ahmedabad crime branch: દેહગામમાં ફકત રુ. 2000 માટે શેઠની હત્યા કરનારો બિહારમાં પોતાના ઘરેથી ઝડપાયો – man arrested from bihar by ahmedabad crime branch for murder of factory owner in dehgam

0


| I am Gujarat | Updated: Dec 4, 2021, 11:48 AM

નાની અમથી વાતમાં ફેક્ટરીના માલિકને કામદારે પાઇપથી 35 જેટલા ફટકા મારી પતાવી દીધો હતો જોકે સમગ્ર ઘટના ફેક્ટરીના સીસીટીવીમાં કેદ થઈ ગઈ હતી.

 

હાઈલાઈટ્સ:

  • અમદાવાદ ક્રાઈમ બ્રાન્ચે પ્લાસ્ટિક ફેક્ટરીના માલિકની હત્યા કરનારા કામદારને બિહારથી ઝડપી પાડ્યો
  • કારીગર વારંવાર માલિક પાસે પગારના રૂ. 2 હજાર માગતો હતો પરંતુ ન આપતા હત્યા કરી દીધી
  • ફેક્ટરી માલિકને મોતને ઘાટ ઉતારીને કારીગર રૂ. 60 હજાર રોકડ અને મોબાઇલની લૂંટ કરી હતી


ગાંધીનગરના દહેગામમાં જીઆઈડીસીમાં પ્લાસ્ટિકની ફેક્ટરીના માલિકની હત્યા થઈ હતી. હત્યાને 20 વર્ષીય પરપ્રાંતીય મજૂરે અંજામ આપ્યો હતો. આરોપીએ ફેક્ટરીના માલિક પર પાઇપ લઇને તૂટી પડ્યો હતો અને એક પછી એક 35 જેટલા ફટકા માલિકના માથા અને શરીરના ભાગે માર્યા હતા. જેમાં ફેક્ટરી માલિક ગૌતમ પટેલનું મોત થયું હતું. હત્યા કરી રોકડ અને મોબાઈલની લૂંટ ચલાવી આરોપી વતન બિહાર ફરાર થઈ ગયો હતો. અમદાવાદ ક્રાઈમ બ્રાન્ચે આરોપીને બિહારથી તેના ઘરેથી ઝડપી પાડ્યો છે.
દહેગામમાં મજૂરે પાઈપના ફટકા મારી ફેક્ટરી માલિકની હત્યા કરી નાખી
ગાંધીનગર જિલ્લાના દહેગામ જી.આઇ.ડી.સીમાં શ્રીહરિ પી.વી.સી.પાઇપની ફેક્ટરીના માલિક ગૌતમ પટેલની તેમના ત્યાં જ કારીગર તરીકે કામ કરતા અખિલેશ બિહારી નામના શખસે લોખંડની પાઈપ વડે 35 જેટલા ફટકાઓ મારી હત્યા કરી હતી. હત્યાને અંજામ આપીને રૂ. 60 હજાર રોકડ અને મોબાઇલની લૂંટ કરીને આરોપી ફરાર થયો હતો. તેને વતનમાં જવું હતું અને રૂ. 2000 પગારના લેવાના નીકળતાં હતા. જેની માટે અખિલેશ અવારનવાર તેના માલિક પાસે માગ કરતો હતો. જે આપતા ન હતા તેને ગુસ્સો આવતાં તેણે ગૌતમ પટેલની હત્યા અને લૂંટ કરી વતનમાં ફરાર થઇ ગયો હતો.
હવે દેશી એર ઇન્ડિયાને ચલાવશે વિદેશી બોસ, ટાટા સન્સે CEOનું નામ શોર્ટલિસ્ટ કર્યું
ક્રાઈમ બ્રાન્ચને માહિતી મળી હતી કે, દહેગામમાં ફેક્ટરી માલિકની હત્યા કરનાર આરોપી અખિલેશ તેના વતન બિહારમાં છુપાઈને રહે છે. જેથી ક્રાઈમ બ્રાન્ચની ટીમ અખિલેશના ગામ રૂગનાથપુરા જઈ તેને પકડી અમદાવાદ લાવી હતી. તેની પુછપરછ કરતાં તેણે જણાવ્યું હતું કે, પોતે ફેક્ટરીમાં અઢી માસથી રોજના રૂ.200 લેખે લેબર મજુરીનું કામ કરતો હતો. ગૌતમભાઈ પોતાની સાથે કામ બાબતે અવારનવાર ઝઘડો તકરાર કરી, ગાળાગાળી કરતાં હતાં. પગારના લેવાના નીકળતા રૂ.2000 પણ આપતા ન હતાં. તેમજ બનાવના દિવસે પણ ગૌતમભાઈ ફેક્ટરીમાં હાજર હોય જેથી પોતાને મશીન ચાલુ કરવાનું જણાવતાં પોતે વતનમાં જવું હોય. જેથી બાકી નીકળતા રૂ. 2000ની માંગ કરી હતી ગૌતમભાઈએ કામ પતાવ્યા બાદ જવાનું જણાવતાં બન્ને વચ્ચે બોલાચાલી થઈ હતી.
મે લોકોને કોરોનાથી બચાવ્યા, મારો દીકરો ગુમાવ્યો તેનું શું આ જ વળતર આપ્યું AMCએ?
આ ઝઘડામા તેણે ફેક્ટરીમાં પડેલી લોખંડની પાઈપથી ફેક્ટરી માલિકને માથાના ભાગે વારંવાર ફટકા મારી મોત નિપજાવી ફેક્ટરીની ઓફિસના ડ્રોઅરમાંથી રૂ. 60000 તથા ગૌતમભાઈનો ફોનની ચોરી કરી પોતાની પત્ની સાથે પોતાના વતનમાં ભાગી ગયો હતો. ચોરીમાં મળેલા પૈસા પોતાના અંગત ખર્ચમાં વાપરી અને મોબાઈલ ફોન પણ પોતાના વતનમાં જઈ ફેંકી દીધો હતો.
અમેરિકા રિટર્ન આધેડ ફેસબૂક પર યુવતીને પરેશાન કરતો, અંતે શાન ઠેકાણે આવી
દહેગામ ફેક્ટરી માલિકની કરપીણ હત્યાના વીડિયો વાઈરલ થયા હતા. જેને જોઈ સામાન્ય દિલનો માણસ ધ્રૂજી ઉઠી તેવી પ્રાંતીય યુવકની તેવી બર્બરતા હતી. પોતાના શેઠને માથામાં લોખંડની પાઈપનાં 13 ફટકા માર્યા પછી પણ નોકરને સંતોષ વળ્યો ન હતો. થોડી વારમાં ફરી પાછો ફેક્ટરીના યુનિટમાં આવીને પહેલા લાઈટો બંધ કરી દે છે. બાદમાં પાઈપ લઇને ફરીવાર ઉપરાઉપર ગૌતમભાઈને માથામાં ફટકા મારતો દેખાયો હતો. શેઠનું ઢીમ ઢાળી દીધું હોવા છતાં અખિલેશ વારંવાર તેમના પર વધુ ઘા મારતો રહ્યો હતો. વચ્ચે વચ્ચે મૃતકના ખિસ્સા પણ ફેંદી રહ્યો હતું તેવું સીસીટીવી ફૂટેજમાં દેખાતું હતું. વાઈરલ થયેલા બીજા વીડિયોમાં નોકર કોઈ વસ્તુ શોધતો રહેતો હોય છે અને તે નહીં મળી આવતા ગુસ્સામાં વારંવાર શેઠના ઉપર ઘા કરતો રહે છે તેવું સ્પષ્ટ દેખાતું હતું.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : man arrested from bihar by ahmedabad crime branch for murder of factory owner in dehgam
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here