દોઢ માસની બાળકીને માથાથી બમણી સાઈઝની ગાંઠ હતી, સિવિલમાં થઈ સફળ સર્જરી – newborn girl suffering from neural tube defects treated at civil hospital

0


હાઈલાઈટ્સ:

  • ન્યૂરલ ટ્યુબ ડિફેક્ટથી પીડિત હતી દોઢ મહિનાની બાળકી.
  • સારવાર માટે અરવલ્લીથી સિવિલ આવ્યો હતો ખેડૂત પરિવાર.
  • બાળકીના માથાથી બમણી સાઈઝની ગાંઠ તબીબોએ દૂર કરી.

સિવિલ હોસ્પિટલમાં ગુજરાતભરના લોકો સારવાર માટે આવતા હોય છે. અહીં અનેક મુશ્કેલ અને પડકારજનક સર્જરી નિષ્ણાંત તબીબો દ્વારા કરવામાં આવતી હોય છે. તાજેતરમાં જ સિવિલ હોસ્પિટલના બાળ સર્જરી વિભાગના તબીબો દ્વારા એક બાળકીને નવજીવન આપવામાં આવ્યું છે. દોઢ જ મહિનાની આ બાળકીને માથામાં 65 સેમી પરિઘ ધરાવતી ગાંઠ હતી. પરંતુ સિવિલ હોસ્પિટલની ટીમ દ્વારા સફળ સર્જરી કરીને ગાંઠ દૂર કરવામાં આવી છે.

સિવિલ હોસ્પિટલના સુપ્રિટન્ડન્ટ ડોક્ટર રાકેશ જોષી જણાવે છે કે, આખી દુનિયામાં દર વર્ષે 3 લાખથી વધારે બાળકો ન્યૂરલ ટ્યુબ ડિફેક્ટ સાથે જન્મે છે. એનકેફેલોસીસ એ ન્યૂરલ ટ્યુબ ડિફેક્ટનો એક ભાગ છે. આ બીમારીને સરળ ભાષામાં સમજીએ તો, માથાથી લઈને પૂંઠ સુધી કમરમાં કોઈ પણ પ્રકારની ગાંઠ હોય, જેના કારણે કરોડરજ્જુ અથવા મગજનો હિસ્સો બહાર આવતો હોય. તબીબી ભાષામાં તેને ન્યૂરલ ટ્યુબ ડિફેક્ટ કહેવામાં આવે છે.

બ્રિટેનની ફાર્મા કંપનીનો દાવો, તેની દવા ઓમિક્રોન વેરિયન્ટ સામે કારગર

આ કેસની વાત કરીએ તો, અરવલ્લીમાં રહેતા અને વ્યવસાયે ખેડૂત દિલીપભાઈ બારિયાના ઘરે 10મી ઓક્ટોબરના રોજ દીકરીનો જન્મ થયો હતો. દીકરીને નવેમ્બર મહિનામાં જ માથાના ભાગે ગાંઠ થઈ ગઈ હતી. અરવલ્લીની હોસ્પિટલમાં જ્યારે તેને સારવાર માટે લઈ જવામાં આવી તો મિત્રોએ સિવિલમાં સારવાર કરવાની સલાહ આપી હતી. સિવિલના તબીબોએ તે સમયે જ કહ્યુ હતું કે બાળકીની સ્થિતિ ગંભીર છે, પરંત પરિવારજનોએ વધુ સારવાર કરાવવાનો ઈનકાર કરી દીધો હતો.

કેવી રીતે ભણશે ગુજરાત? બીજું શૈક્ષણિક વર્ષ શરૂ તો થયું પરંતુ હજી નથી મળ્યા પુસ્તકો
સમયની સાથે બાળકીના માથાના ભાગમાં સોજો વધતો જતો હતો, જેથી તેને ફરી એકવાર સિવિલ લાવવામાં આવી. નાનકડી બાળકીની આ ગાંઠ તેના માથાની સાઈઝથી બમણી સાઈઝની હતી. તબીબોએ તેને દાખલ કરીને સિટી સ્કેન કરાવ્યો તો જાણવા મળ્યું કે તેને એનકેફેલોસીસ નામની સમસ્યા હતી. બાળકીની સર્જરી કરવી જરુરી હતી. હોસ્પિટલના સુપ્રિટન્ડન્ટ, પીડિયાટ્રિક્સ સર્જરી વિભાગના પોફેસર અને હેડ ડોક્ટર રાકેશ જોશીના માર્ગદર્શનમાં આસિસ્ટન્ટ પ્રોફેસર ડોક્ટર મહેશ વાઘેલાએ આ સર્જરી સંપન્ન કરી હતી.

ઉલ્લેખનીય છે કે આટલી નાની બાળકીના માથામાં આટલી મોટી ગાંઠની સર્જરી કરવી ચોક્કસપણે પડકારજનક કામ હતું. એનેસ્થેસિયા ટીમથી લઈને અન્ય તમામ લોકો માટે કપરી પરિસ્થિતિ હતી. બાળકીની ઉંમરને ધ્યાનમાં રાખીને વધારે કાળજીની જરુર હતી. ડોક્ટર રાકેશ જોશી આ બીમારી વિષે વાત કરતાં જણાવે છે કે, જો લોકોને જાગૃત કરવામાં આવે તો ન્યૂરલ ટ્યુબ ડિફેક્ટના કેસ ઘટી શકે છે. ગર્ભાવસ્થા દરમિયાન માતાને ફોલિક એસિડની ગોળી આપવાથી આ બીમારી થવાની શક્યતા ઘટી જાય છે. સદ્દનસીબે બાળકી રિકવર થઈ રહી છે અને પોતાના ઘરે પાછી પણ ફરી શકે છે.

વર્લ્ડ આયર્ન ડેફિશ્યન્સી ડે: દેશમાં 8 કરોડ જેટલી છોકરીઓ એનિમીક હોવાનો નિષ્ણાંતોનો દાવો



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here