husbadn beat wife over juicy vegetables: શાક વધારે રસાવાળું બનાવ્યું તો પતિએ ઢીબી નાખી, પત્નીએ કરી પોલીસ ફરિયાદ – husband beat his wife over vegetables become more juicy in amraiwadi

0


| I am Gujarat | Updated: Dec 4, 2021, 8:48 PM

અમરાઈવાડીમાં પતિ નોકરીથી ઘરે જમવા આવ્યો અને પત્નીએ જમવાનું પીરસ્યું. શાકમાં વધારે રસો હોવાથી તે ઉશ્કેરાઈ ગયો અને પત્ની સાથે ખરાબ વર્તન કરીને મારઝૂડ કરી

 

હાઈલાઈટ્સ:

  • પત્નીએ ઘરમાં મદદ થાય એ માટે સિલાઈ કામ શરૂ કર્યુ હતુ, સાથે ઘર પણ સંભાળતી
  • થોડા દિવસ પહેલાં પતિ નોકરીએ જમવા માટે ઘરે આવ્યો, પત્નીએ જમવાનું પીરસ્યુ
  • શાકમાં વધારે રસો હોવાની વાતને લઈ પતિ ઉશ્કેરાઈ ગયો અને પત્નીને માર માર્યો

અમદાવાદઃ લગ્ન બાદ પતિ-પત્ની વચ્ચે નજીવી બાબતે વાદ વિવાદ થવો એ સામાન્ય વાત છે. ઘર સંસારમાં બોલાચાલી થવી એ સ્વાભાવિક વાત છે. પણ ક્યારેક આવા વિવાદમાં ભાન ભૂલી ગયેલા પતિ દ્વારા પત્નીને ન આપવા જેવી સજા આપવી યોગ્ય નથી. આજે રોજબરોજ પતિ પત્નીના વિવાદના કિસ્સા સામે આવી રહ્યા છે. ત્યારે અમરાઈવાડી વિસ્તારમાંથી પણ પતિ-પત્નીના વિવાદનો એક આશ્ચર્યજનક કિસ્સો સામે આવ્યો છે. પત્નીની ભૂલ માત્ર એટલી હતી કે તેણે શાક વધુ રસાવાળુ બનાવી દીધુ હતુ. આ વાતથી ઉશ્કેરાયેલા પતિએ તેને માર માર્યો હતો. બાદમાં આખો મામલો અમરાઈવાડી પોલીસ સ્ટેશનમાં પહોંચ્યો હતો. પત્નીની ફરિયાદ બાદ પોલીસે ગુનો નોંધીને આગળની કાર્યવાહી હાથ ધરી છે.

પ્રાપ્ત રિપોર્ટ મુજબ, અમરાઈવાડી વિસ્તારમાં રહેતી 28 વર્ષીય યુવતીના લગ્ન દસેક વર્ષ અગાઉ થયા હતા. યુવતી તેના પતિ અને બે બાળકો તથા વડ સાસુ સાથે રહે છે. આજે બે માણસ કમાતા હોય ત્યારે માંડ માંડ ઘર ચાલે છે. એટલે યુવતીએ પણ થોડા દિવસો પહેલાં જ સિલાઈ કામ શરૂ કર્યુ હતુ. વાત થોડા દિવસ પહેલાંની છે. તેનો પતિ નોકરીએ ઘરે જમવા માટે આવ્યો હતો. યુવતી બધુ કામ પડતુ મૂકીને પતિને જમવાનું પીરસ્યું. પતિ જમવા બેઠો, થોડી વારમાં તો તે પત્ની પર ભારે ગુસ્સો થયો હતો. વાત માત્ર એટલી જ હતી કે પત્નીએ ભૂલથી શાક વધારે રસાવાળુ બનાવી દીધું હતુ.
પ્રેમિકાને વારંવાર મળતા શખ્સને જોઈ પ્રેમી ઉશ્કેરાયો, દારૂ પાર્ટી પર બોલાવીને કાંડ કરી નાખ્યો
આ વાતને લઈને ઉશ્કેરાયેલા પતિએ પત્ની સાથે ભારે બોલાચાલી કરી ઝઘડો કર્યો હતો. મામલો વધારે બગડતા પતિ ભાન ભૂલી ગયો અને પત્નીને માર માર્યો હતો. પતિએ પત્નીને ઉપરા છાપરી તમાચા ઝીંકી દીધા હતા. આ વાતથી પત્ની ડઘાઈ હતી. એટલું જ નહીં પતિએ એવો આરોપ લગાવ્યો કે, સિલાઈ કામ કરતી હોવાથી તે ઘરમાં ધ્યાન આપી શકતી નથી. એટલે તેણે પત્નીને સિલાઈ કામ કરવાનું બંધ કરીને ઘરમાં ધ્યાન આપવાનું કહ્યું.
ટેક્સી ડ્રાઈવરે ચાલુ કારમાં યુવતીની સામે કર્યું હસ્તમૈથુન, બૂમાબૂમ કરતાં અધવચ્ચે ઉતારી દીધી
કંટાળીને યુવતીએ વાતની જાણ તેના પિયર પક્ષને કરી હતી, પણ તેઓને ઘર સંસાર ન તૂટે એટલા માટે તેઓએ આશ્વાસન આપ્યું કે બધુ સારૂ થઈ જશે. જો કે, પતિએ પણ અગાઉ આ રીતે પત્ની પર હાથ ઉઠાવી ચૂક્યો હતો અને મારઝૂડ કરી હતી. આખરે યુવતીએ પોલીસ સ્ટેશનમાં ફરિયાદ કરવાનો નિર્ણય લીધો. બાદમાં યુવતી તેની માતા સાથે અમરાઈવાડી પોલીસ સ્ટેશન પહોંચ હતી. તેણે તેના પતિ વિરૂદ્ધ ફરિયાદ નોંધાવતા પોલીસે ગુનો નોંધીને આગળની કાર્યવાહી હાથ ધરી છે. ઉલ્લેખનીય છે કે, દિન પ્રતિદિન મહિલાઓ વિરૂદ્ધના અત્યાચારમાં સતત વધારો થઈ રહ્યો છે.

મૌની રોય અને અનુપ્રિયા ગોયંકાનો કાતિલ અંદાજ

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : husband beat his wife over vegetables become more juicy in amraiwadi
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here