Virat Kohli: વિવાદાસ્પદ નિર્ણયઃ અમ્પાયરની ભૂલ પર અકળાયા કોહલી-દ્રવિડ, નોંધાયો કંગાળ રેકોર્ડ – india vs new zealand mumbai test kohli and dravid baffled with third umpires decision

0


હાઈલાઈટ્સ:

  • મુંબઈ ટેસ્ટના પ્રથમ દાવમાં કોહલીને વિવાદાસ્પદ રીતે એલબીડબલ્યુ આઉટ જાહેર કરવામાં આવ્યો હતો
  • કોહલીએ ડીઆરએસની મદદ લીધી જેમાં બોલ બેટ-પેડને અડ્યું હોવાનું સ્પષ્ટ દેખાતું હતું
  • અમ્પાયરના નિર્ણયથી કોહલી અને કોચ રાહુલ દ્રવિડ પણ અકળાયા હતા

ન્યૂઝીલેન્ડ વિરુદ્ધ આજથી શરૂ થયેલી બીજી ટેસ્ટ ક્રિકેટ મેચના પ્રથમ દિવસે ભારતીય કેપ્ટન વિરાટ કોહલી અમ્પાયરના ખોટા નિર્ણયનો ભોગ બન્યો હતો. મુંબઈના વાનખેડે સ્ટેડિયમમાં કોહલીએ ટોસ જીતીને પ્રથમ બેટિંગનો નિર્ણય કર્યો હતો. ટીમની શરૂઆત સારી રહી ન હતી પરંતુ સૌથી મોટો ઝાટકો કોહલીને ખોટો એલબીડબલ્યુ આપવાનો રહ્યો હતો. સ્પિનર એજાઝ પટેલના બોલ પર અમ્પાયરે કોહલીને એલબીડબલ્યુ આપ્યો હતો.

ન્યૂઝીલેન્ડ સામે બીજી ટેસ્ટઃ ભારતીય ટીમમાંથી જાડેજા, રહાણે અને ઈશાન્ત આઉટ
પ્રથમ બેટિંગ કરી રહેલી ભારતીય ટીમની 30મી ઓવરના અંતિમ બોલ પર કોહલી આઉટ થયો હતો. અમ્પાયરે તેને એલબીડબલ્યુ આઉટ આપ્યો હતો પરંતુ કોહલીએ તેમના નિર્ણયને પડકારતા ડીઆરએસની મદદ લીધી હતી. રિવ્યુમાં સ્પષ્ટ રીતે જોવા મળતું હતું કે બોલ કોહલીના બેટ અને પેડ બંને પર એક સાથે અથડાયો હતો. જેના કારણે થર્ડ અમ્પાયરે પણ મેદાન પરના અમ્પાયરનો નિર્ણય યથાવત રાખ્યો હતો અને કોહલીને પેવેલિયન ભેગા થવું પડ્યું હતું.
જોકે, અમ્પાયરનો આ નિર્ણય વિવાદાસ્પદ રહ્યો હતો. કોમેન્ટેટર્સે પણ આ નિર્ણય અંગે આશ્ચર્ય વ્યક્ત કર્યું હતું. થર્ડ અમ્પાયરે આઉટ આપતા જ કોહલી ફિલ્ડ અમ્પાયર અનિલ ચૌધરી પાસે ગયો હતો. બંને વચ્ચે ઘણા સમય સુધી વાતચીત થઈ હતી પરંતુ કોહલીને અનિચ્છાએ પેવેલિયન પરત ફરવું પડ્યું હતું. કોહલીએ ચાર બોલનો સામનો કર્યો હતો પરંતુ તે ખાતું ખોલાવી શક્યો ન હતો.
કોહલી જ્યારે આઉટ થઈને પેવેલિયન જઈ રહ્યો હતો ત્યારે બાઉન્ડ્રી રોપ પર ગુસ્સામાં બેટ ફટકારીને પોતાનો ગુસ્સો વ્યક્ત કર્યો હતો. વિરાટ કોહલીનો આ વિડીયો સોશિયલ મીડિયા પર વાઈરલ થઈ રહ્યો છે. સોશિયલ મીડિયા પર પણ ક્રિકેટપ્રેમીઓેએ અમ્પાયરના નિર્ણય સામે નારાજગી વ્યક્ત કરી હતી.

વિરાટ કોહલીએ અનિચ્છનીય રેકોર્ડની બરાબરી કરી
ટેસ્ટ કેપ્ટન તરીકે વિરાટ કોહલી 10મી વખત ખાતું ખોલાવ્યા વગર આઉટ થયો છે. આ સાથે જ તેણે સાઉથ આફ્રિકાના ભૂતપૂર્વ કેપ્ટન ગ્રીમ સ્મિથના કંગાળ રેકોર્ડની બરાબરી કરી લીધી છે. સ્મિથ પણ કેપ્ટન તરીકે ટેસ્ટમાં 10 વખત શૂન્ય પર આઉટ થયો હતો. આ યાદીમાં ટોચ પર ન્યૂઝીલેન્ડના ભૂતપૂર્વ સુકાની સ્ટીફન ફ્લેમિંગનું નામ છે. ફ્લેમિંગ પોતાની કારકિર્દી દરમિયાન 13 વખત ટેસ્ટમાં ખાતું ખોલાવ્યા વગર જ પેવેલિયન ભેગો થયો હતો.
IPL: મુંબઈ ઈન્ડિયન્સે રીલિઝ કર્યા બાદ ભાવુક બન્યો હાર્દિક પંડ્યા, કહી આ વાત
પ્રથમ ટેસ્ટમાં ન હતો રમ્યો વિરાટ કોહલી
ટી20 વર્લ્ડ કપ બાદ વિરાટ કોહલીએ બ્રેક લીધો હતો. જેના કારણે તે ન્યૂઝીલેન્ડ સામે ત્રણ મેચની ટી20 સીરિઝ તથા કાનપુરમાં રમાયેલી પ્રથમ ટેસ્ટમાં રમ્યો ન હતો. કોહલીએ ટી20 ટીમનું સુકાની પદ છોડી દીધું છે જેના કારણે ટી20 શ્રેણીમાં રોહિત શર્માએ ટીમની આગેવાની કરી હતી. જ્યારે કાનપુર ટેસ્ટમાં અજિંક્ય રહાણેએ ટીમનું નેતૃત્વ કર્યું હતું. આ ટેસ્ટ મેચ રોમાંચક રહી હતી પરંતુ તે ડ્રો થઈ હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here