KBC 13:જયા-અમિતાભ વચ્ચે થઈ મીઠી તકરાર, બિગ બીએ કહ્યું- જાઓ હવે હું વાત નહીં કરુ – kbc 13 jaya bachchan comments on amitabh bachchan’s choice of clothes on 1000th episode

0


હાઈલાઈટ્સ:

  • કૌન બનેગા કરોડપતિએ 1000 એપિસોડ પૂરા કર્યા.
  • બિગ બીની દીકરી અને દોહિત્રી મહેમાન તરીકે આવ્યા.
  • વીડિયો કોલના માધ્યમથી જયા બચ્ચન પણ જોડાયા.

પાછલા એક અઠવાડિયાથી કોન બનેગા કરોડપતિના 1000મા એપિસોડની ચર્ચા ચાલી રહી હતી. આ એપિસોડને ખાસ બનાવવા માટે મેકર્સે અમિતાભ બચ્ચનના પરિવારના લોકોને હોટ સીટ પર બોલાવવાનો નિર્ણય લીધો હતો. શુક્રવારના રોજ આ એપિસોડ ટેલિકાસ્ટ કરવામાં આવ્યો હતો. લોકોને આ એપિસોડ ઘણો પસંદ આવ્યો છે. એપિસોડમાં અમિતાભ બચ્ચનની દીકરી શ્વેતા નંદા અને દોહિત્રી નવ્યા નવેલી નંદા હોટ સીટ પર બેઠા હતા જ્યારે વીડિયો કોલના માધ્યમથી જયા બચ્ચન પણ જોડાયા હતા.

શ્વેતા, નવ્યા અને જયા બચ્ચને મળીને ગેમમાં તો ભાગ લીધો જ, પણ સાથે સાથે અમિતાભ બચ્ચનની ઘણી પોલ પણ ખોલી છે. દર્શકોને બચ્ચન પરિવારની ઘણી વાતો જાણવા મળી. જયા બચ્ચન સાથેના અમિતાભ બચ્ચનના સંવાદને પણ દર્શકોએ ખૂબ એન્જોય કર્યો. મેકર્સે આ એપિસોડના પ્રોમો પણ સોશિયલ મીડિયા પર શેર કર્યા હતા, અને જયા-અમિતાભની મીઠી તકરારનો એક વીડિયો યૂટ્યુબ પર શેર કર્યો છે.

કેટરિનાના ઘરની બહાર દેખાયો વિક્કી, શું આજે કરી લીધા કોર્ટ મેરેજ?

વીડિયોમાં જોઈ શકાય છે કે નવ્યા નવેલી નંદા અમિતાભને કહે છે કે, હું તમને કહેવાની હતી કે તમે ઘણાં સારા લાગી રહ્યા છો, ઘરે તો અમે લોકો તમને ગાઉનમાં જ જોઈએ છીએ. આ સાંભળીને શ્વેતા સ્પષ્ટતા કરે છે કે, જ્યારે અમે લોકો ઘરે બેસીને કૌન બનેગા કરોડપતિ જોઈએ છીએ તો તમારા કપડા પર ચર્ચા કરીએ છીએ અને સૌથી વધારે કમેન્ટ મમ્મી કરે છે. નવ્યા કહે છે કે, જ્યારે તેમને કોઈ કલર તમારા પર સારા નથી લાગતા તો કહે છે કે, આજે એટલા સારા નથી લાગી રહ્યા.

આ સાંભળીને અમિતાભ ચોંકી જાય છે અને જયાને પૂછે છે કે, આ નવ્યા શું કહી રહી છે, મારા પર અમુક રંગો સારા નથી લાગતા? જયા બચ્ચન જવાબ આપે છે કે, તમને મેં પોતે પણ કહ્યું છે. એક તો ખબર નહીં પેલો મરુન-બ્રાઉન પહેરો છો અને અજીબ પ્રકારનો વૉયલેટ રંગનો સૂટ પહેરો છો. આ સાંભળીને દર્શકો ખૂબ હસે છે. અમિતાભ બચ્ચન પૂછે છે કે, જે વૉયલેટ રંગનો સૂટ પહેરુ છું તે નથી સારો લાગતો? આના જવાબમાં જયા બચ્ચન કહે છે કે, તે તમારા પર સારો નથી લાગતો. અમિતાભ બચ્ચન આ સાંભળીને કહે છે કે, જાઓ, તમારી સાથે વાત નહીં કરું. આ સાંભળીને હાજર લોકો હસી પડે છે, અને પછી જયા બચ્ચન કહે છે, સારી વાત છે જો વાત નહીં કરો.

મૂવી રિવ્યુ: બૉબ બિસ્વાસ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here