તર ભારતના રાજ્યોમાં શિયાળામાં જેવો માહોલ હોય તેવો ગુજરાતમાં જોવા મળ્યો હતો. જોકે, બપોર બાદ વાદળ વિખેરાઈ જતાં થોડો સૂર્ય પ્રકાશ રેલાયો હતો અને ઠંડીમાંથી આંશિક રાહત મળી હતી. સાંજે ફરીથી વાતાવરણ ઠંડુંગાર થયું હતું.

હવામાન ખાતાની આગાહી પ્રમાણે, સૌરાષ્ટ્રના દરિયાકિનારા વિસ્તારો અને દક્ષિણ ગુજરાતના કેટલાક વિસ્તારોમાં આજે ભારે વરસાદ પડી શકે છે. અમદાવાદમાં પણ હળવાથી સામાન્ય વરસાદની આગાહી કરવામાં આવી છે. વરસાદી માહોલના કારણે રાજ્યમાં ઠંડીનું જોર વધ્યું છે.

રાજ્યના વિવિધ વિસ્તારોમાં નોંધાયેલા વરસાદની વાત કરીએ તો, બોડેલીમાં 31 મીમી, તિલકવાડામાં 21 મીમી, ગરુડેશ્વરમાં 29 મીમી, માંગરોળમાં 21 મીમી, ઓલપાડમાં 40 મીમી, માંડવીમાં 37મીમી, પારડીમાં 90મીમી વરસાદ નોંધાયો હતો. સુરતમાં 1 ઈંચ અને ભાવનગરમાં અડધો ઈંચ વરસાદ વરસ્યો હતો. આ સિવાય સૌરાષ્ટ્રના કેટલાય વિસ્તારોમાં વરસાદી ઝાપટા હતા. છોટાઉદેપુર, સંખેડા, જાંબુઘોડા અને હાંસોટમાં પણ અડધો ઈંચ વરસાદ થયો હતો.

ઉનાના નવાબંદરમાં દરિયામાં ગુમ થયા 7 માછીમાર, શોધવા હાથ ધરાયું દિલધડક ઓપરેશન

અગાઉ તાઉતે વાવાઝોડું અને પછી અતિવૃષ્ટિના કારણે ખેતીના પાકને નુકસાન થયું હતું. ત્યારે હવે માવઠાના કારણે ખેડૂતોના માથે આભ તૂટી પડ્યા જેવી સ્થિતિ પેદા થઈ છે. કેટલાક સ્થળોએ રવિ પાકને નુકસાન થયું હતું. ઘઉં, ચણા અને કપાસ ઉપરાંત શાકભાજી અને ફળમાં પણ નુકસાન થયું હતું. એપીએમસીમાં કૃષિ ઉપજનું વેચાણ પણ ખેડૂતોને બંધ રાખવાની ફરજ પડી હતી.

દક્ષિણ ગુજરાત, સૌરાષ્ટ્ર અને ઉત્તર ગુજરાતના વિવિધ વિસ્તારોમાં છેલ્લા 2-3 દિવસમાં વાતાવરણમાં પલટો આવ્યો છે. કેટલાક વિસ્તારોમાં ભારેથી અતિભારે વરસાદ પડવાની હવામાન વિભાગે આગાહી કરી છે, પરંતુ એ પ્રમાણે વરસાદ ના થતાં ખેડૂતોની મુશ્કેલી ઓછી થઈ છે. જોકે, હજી વરસાદની આગાહી હોવાથી ચિંતાના વાદળ વિખેરાયા નથી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here