trader lost rs 10.50 lakh for cheap gold: મહુધામાં સસ્તુ સોનુ ખરીદવાની લ્હાયમાં વેપારીએ રૂ. 10.50 લાખ ગુમાવ્યા – to buy cheap gold the trader lost rs 10.50 lakh in mahudha

0


હાઈલાઈટ્સ:

  • સુરતમાં રહેતો વેપારી સસ્તુ સોનું લેવાની લાલચમાં આવી ભારે છેતરાયો
  • પહેલાં અસલી સોનાના બિસ્કીટ આપ્યા અને પછી છેતરપિંડી આચરી
  • વેપારીને સસ્તામાં સોનાના બિસ્કીટ અપાવવાનું કહીને 10.50 છેતર્યા

નડિયાદઃ ગુજરાતીમાં એક કહેવત છે કે, લોભિયા હોય ત્યાં ધૂતારા ભૂખ્યા ન મરે. આવો જ એક કિસ્સો નડિયાદના મહુધામાંથી સામે આવ્યો છે. અહીં સસ્તુ સોનું લેવાની લ્હાયમાં સુરતના એક વેપારી પાસેથી સાસ્તાપુરના ત્રણ અને અન્ય બે શખ્સોએ મળીને કુલ રૂપિયા 10.50 લાખની છેતરપિંડી આચરી હતી. આ મામલે છેતરાયેલા વેપારીએ મહુધા પોલીસ સ્ટેશનમાં ફરિયાદ નોંધાવતા પોલીસે ગુનો નોંધીને આગળની કાર્યવાહી હાથ ધરી છે.

ઘટનાની વિગત એવી છે કે, વિશ્વવરભંર ગૈતમભાઈ ઝરીવાલા સુરતના કતાર ગામે રહે છે. તેઓ સુરતના ભવાનીવડ હરિપુરા વિસ્તારમાં એસીનો શો રૂમ ચલાવે છે. જ્યારે પાર્લે પોઈન્ટ વિસ્તારમાં અંબિકાનિકેતન મંદિરમાં બાજુમાં આવેલા અશ્વમેઘ-2 એપાર્ટમેન્ટમાં રહેતા સંજીવ ઉર્ફે લાલા ખડેપાવ શોરૂમનો કાયમી ગ્રાહક છે. લોકડાઉન દરમિયાન વિશ્વવરભંર અને તેમના શોરૂમ પર કામ કરતો એક વ્યક્તિ બંને લોકો તેમના મિત્રના ઘરે ગયા હતા.

જ્યાં તેમના મિત્રે જણાવ્યું કે, મહુધાના સાસ્તાપુર ગામે એક વ્યક્તિ પાસે વડવાઓના સમયનું સોનું છે. તે બજાર ભાવ કરતા 10-15 ટકા જેટલું સસ્તુ આપે છે. જેને બજારમાં વેચવામાં આવે તો ખૂબ ફાયદો થાય. આ વાતમાં વિશ્વવરભંર ફસાયા હતા. એટલે ગઈ 4 ઓગસ્ટ 2020ના રોજ વિશ્વવરભંર, તેમની સાથે નોકરી કરતો વ્યક્તિ અને સંજીવ તથા તેમનો સાથીદાર સોનાની ખરાઈ કરવા માટે કારમાં મહુધા ગયા હતા. અહીં પહોંચીને તેઓે સસ્તુ સોનું આપનારા સૌકત મલેક અને મહેશ પટેલ સાથે મુલાકાત કરી હતી.

મારી બહેનના લગ્ન કરાવી જીંદગી બગાડી નાખી આજે તો જીવતો નહીં છોડું કહીને શખ્સો તૂટી પડ્યા

તેઓ એ સમયે 100 ગ્રામનું સોનાનું બિસ્કીટ લઈને આવ્યા હતા. અસલી સોનું હોવાથી તેની ખરીદી વિશ્વવરભંર અને તેમની સાથે આવેલા લોકોએ કરી હતી. જે બાદ તેઓને વિશ્વાસ આવતા સોનાના બિસ્કીટ માટે રૂપિયા 50 હજારનું ટોકન આપ્યું હતું. બાદમાં તેઓ નીકળી ગયા હતા. થોડા દિવસ પછી સંજીવે વિશ્વવરભંરને જણાવ્યું કે, સોકતભાઈને ત્યાં સોનાના બિસ્કીટ તૈયાર છે જેને લેવા માટે જવાનું છે. બાદમાં વિશ્વવરભંર અને તેમના લોકો 12 ઓગસ્ટ, 2020ના રોજ સોનું લેવા પહોંચ્યા હતા.

એ સમયે સોના માટે 10 લાખ લઈને ગયા હતા. એ સમયે સોકતભાઈએ મહેશને સોનાના બિસ્કીટ લેવા જવા કહ્યું હતું. ઠગાઈ આચરનારાઓ કહ્યું કે, તમે 10 લાખ રૂપિયા આપો તો સોનાના બિસ્કીટ અમારી પાસે પડ્યા છે. એ પછી 10 લાખ રૂપિયા લઈને તેઓ ફરાર થઈ ગયા હતા. મોડી સાંજ સુધી તેઓેએ રાહ જોઈ પણ તેઓ પરત આવ્યા નહીં. એટલે તેમના મોબાઈલ પર સંપર્ક કરતા સ્વીચ ઓફ આવતો હતો. એટલે સાથે આવેલા સંજીવે વિશ્વવરભંરને સાંત્વના અપાવી કે, તમે આપેલા રૂપિયા કે સોનું હું અપાવી દઈશ. એમ કહીને તેઓ સુરત રવાના થયા હતા.
દેહગામમાં ફકત રુ. 2000 માટે શેઠની હત્યા કરનારો બિહારમાં પોતાના ઘરેથી ઝડપાયો
થોડા સમય બાદ સંજીવે મહુધાના સોકત સાથે સંપર્ક થયો હોવાનું કહી વિશ્વવરભંર પાસે વધુ પૈસા માગ્યા હતા. અગાઉ આપેલા રૂપિયા પરત મેળવવા વિશ્વવરભંર વાતોમાં આવી ગયા હતા. બાદમાં ગઈ 18 ઓગસ્ટના રોજ મહુધાના સાસ્તાપુર ગામે આવ્યા હતા. એ સમયે વિશ્વવરભંર પોતાની સાથે સોની લાવ્યા નહોતા. એ સમયે સોકત હાજર નહોતો અને તેણે જણાવ્યું કે અહીં રહેતા સિરાજ સોનાના બિસ્કીટ આપી દેશે. એ પછી તેણે હાથ ઉંચા કરી લીધા હતા. એટલે વિશ્વવરભંર પોતે છેતરાયા હોવાનો અહેસાસ થયો હતો. બાદમાં તેઓએ સંજીવ ઉર્ફે લાલો ખડેપાવ, સુરતમાં રહેતો પ્રેયસ છાપઘર, મહેશ પટેલ, સિરાજ અને સોકત વિરુદ્ધ મહુધા પોલીસ સ્ટેશનમાં આ મામલે ફરિયાદ નોંધાવી હતી.

નકલી સોનાના બિસ્કીટ પધરાવી દીધા
વિશ્વવરભંર સિરાજને મળ્યા ત્યારે સોનાના 2 બિસ્કીટ આપ્યા હતા. જો કે, વિશ્વવરભંર સાથે આપેલા પ્રેયસે સોનાની ખરાઈ કર્યા વગર જ બિસ્કીટ લઈ લીધા હતા. જ્યારે આ સોનાના બિસ્કીટને નડિયાદ આવી ખરાઈ કરાવી તો નકલી હોવાનું સામે આવ્યું હતું. પછી સિરાજ અને સોકતને ફોન કરતા તેઓના મોબાઈલ બંધ આવતા હતા. આ ખરીદીમાં વચ્ચે રહેલાં સંજીવ ઉર્ફે લાલાએ કહ્યું કે, હું પૈસા અપાવી દઈશ. પણ અંતે તેણે હાથ ખંખેરી લીધા હતા અને વેપારી વિશ્વવરભંરને નાણા ગુમાવવાનો વારો આવ્યો હતો.

મૌની રોય અને અનુપ્રિયા ગોયંકાનો કાતિલ અંદાજ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here