ahmedabad police: ફેક્ટરી માલિકનો હત્યારો પકડાયો, પગાર ન આપતાં માથામાં પાઈપથી માર્યા હતા ફટકા – ahmedabad crime branch nabbed labour who killed factory owner

0


હાઈલાઈટ્સ:

  • 2 હજાર રૂપિયાની લેતી-દેતી મામલે માલિકની હત્યા કરનારો કારીગર ઝડપાયો
  • દહેગામ ફેક્ટરીમાં માલિકની હત્યા કર્યા બાદ બિહાર ભાગી ગયો હતો કારીગર
  • પગાર પેટે માલિક 2 હજાર ન આપતા હોવાથી કારીગરે કર્યો હતો ઝઘડો

અમદાવાદઃ દહેગામ જીઆઈડીસીમાં પીવીસી પાઈપ ફેક્ટરી ધરાવતા અને હીરાવાડી વિસ્તારમાં રહેતા ગૌતમ પટેલની હત્યાનો ભેદ આખરે ઉકેલાઈ ગયો છે. જુલાઈ મહિનામાં ગૌતમ પટેલની ક્રૂર હત્યા કરવામાં આવી હતી અને પોલીસે હત્યારાના પકડી પાડ્યો હતો. તેમનો હત્યારો બીજો કોઈ નહીં પરંતુ તેમની જ ફેક્ટરીમાં કામ કરતો કારીગર નીકળ્યો.

ડૉક્ટર પતિએ પત્ની, દીકરો અને દીકરીને ઉતાર્યા મોતને ઘાટ, ભાઈને જણાવ્યું હત્યાનું કારણ
ગૌતમ પટેલને લોખંડની પાઈપના ફટકા મારીને અખિલેશ નામના કારીગરે હત્યા કરી હતી. પોલીસે તેને બિહારથી ઝડપી પાડ્યો હતો. અખિલેશને બાકી પગાર પેટે 2 હજાર રૂપિયા મૃતક પાસેથી લેવાના હતા, જે તેને આપવામાં આવી રહ્યા નહોતા. માલિક અને કારીગર વચ્ચે આ વાતને લઈને અનેકવાર ઝઘડો પણ થયો હતો અને તેથી જ તે માલિકની હત્યા કરીને ભાગી ગયો હોવાની કબૂલાત પોલીસ સમક્ષ કરી હતી.

ગૌતમ પટેલની હત્યાના સીસીટીવી ફૂટેજ પણ તે સમયે વાયરલ થયા હતા. હત્યા કરનારા અખિલેશને ઝડપવા માટે ગાંધીનગર પોલીસ તેમજ અમદાવાદ ક્રાઈમ બ્રાંચની ટીમ સક્રિય થઈ હતી. ચાર મહિના સુધી દોડધામ બાદ પણ અખિલેશની ભાળ મળી નહોતી જે બાદ તે બિહારમાં આવેલા રૂગનાથપુરા ગામમાં છુપાયો હોવાની માહિતી અમદાવાદ ક્રાઈમ બ્રાંચને મળી હતી. પોલીસે ત્યાંથી તેને પકડી પાડ્યો હતો.

5 વર્ષના પુત્રને શેતાન સમજી પિતાએ કુહાડી વડે તેના 7 ટુકડાં કર્યાં, ઘરની સામે જમીનમાં દાટી દીધો
પોલીસે પૂછપરછ કરતાં આરોપી અખિલેશે જણાવ્યું હતું કે, તે ગૌતમ પટેલની ફેક્ટરી પર કામ કરતો હતો અને તેને રોજના 200 રૂપિયા મળતા હતા. તેને 2000 રૂપિયા લેવાના હતા, જે માલિક આપી રહ્યા નહોતા અને બંને વચ્ચે કામ બાબતે ઘણીવાર તકરાર પણ થઈ હતી. હત્યાના દિવસે અખિલેશે ગૌતમ પાસેથી ફરી 2 હજાર માગ્યા હતા અને વતન જવાનું કહ્યું હતું. આ દરમિયાન તેઓ ફરીથી ઝઘડ્યા હતા. જે બાદ રાતે તેણે લોખંડની પાઈપના ફટકા મારી ગૌતમની હત્યા કરી હતી અને ડ્રોઅરમાંથી 60 હજાર રોકડા તેમજ મોબાઈલ લૂંટી વતન ભાગી ગયો હતો. વતન પહોંચ્યા બાદ તેણે ફોન ફેંકી દીધો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here