man returned from Zimbabwe test covid positive: ઝિમ્બાબ્વેથી જામનગર આવેલા વૃદ્ધ કોરોના સંક્રમિત, વેરિયંટ જાણવા લેબમાં મોકલાયા સેમ્પલ – a man returned to jamnagar from zimbabwe test positive for coronavirus

0


હાઈલાઈટ્સ:

  • જોખમી દેશોમાંથી આવેલા મુસાફરો પર રાખવામાં આવી રહી છે.
  • વડોદરામાં વિદેશથી પરત આવેલા મુસાફરોનો આઈસોલેશન પીરિયડ પૂરો થયા બાદ ટેસ્ટ કરવામાં આવશે.
  • સુરતમાં વિદેશથી 138 મુસાફરો આવ્યા છે અને તેમને હોમ ક્વોરન્ટીન કરાયા છે.

રાજકોટ/વડોદરા/સુરત: ઝિમ્બાબ્વેથી જામનગર પરત ફરેલા 72 વર્ષીય વ્યક્તિનો કોરોના રિપોર્ટ પોઝિટિવ આવ્યો છે. જામનગરના આરોગ્ય વિભાગે ગુરુવારે આ જાણકારી આપી હતી. હાલમાં આ વ્યક્તિની સારવાર જીજી હોસ્પિટલમાં કરવામાં આવી રહી છે. જામનગર મ્યુનિસિપલ કમિશનર વિજય ખરાડીના જણાવ્યા અનુસાર, ભારતીય મૂળના ત્રણ લોકો ગત અઠવાડિયે ઝિમ્બાબ્વેથી જામનગર પરત આવ્યા હતા. જેમાંથી એક વ્યક્તિમાં ઉધરસ અને તાવ જેવા લક્ષણો જોવા મળ્યા હતા. તેમનો ટેસ્ટ કરાતાં કોરોના રિપોર્ટ પોઝિટિવ આવ્યો હતો.

કોરોનાના ગંભીર લક્ષણો નથી? તો ક્લેમની રકમ ન મળે વીમા કંપનીનો અજબ નિર્ણય

બાકીના બે વ્યક્તિના રિપોર્ટ હજી પેન્ડિંગ છે. કોરોનાનો વેરિયંટ ઓળખવા માટે જીનોમ સિક્વન્સિંગ કરવા સેમ્પલ મોકલી અપાયા છે. તાજેતરમાં જ જામનગરના એક જ પરિવારના આઠ સભ્યો કોરોના પોઝિટિવ આવ્યા હતા. આ પરિવારના બે સભ્યો જૂનાગઢમાં લગ્ન પ્રસંગે હાજરી આપીને રાજ્ય સંચાલિત પરિવહન સેવાના વાહનમાં પરત આવ્યા હતા. જે બાદ પરિવારમાં કોરોના વિસ્ફોટ થયો હતો.

‘જોખમી દેશો’માંથી વડોદરા પરત આવેલા 147 મુસાફરો પર વડોદરા મ્યુનિસિપલ કોર્પોરેશન ચાંપતી નજર રાખી રહ્યું છે. અઠવાડિયા સુધી આ મુસાફરોને હોમ ક્વોરન્ટીન થવાની સૂચના અપાઈ છે. કુલ 924 મુસાફરો વિદેશથી વડોદરા પરત ફર્યા હતા. ગુરુવાર સુધી સામે આવેલા ટેસ્ટ રિપોર્ટમાં એક પણ મુસાફર પોઝિટિવ મળી આવ્યો નથી.

વડોદરા મ્યુનિસિપલ કોર્પોરેશનના હેલ્થ ઓફિસર ડૉ. દેવેશ પટેલે કહ્યું કે, ‘જોખમી દેશો’માંથી આવેલા મુસાફરોએ સાત દિવસનો આઈસોલેશન પીરિયડ પૂરો થાય પછી કોરોના ટેસ્ટ કરાવવો પડશે. ગુરુવારે વડોદરામાં કોરોનાના નવા સાત કેસ નોંધાયા હતા.

દરમિયાન, વિદેશથી સુરતમાં 138 મુસાફરો આવ્યા છે અને રાજ્ય સરકારની ગાઈડલાઈન પ્રમાણે, તેમને હોમ ક્વોરન્ટીન કરવામાં આવ્યા છે. અત્યાર સુધીમાં વિદેશથી પરત ફરેલા એક પણ મુસાફરનો કોવિડ ટેસ્ટ પોઝિટિવ આવ્યો નથી, તેમ અધિકારીઓએ કહ્યું. “અમારી ટીમો વિદેશથી આવેલા મુસાફરોને મોનિટર કરી રહી છે”, તેમ સુરત મનપાના એક હેલ્થ ઓફિસરે જણાવ્યું.

ડેલ્ટાથી વધારે ખતરનાક છે કોરોનાનો ઓમિક્રોન વેરિયન્ટ? શું કહે છે એક્સપર્ટ?

ગુરુવારે સુરત શહેરમાં કોરોનાના નવા 6 કેસ નોંધાયા હતા જ્યારે કામરેજ જિલ્લામાં એક વ્યક્તિનો કોરોના રિપોર્ટ પોઝિટિવ આવ્યો હતો. વલસાડમાં પણ એક નવો કેસ નોંધાયો હતો જ્યારે આઠ લોકો હોમ ક્વોરન્ટીન છે. વલસાડના આરોગ્ય વિભાગના અધિકારીએ જણાવ્યું કે, “હાલમાં અમે રાજ્યના એન્ટ્રી પોઈન્ટ પર કોઈપણ ખાસ માપદંડોનું પાલન નથી કરી રહ્યા. અમને વિદેશથી પરત આવેલા આઠ લોકોનું લિસ્ટ મળ્યું હતું. જિલ્લાના આ આઠેય લોકો હાલ પોતાના ઘરે ક્વોરન્ટીન થયેલા છે.”



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here