fisherman missing: ઉનાના નવાબંદરમાં દરિયામાં ગુમ થયા 7 માછીમાર, શોધવા હાથ ધરાયું દિલધડક ઓપરેશન – una seven fishermen went missing after their boats destroyed due to rough weather

0


હાઈલાઈટ્સ:

  • તોફાની તાંડવ સર્જાતા નવાબંદરમાં દરિયાકિનારે લાંગરેલી 50થી વધારે બોટ તણાઈ
  • ઉછળતા મોજા વચ્ચે પોતાનો જીવ બચાવવા માટે મધ્યરાત્રિએ દરિયામાં કૂદ્યા માછીમારો
  • દરિયામાં તણાઈ ગયેલા 12 માછીમારોમાંથી ચારને સલામત રીતે બહાર કાઢવામાં આવ્યા

રાજકોટઃ ઉનાના નવાબંદર ખાતે બુધવારે રાતે તોફાની તાંડવ સર્જાતા જેટી ખાતે લાંગરેલી 50થી વધારે બોટ અને 12 જેટલા માછીમારો પાણીમાં તણાઈ ગયા હતા. જેમાંથી ચાર ખલાસીઓને સ્થાનિકોએ જીવના જોખમે બચાવી લીધા હતા. ગુરુવારે સવારથી જામનગર અને પોરબંદર તેમજ પીપાવાવ પોર્ટ ખાતે નેવી અને હેલિકોપ્ટર દ્વારા ઓપરેશન હાથ ધરાયા બાદ એક માછીમારનો મૃતદેહ મળી આવ્યો હતો. જો કે, હજી સાત માછીમારો દરિયામાં લાપતા છે. જેમને શોધવા માટે મોડી સાંજ સુધી નેવી અને કોસ્ટગાર્ડની ટીમે દિલધડક ઓપરેશન હાથ ધર્યું હતું.

ઉનાઃ દરિયામાં લાપત્તા થયેલા સાત માછીમારોને શોધવા માટે દિલધડક ઓપરેશન

તોફાની પવન ફુંકાતા મધરાતે અમદાવાદીઓની ઊંઘ ઉડી, શહેર બન્યું ઠંડુગાર
પ્રત્યક્ષદર્શીઓના જણાવ્યા પ્રમાણે, તોફાની પવન ફૂંકાતા દરિયો ગાંડોતૂર બન્યો હતો. જેના કારણે દરિયા કિનારે લાંગરેલી બોટ તણાઈ ગઈ હતી. જે બાદ માછીમારો પણ ઉછળતા મોજા અને પાણી વચ્ચે અંધારામાં પોતાના જીવને બચાવવા માટે બોટમાંથી થર્મોકોલ સીટ લઈ કૂદી પડ્યા હતા. દરિયામાં હાઈટાઈડ હોવાથી 12 માછીમારો ડૂબી ગયા હતા. જેમાંથી ચાર માછીમારોને રામજી વિસ્તારમાંથી સલામત રીતે બહાર કાઢવામાં આવ્યા હતા. ગુમ થયેલા આઠમાંથી એકનો મૃતદેહ સાંજના સમયે મળી આવ્યો હતો.

ગીર સોમનાથ જિલ્લાના કલેક્ટર આર જી ગોહિલે અમારા સહયોગી ટાઈમ્સ ઓફ ઈન્ડિયા સાથે વાતચીત કરતાં જણાવ્યું હતું કે ‘કોસ્ટ ગાર્ડ હેલિકોપ્ટર અને એનડીઆરએફની ટીમે ઓપરેશન હાથ ધર્યું હતું. તોફાની પવનના કારણે બોટ દોરડાથી અલગ થઈ હતી અને ડૂબી જતાં પહેલા એકબીજા સાથે અથડાઈ હતી. જેના કારણે ઓછામાં ઓછી 10 બોટ સંપૂર્ણ રીતે ભાંગી ગઈ હતી અને 12 માછીમારો દરિયામાં કૂદી ગયા હતા. તેમાંથી ચાર બચી જવામાં સક્ષમ રહ્યા હતા’. સ્થાનિકોએ સત્તાધીશોને જણાવ્યું હતું કે, બંદર પર ઓછામાં ઓછી 40 બોટ લાંગરવામાં આવી હતી, તેમાંથી મોટાભાગની બોટને નજીવું નુકસાન થયું હતું.

‘ઓમિક્રોન’ની ભારતમાં એન્ટ્રી થઇ ગઇ, હવે સરકારે જણાવ્યું-કેટલી ઝડપથી ફેલાઈ શકે છે સંક્રમણ
નવાબંદરના સચપંચ સોમવાર મજીઠીયાએ જણાવ્યું હતું કે, ‘હવામાનમાં અચાનક પલટો આવતાં બુધવારે મધ્યરાત્રિએ જોરદાર પવન ફૂંકાયો હતો અને દરિયામાં મોજા ઉછળ્યા હતા. આ સમયે માછીમારો તેમની લાંગરેલી બોટમાં હતા’

ગુજરાતના દરિયાકાંઠાના વિસ્તારોમાં બુધવારે વાતાવરણમાં પલટો આવ્યો હતો અને રાજ્યના કેટલાક ભાગમાં વરસાદ પડ્યો હતો, જે સામાન્ય રીતે ડિસેમ્બરમાં જોવા મળતો નથી. હવામાન વિભાગે અગાઉ કહ્યું હતું તે પ્રમાણે, અરબી સમુદ્ર પર લો પ્રેશર સર્જાતા અને વેસ્ટર્ન ડિસ્ટર્બન્સના કારણે બુધવાર-ગુરુવારે મહારાષ્ટ્ર તેમજ દક્ષિણ ગુજરાતમાં પણ વરસાદ પડ્યો હતો. ભારતીય હવામાન વિભાગે શુક્રવાર સુધી માછીમારોને દરિયો ન ખેડવાની સૂચના આપી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here