gujarat rainfall forecast: દક્ષિણ ગુજરાતમાં માવઠાએ દશા બેસાડી, ઉમરપાડામાં 6 ઈંચ વરસાદ – thursday umarpada of surat received 6 inch rain, gujarat rainfall forecast

0


હાઈલાઈટ્સ:

  • ગુજરાતમાં સાઈક્લોનિક સર્ક્યુલેશનના લીધે કમોસમી વરસાદ નોંધાયો
  • ગુરુવારે રાજ્યના સુરતના ઉમરપાડમાં સૌથી વધુ 6 ઈંચ વરસાદ થયો છે
  • 3 અને 4 ડિસેમ્બરે પણ રાજ્યના દક્ષિણ ભાગમાં વરસાદ થવાની આગાહી

રાજ્યમાં અરબી સમુદ્રમાં બનેલા સાઈક્લોનિક સર્ક્યુલેશનની અસર રાજ્યના હવામાન પર પડી રહી છે. રાજ્યમાં સતત ત્રણ દિવસથી માવઠાની સ્થિતિ છે જે આજે અને આવતીકાલે પણ યથાવત રહેવાની છે. ગઈકાલે રાજ્યના 159 તાલુકાઓમાં વરસાદ નોંધાયો હતો. જેમાં ગુરુવારે દક્ષિણ ગુજરાતમાં કમોસમી વરસાદ જામ્યો હતો, જેમાં સુરતના ઉમરપાડામાં સૌથી વધારે 6 ઈંચ વરસાદ થયો હતો. આ સિવાય વલસાડ, ખેરગામ, પારડી, સાડા ઉમપગામ અને ધરમપુર તથા સૌરાષ્ટ્રના મહુવામાં સવા ત્રણ ઈંચ વરસાદ થયો હતો. પલસાણા, નવસારી, ચીખલી, વાપીમાં ત્રણ ઈંચ વરસાદ નોંધાયો છે.

દક્ષિણ ગુજરાતના બારડોલી, આહવા સહિતના વિસ્તારોમાં બે ઈંચથી વધારે વરસાદ નોંધતા ખેડૂતોની સ્થિતિ કફોડી બની રહી છે. સૌરાષ્ટ્રમાં પણ માવઠા અને તોફાની પવનના કારણે ઉભા પાકને નુકસાન થયું છે.

કોરોનાના ગંભીર લક્ષણો નથી? તો ક્લેમની રકમ ન મળે વીમા કંપનીનો અજબ નિર્ણય

અન્ય જગ્યાઓના વરસાદી આંકડા પર નજર કરીએ તો બારડોલીમાં 53mm, ચોર્યાસીમાં 20mm, કામરેજમાં 57mm, મહુવામાં 81mm, માંડવીમાં 37mm, માંગરોળમાં 40mm, ઓલપાડમાં 40mm, પલસાણામાં 75mm, ઉમરપાડામાં 154mm, ખેરગામમાં 90mm, ગણદેવીમાં 55mm, ચીખલીમાં 74mm, જલાલપોરમાં 61mm, નવસારીમાં 74mm, વાસદમાં 56mm, ઉમરગામમાં 82mm, ધરમપુરમાં 79mm, પારડીમાં 90mm, વલસાડમાં 91mm, વાપીમાં 74mm, આહવામાં 61mm, વધઈમાં 52mm, સુબીરમાં 52mm, સાપુતારામાં 51mm, વ્યારામાં 53mm, સોનગઝમાં 47mm, વાલોડમાં 48mm, ડોલવણામાં 48mm, કુકરમુંડામાં 22mm, નિઝરમાં 30mm વરસાદ નોંધાયો છે.

આજે અને આવતીકાલે રાજ્યના તાપી, ડાંગ, વલસાડ, નવસારી, નર્મદામાં વરસાદ થવાની સંભાવના વ્યક્ત કરવામાં આવી છે.

ઉનાના નવાબંદરમાં દરિયામાં ગુમ થયા 7 માછીમાર, શોધવા હાથ ધરાયું દિલધડક ઓપરેશન
માવઠાના કારણે ખેડૂતોના ઉભા પાકને નુકસાન થઈ રહ્યું છે, શેરડી, મગફળી, કપાસ, કેળા સિવાયના બાગાયતી પાકને પણ નુકસાન થવાની ભીતી છે. જેમાં શેરડીનો પાક લણ્યા બાદ આ વરસાદની સ્થિતિ જલદી તેને સુગર મિલ સુધી પહોંચાડવા માટે ખેડૂતો ચિંતિત છે.

વરસાદના કારણે રાજ્યમાં ઠંડીનું જોર પણ વધ્યું છે. અમદાવાદ સહિતના શહેરોનો પારો ગગડીને નીચો આવી ગયો છે. કડકડતી ઠંડીની રાહ જોઈને બેઠેલા લોકો હાશકારો અનુભવી રહ્યા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here