una navabandar: ઉનાઃ દરિયામાં ગુમ થયેલા માછીમારોમાંથી વધુ એકનો મૃતદેહ મળ્યો, 6ની શોધખોળ ચાલુ – one more dead body of fisherman found, still six missing in una

0


હાઈલાઈટ્સ:

  • ઉનામાં નવાબંદરેથી ગુમ થયેલા વધુ એક માછીમારનો મૃતદેહ મળી આવ્યો
  • હજુ પણ ઉનાના દરિયાકાંઠે 6 માછીમારોની શોધખોળ માટે ઓપરેશન ચાલુ
  • જેટી પર બોટ લાંગરેલી હતી ત્યારે અકસ્માત સર્જાતા માછીમારો ગુમ થયા હતા

ઉનાઃ ઉનાના નવાબંદરથી જેટી પર લાંગરેલી 50 જેટલી બોટ અને 12 માછીમાર પાણીમાં તણાયાની ઘટના બની હતી. જેમાં ચાર ખલાસીઓને તાત્કાલિક સ્થાનિક દ્વારા બચાવી લેવામાં આવ્યા હતા. આ સિવાય ગઈકાલે વધુ એક મૃતદેહ મળ્યા બાદ ફરી આજે એક મૃતદેહ મળી આવ્યો છે એટલે કે હજુ પણ 6 માછીમારો ગુમ છે. જેમને શોધવા માટેની કામગીરી કરવામાં આવી રહી છે. ગુજરાતના દરિયા કિનારા પાસે સાઈક્લોનિક સર્ક્યુલેશન સર્જાયું હતું જેના કારણે હજુ પણ માછીમારોને દરિયો ખેડવાની મંજૂરી આપવામાં આવી નથી. આ સિવાય દરિયા કિનારે આવતા અન્ય લોકોને પણ સુરક્ષિત રહેવા માટે સૂચન કરવામાં આવ્યું છે.

રામુભાઈ દેવાભાઈ નામના માછીમારોનો મૃતદેહ મળી આવ્યો છે. આ મૃતદેહ મોડી રાત્રે મળી આવ્યો હોવાની વિગતો મળી રહી છે. ખરાબ વાતાવરણના કારણે અગાઉ હવામાન વિભાગ દ્વારા દરિયો ના ખેડવાની સૂચના આપવામાં આવી હતી. NDRF અને કોસ્ટગાર્ડની ટીમો દ્વારા દરિયામાં ગુમ થયેલા માછીમારોને શોધવા માટે સર્ચ ઓપરેશન હાથ ધરવામાં આવ્યું હતું. જેમાં હેલિકોપ્ટર સહિતના સાધનો દ્વારા તપાસ શરુ કરાઈ હતી.

બેંગ્લુરુના 46 વર્ષના ડૉક્ટરની ટ્રાવેલ હિસ્ટ્રી ના હોવા છતાં ઓમિક્રોન વેરિન્ટથી સંક્રમિત

ગીર સોમનાથના કલેક્ટર રાજદીપસિંહ ગોહિલ દ્વારા આ અંગે માહિતી આપતા જણાવ્યું છે કે, કોસ્ટગાર્ડ અને એનડીઆરએફની ટીમ દ્વારા સર્ચ ઓપરેશન હાથ ધરવામાં આવ્યું છે જેમાં બે માછીમારોના મૃતદેહ મળી આવ્યા છે. જે માછીમારો ગુમ છે તેમને શોધવા માટે ડાઈવર્સની પણ મદદ લેવાઈ રહી છે. કલેક્ટરે એમ પણ જણાવ્યું કે જે, બોટ જેટી પર લાંગરેલી હતી તેમાં માછીમારો સવાર હતા અને દરિયાના ભારે મોજા ઉછળવાથી બોટ તૂટી પડી હતી અને માછીમારો ગુમ થયા હતા.

નિષ્ણાંતોનું માનવું વેક્સીનના બંને ડોઝ લીધા હોય તો ઓમિક્રોનના ગંભીર લક્ષણ નહીં જણાય
મત્યસ્ય ઉદ્યોગ દ્વારા હજુ પણ 5 ડિસેમ્બર સુધી દરિયો નહીં ખેડવા માટે માટે જણાવવામાં આવ્યું છે. આ સિવાય માછીમારો માટે કૂપન પણ ઈશ્યુ કરવામાં નહીં આવે. આ સિવાય દરિયા કિનારે કોઈએ ફરવા માટે ના જવું તેવું સૂચન કરવામાં આવ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here