India vs New Zealand Mumbai Test 2021: બીજી ટેસ્ટઃ વાનખેડેમાં રેકોર્ડ્સની વણઝાર, ન્યૂઝીલેન્ડ સામે ભારત મજબૂત સ્થિતિમાં – india vs new zealand mumbai test 2021 ajaz 10 for new zealand 62 all out india in commanding position

0


હાઈલાઈટ્સ:

  • ન્યૂઝીલેન્ડના અજાઝ પટેલે ભારતના પ્રથમ દાવમાં તમામ 10 વિકેટો ઝડપી, વિશ્વનો ત્રીજો બોલર બન્યો
  • પ્રથમ દાવમાં ભારતીય બોલર્સનો તરખાટ, ન્યૂઝીલેન્ડને 62 રનમાં સમેટી લીધું
  • બીજા દિવસના અંતે મયંક અગ્રવાલ 38 અને પૂજારા 29 રને રમતમાં છે, ભારતને 332 રનની સરસાઈ

ભારત અને ન્યૂઝીલેન્ડ વચ્ચે મુંબઈમાં રમાઈ રહેલી બીજી ટેસ્ટ ક્રિકેટ મેચ ઐતિહાસિક બની ગઈ છે. એક તરફ ન્યૂઝીલેન્ડનો સ્પિનર એજાઝ પટેલ ટેસ્ટની એક ઈનિંગ્સમાં 10 વિકેટ ઝડપનારો વિશ્વનો ત્રીજો બોલર બન્યો છે. તો ભારતે ન્યૂઝીલેન્ડને પ્રથમ દાવમાં ફક્ત 62 રનમાં સમેટી દીધી હતી. બીજી ટેસ્ટના બીજા દિવસે વિરાટ કોહલીની ટીમે મજબૂત સ્થિતિ મેળવી લીધી છે.

મયંક અગ્રવાલની શાનદાર સદીની મદદથી ભારતે પ્રથમ દાવમાં 325 રનનો સ્કોર નોંધાવ્યો હતો. જેમાં એજાઝ પટેલે 47.5 ઓવરમાં 119 રન આપીને 10 વિકેટ ઝડપી હતી. જેના જવાબમાં ન્યૂઝીલેન્ડ પ્રથમ દાવમાં 62 રનમાં જ આઉટ થઈ ગયું હતું. જેના કારણે ભારતે 263 રનની જંગી સરસાઈ મેળવી હતી. જોકે, ભારતે ન્યૂઝીલેન્ડને ફોલોઓન આપ્યું ન હતું અને બીજી વખત બેટિંગમાં આવ્યું હતું. બીજા દિવસના અંતે ભારતે વિના વિકેટે 69 રન નોંધાવ્યા હતા. દિવસના અંતે મયંક અગ્રવાલ 38 અને ચેતેશ્વર પૂજારા 29 રને રમતમાં છે. ભારત હાલમાં 332 રન આગળ છે.

ન્યૂઝીલેન્ડની ટીમમાં રહેલા મૂળ મુંબઈના છોકરાએ કરી કમાલ, કુંબલેની જેમ 10 વિકેટનો રેકોર્ડ

ભારતે ના આપ્યું ફોલોઓન, ચેતેશ્વર પૂજારા આવ્યો ઓપનિંગમાં
ભારતે ન્યૂઝીલેન્ડને 62 રનમાં આઉટ કરીને 263 રનની સરસાઈ મેળવી હતી. જોકે, ભારતે ન્યૂઝીલેન્ડને ફોલોઓન ન આપતા બીજી વખત બેટિંગનો નિર્ણય કર્યો હતો. ભારત માટે મયંક અગ્રવાલની સાથે ચેતેશ્વર પૂજારા ઓપનિંગમાં આવ્યો હતો. છેલ્લા ઘણા સમયથી કંગાળ ફોર્મના કારણે પૂજારા દબાણમાં છે અને તેની ટીકાઓ પણ થઈ રહી છે. જોકે, બીજા દાવમાં તેણે આક્રમક અંદાજમાં શરૂઆત કરી હતી. બીજા દિવસના અંતે પૂજારા 29 અને મયંક 38 રન નોંધાવીને રમતમાં હતા. ભારતે વિના વિકેટે 69 રન નોંધાવી લીધા છે.

એજાઝ પટેલની ઐતિહાસિક સિદ્ધિ
ન્યૂઝીલેન્ડના સ્પિનર એજાઝ પટેલે આ મેચમાં ઐતિહાસિક સિદ્ધિ નોંધાવી હતી. તેણે ભારતના પ્રથમ દાવમાં તમામ 10 વિકેટ ઝડપી હતી. આ સાથે જ તે જિમ લેકર અને અનિલ કુંબલે બાદ ટેસ્ટના એક દાવમાં 10 વિકેટ ઝડપનારો ત્રીજો બોલર બન્યો હતો. ઈંગ્લેન્ડના જિમ લેકરે 1956માં માન્ચેસ્ટર ટેસ્ટમાં ઓસ્ટ્રેલિયા સામે 10 વિકેટ ઝડપી હતી. બાદમાં ભારતીય દિગ્ગજ અનિલ કુંબલેએ 1999માં દિલ્હીમાં પાકિસ્તા સામે રમાયેલી ટેસ્ટમાં 10 વિકેટ ઝડપી હતી.
બીજી ટેસ્ટમાં સદી ફટકારનાર મયંક અગ્રવાલને કોચ રાહુલ દ્રવિડે આપ્યો હતો આ ગુરુમંત્ર
62 રનમાં સમેટાઈ ગયો ન્યૂઝીલેન્ડનો પ્રથમ દાવ
ન્યૂઝીલેન્ડના પ્રથમ દાવમાં ભારતીય બોલર્સે તરખાટ મચાવી દીધો હતો અને ટીમને 28.1 ઓવરમાં ઓલઆઉટ કરી દીધી હતી. ન્યૂઝીલેન્ડ માટે સુકાની ઓપનર ટોમ લાથમ અને કાયલે જેમિસન જ બે આંકડાનો સ્કોર નોંધાવી શક્યા હતા. લાથમે 10 અને જેમિસને 17 રનનું યોગદાન આપ્યું હતું. વિલ યંગ ચાર, ડેરીલ મિચેલ આઠ, રોસ ટેલર એક, હેન્રી નિકોલ્સ સાત, ટોમ બ્લન્ડેલ આટ, રાચિન રવિન્દ્ર ચાર રન નોંધાવીને આઉટ થયા હતા. ભારત માટે રવિચંદ્રન અશ્વિને ચાર, મોહમ્મદ સિરાજે ત્રણ, અક્ષર પટેલે બે તથા જયંત યાદવે એક વિકેટ ઝડપી હતી.

સૌથી ઓછા સ્કોર પર આઉટ થવાનો રેકોર્ડ
ન્યૂઝીલેન્ડ 62 રનમાં આઉટ થયું છે તે ભારતમાં કોઈ પણ ટીમનો સૌથી ઓછો સ્કોર છે. અગાઉ 1987માં દિલ્હીમાં રમાયેલી ટેસ્ટમાં ભારત વેસ્ટ ઈન્ડિઝ સામે 75 રનમાં આઉટ થઈ ગયું હતું. જ્યારે ભારત સામે કોઈ પણ ટીમનો આ સૌથી ઓછો સ્કોર છે. અગાઉ 2015માં નાગપુર ટેસ્ટમાં સાઉથ આફ્રિકા 79 રનમાં આઉટ થયું હતું. જ્યારે વાનખેડેમાં પણ આ સૌથી ઓછા સ્કોરનો રેકોર્ડ છે. આ પહેલા આ રેકોર્ડ ઓસ્ટ્રેલિયાના નામે હતો. 2004માં વાનખેડેમાં રમાયેલી ટેસ્ટમાં ઓસ્ટ્રેલિયા 93 રનમાં આઉટ થઈ ગયું હતું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here