Jagdish Thakor gujarat congress president: ગુજરાત કોંગ્રેસના પ્રદેશ પ્રમુખપદે જગદીશ ઠાકોરના નામની સત્તાવાર જાહેરાત – jagdish thakor appointed new cheif of gujarat congress

0


| I am Gujarat | Updated: Dec 3, 2021, 1:27 PM

2016માં કોંગ્રેસના તમામ હોદ્દા છોડનારા જગદીશ ઠાકોરનું નામ પ્રદેશ પ્રમુખપદે સત્તાવાર રીતે જાહેર થયું. માધવસિંહ સોલંકીના નજીકના નેતા ગણાય છે જગદીશ ઠાકોર.

 

હાઈલાઈટ્સ:

  • કોંગ્રેસે ઓબીસી સમાજના દિગ્ગજ નેતા જગદીશ ઠાકોરના હાથમાં સોંપી કોંગ્રેસની કમાન.
  • ઠાકોર બેવાર ધારાસભ્ય રહ્યા અને એકવાર સાંસદ સભ્ય રહ્યા છે, અને ઉત્તર ગુજરાતમાં મોટા નેતા ગણાય છે.
  • વિપક્ષ નેતા તરીકે પાંચ વાર ધારાસભ્ય રહી ચૂકેલા આદિવાસી નેતા સુખરામ રાઠવાનું નામ ફાઈનલ.

ગુજરાતમાં છેલ્લા છ મહિના કરતાં વધુ સમયથી કોંગ્રેસના પ્રદેશ પ્રમુખ અને વિરોધપક્ષના નેતાએ રાજીનામાં આપ્યા બાદ નવી નિમણુંક અંગેના વિવાદનો અંત આવી રહ્યો છે. જેમા ગુજરાત કોંગ્રેસના પ્રમુખ પદે ઠાકોર સમાજના આગેવાન અને ઉત્તર ગુજરાતના ખમતીધર નેતા જગદીશ ઠાકોરને સત્તાવાર પ્રમુખ તરીકે જાહેર કરવામાં આવ્યાં છે. આજે સાંજે ગાંધીનગરમાં ધારાસભ્યો સાથેની બેઠકમાં વિરોધ પક્ષના નેતા પદે આદિવાસી નેતા સુખરામ રાઠવાનું નામ જાહેર કરવામાં આવશે.
‘કોંગ્રેસના નેતૃત્વ પર કોઇ એક જ વ્યક્તિનો દૈવી અધિકાર નથી’, કોંગ્રેસ પર તૂટી પડ્યા પ્રશાંત કિશોર
જગદીશ ઠાકરો OBC સમાજનો મોટો ચહેરો

ઉત્તર ગુજરાતના ઓબીસી સમાજનો મોટો ચહેરો અને તેજ વક્તા તરીકે જાણીતા પૂર્વ સાસંદ જગદીશ ઠાકોર બે વખત ધારાસભ્ય ચૂંટણી લડ્યા છે . દેહગામ વિધાનસભા બેઠક પરથી 2002થી 2007 અને 2007 થી 2009 સુધી ધારાસભ્ય રહ્યા છે. 2009ની લોકસભા ચૂંટણીમાં ચાલુ ધારાસભ્યના પગલે પાટણ લોકસભા બેઠક પરથી ચૂંટણી લડ્યા હતા. 2009થી 2014 સુધી કોંગ્રેસમાંથી પાટણ લોકસભા બેઠકના સાસંદ રહી ચૂક્યા છે.
મે લોકોને કોરોનાથી બચાવ્યા, મારો દીકરો ગુમાવ્યો તેનું શું આ જ વળતર આપ્યું AMCએ?
2016માં તમામ જવાબદારી છોડી દીધી હતી

ભૂતપૂર્વ મુખ્યમંત્રી માધવસિંહ સોલંકીની અત્યંત નજીક મનાતા જગદીશ ઠાકોર ઉત્તર ગુજરાતમાં સારું વર્ચસ્વ ધરાવે છે. રસપ્રદ વાત એ છે કે, જગદીશ ઠાકોરે 2016માં કોંગ્રેસના તમામ હોદ્દા પરથી રાજીનામું ધરી દીધું હતું. ઠાકોરે એ વખતે એલાન કરેલું કે, હવેથી પોતે માત્ર સામાન્ય કાર્યકર તરીકે જ કામ કરશે. ઠાકોરની આ જાહેરાતે ખળભળાટ મચાવ્યો હતો. આ જાહેરાતના કારણે જગદીશ ઠાકોરની રાજકીય કારકિર્દી સમાપ્ત થઈ ગઈ હોવાનું મનાતું હતું પણ પાંચ વર્ષમાં જ ઠાકોરે ભવ્ય પુનરાગમન કર્યું છે. ગુજરાત પ્રદેશ કોંગ્રેસનો સર્વોચ્ચ હોદ્દો મેળવીને જગદીશ ઠાકોરે હાઈકમાન્ડને પોતાની તાકાત અને મહત્વ સમજાવવામાં સફળતા મેળવી છે.
નિષ્ણાંતોનું માનવું વેક્સીનના બંને ડોઝ લીધા હોય તો ઓમિક્રોનના ગંભીર લક્ષણ નહીં જણાય
કોણ છે સુખરામ રાઠવા?

ગુજરાત નેતા વિપક્ષ તરીકે પાવીજેતપુરના આદિવાસી ધારાસભ્ય સુખરામ રાઠવા પંસદગી કરાઇ છે અને તેમના નામની સત્તાવાર જાહેરાત આજે સાંજ સુધીમાં કરવામાં આવી શકે છે. અત્યાર સુધી કુલ 8 વખત તેઓ ધારાસભ્યની ચૂંટણી લડ્યા છે. જેમાં 5 વખત વિજેતા બન્યા છે. 7 વખત છોટાઉદેપુર બેઠક ઉપર લડ્યા જયારે વર્ષ 2012 અને 2017માં પાવીજેતપુર બેઠક ઉપર થી ચૂંટણી લડ્યા હતા. પાવીજેતપુરમાં પ્રથમ ચૂંટણીમાં ભાજપના જેન્તી રાઠવા સામે 4273 મતોથી હાર્યા હતા. જ્યારે 2017માં 3052 મતોથી ભાજપના જેન્તી રાઠવા સામે જીત મેળવી હતી. વર્ષ 1985થી ધારાસભ્યની ચૂંટણી લડી રહ્યા છે. તેઓ કવાંટ તાલુકાના જામલી ગામના રહેવાસી છે.
કોરોનાના ગંભીર લક્ષણો નથી? તો ક્લેમની રકમ ન મળે વીમા કંપનીનો અજબ નિર્ણય
આક્રમક નેતૃત્વ માટે ગ્યાસુદ્દીને ટ્વિટ કર્યું હતું

ગુજરાત કોંગ્રેસના નેતાઓ હાઈકમાન્ડ સમક્ષ વિધાનસભાની ચૂંટણીને લઈને નવા માળખાની રચના અંગે રજૂઆતો બાદ પણ યોગ્ય દિશામાં કોઈ સળવળાટ ન જણાતા બે દિવસ પહેલાં જ કોંગ્રેસના સિનિયર ધારાસભ્ય ગ્યાસુદ્દીન શેખે ટ્વીટ કરીને રાહુલ ગાંધી સમક્ષ આક્રમક નેતૃત્વને જવાબદારી સોંપવાની માંગણી કરી હતી.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : jagdish thakor appointed new cheif of gujarat congress
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here