rahul gandhi: અમારી પાસેથી શહીદ ખેડૂતોનું લિસ્ટ લઈને વળતર આપે સરકાર, રાહુલ ગાંધીનો કટાક્ષ – rahul gandhi slammed the centre for having told parliament that it had no data on the number of farmers who died during the agitation

0


હાઈલાઈટ્સ:

  • રાહુલ ગાંધીએ કહ્યું કે ખેડૂત આંદોલન દરમિયાન કેટલા ખેડૂતોના મોત થયા છે તેના આંકડા સરકાર પાસે નથી.
  • આજે દેશની એવી હાલત થઈ ગઈ છે કે સરકાર પાસે કોઈના પણ મોતના આંકડા જ નથી.
  • રાહુલ ગાંધીએ આ મુદ્દે એવું પણ કહ્યું કે આવા ખેડૂતોનું લિસ્ટ અમારી પાસે છે, સરકાર પરિવારને વળતર આપે.

નવી દિલ્હી: કોંગ્રેસ નેતા રાહુલ ગાંધીએ દિલ્હીમાં અકબર રોડ સ્થિત કોંગ્રેસના રાષ્ટ્રીય મુખ્યાલયમાં એક પ્રેસ કોન્ફરન્સ બોલાવી. પત્રકારો સાથેની વાતચીત દરમિયાન રાહુલ ગાંધીએ કહ્યું કે ખેડૂત આંદોલન દરમિયાન કેટલા ખેડૂતોના મોત થયા છે તેના આંકડા સરકાર પાસે નથી. આજે દેશની એવી હાલત થઈ ગઈ છે કે સરકાર પાસે કોઈના પણ મોતના આંકડા જ નથી. રાહુલ ગાંધીએ આ મુદ્દે એવું પણ કહ્યું કે આવા ખેડૂતોનું લિસ્ટ અમારી પાસે છે, સરકાર પરિવારને વળતર આપે.

રાહુલ ગાંધીએ કહ્યું કે આંદોલનમાં કેટલા ખેડૂતોના મોત થયા છે, સરકાર પાસે ડેટા નથી. સરકાર પાસે આ ડેટા નથી તો અમારી પાસે તો છે. 500 લોકોના નામ તો અમારી પાસે છે કે જેઓને પંજાબ સરકારે વળતર અને નોકરી આપી છે. રાહુલ ગાંધીએ એવો પણ દાવો કર્યો છે કે સરકાર કોરોના વાયરસની મહામારીમાં મૃત્યુ પામેલા લોકો અને ખેડૂત આંદોલન દરમિયાન જીવ ગુમાવનાર ખેડૂતોના પરિવારને વળતર આપવા નથી માગતી જેના કારણે સરકાર મોતના આંકડા સ્વીકારી રહી નથી.

ગુજરાત કોંગ્રેસના પ્રદેશ પ્રમુખપદે જગદીશ ઠાકોરના નામની સત્તાવાર જાહેરાત

રાહુલ ગાંધીએ એવું પણ કહ્યું કે વડાપ્રધાન અને સરકારે માનવતા દાખવતા ખેડૂત આંદોલન દરમિયાન જીવ ગુમાવનાર ખેડૂતોના પરિવારને યોગ્ય વળતર આપવું જોઈએ. કારણકે, પંજાબની સરકારે આવા ખેડૂતોના પરિવારોને 5 લાખ રૂપિયાનું વળતર આપ્યું છે. કોંગ્રેસ નેતાએ એવો પણ સવાલ કર્યો કે જ્યારે વડાપ્રધાને પોતાની ભૂલ સ્વીકારી લીધી, માફી માગી લીધી તો પછી વળતર આપવામાં શું સમસ્યા છે? સરકારે ગત 30 નવેમ્બરે જણાવ્યું હતું કે દિલ્હીની આસપાસ કૃષિ કાયદા સામે પ્રદર્શન કરી રહેલા મૃતક ખેડૂતોની સંખ્યા સંબંધિત આંકડા કૃષિ અને કિસાન કલ્યાણ મંત્રાલય પાસે નથી.

આ પહેલા રાહુલ ગાંધીએ ટ્વિટ કરીને વડાપ્રધાન નરેન્દ્ર મોદીને 5 સવાલ પૂછ્યા છે કે જેમાં લખીમપુર કાંડથી લઈને MSP કાયદા સુધી જવાબ માગ્યો છે. ટ્વિટ કરતા રાહુલ ગાંધીએ લખ્યું કે જ્યારે PMએ કૃષિ-વિરોધી કાયદા બનાવવા માટે માફી માગી તો સંસદમાં જણાવે કે પ્રાયશ્ચિત કેવી રીતે કરશે. લખીમપુર મામલે મંત્રીને ક્યારે હાંકી કઢાશે? શહીદ ખેડૂતોનું વળતર ક્યારે અને કેટલું? સત્યાગ્રહીઓ વિરુદ્ધ ખોટા કેસ ક્યારે પરત ખેંચાશે? MSP પર કાયદો ક્યારે? આ વિના માફી અધૂરી!



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here