Rohit Sharma: છીનવાઈ શકે છે ટેસ્ટમાં રહાણેનું ઉપસુકાની પદ, રોહિત લઈ શકે છે તેનું સ્થાન – india tour south africa rohit sharma likely to be named test vice captain

0


ભારતીય ક્રિકેટ ટીમના લિડરશિપ ગ્રુપમાં રોહિત શર્માની આગેકૂચ હવે વધુ એક ડગલું આગળ વધી શકે છે. રોહિત શર્માને સાઉથ આફ્રિકાના પ્રવાસમાં ટેસ્ટ ટીમનો ઉપસુકાની બનાવવામાં આવી શકે છે. ટી20 વર્લ્ડ કપ બાદ કોહલીએ ટી20 ટીમનું સુકાની પદ છોડી દીધા બાદ રોહિત શર્માને નવો સુકાની બનાવવામાં આવ્યો છે.

અમારા સહયોગી ટાઈમ્સ ઓફ ઈન્ડિયાના અહેવાલ પ્રમાણે ભારતીય ક્રિકેટ કંટ્રોલ બોર્ડ (બીસીસીઆઈ) સાઉથ આફ્રિકાના પ્રવાસે જશે પરંતુ તેનો પ્રવાસ 17 ડિસેમ્બરના બદલે 26 ડિસેમ્બરે શરૂ થશે. નોંધનીય છે કે હાલમાં સાઉથ આફ્રિકામાં કોરોના વાયરસના ખતરનાક વેરિયન્ટ ઓમિક્રોનનો કહેર વર્તાયો છે.

બીજી ટેસ્ટઃ વાનખેડેમાં રેકોર્ડ્સની વણઝાર, ન્યૂઝીલેન્ડ સામે ભારત મજબૂત સ્થિતિમાં
ટીમ મેનેજમેન્ટ અને પસંદગીકારો રોહિત શર્માને ટેસ્ટમાં ઉપસુકાની બનાવવા અંગે ગંભીરતાથી ચર્ચા કરી રહ્યા છે. વર્તમાન ઉપસુકાની અજિંક્ય રહાણે કંગાળ ફોર્મમાં રમી રહ્યો છે તેને ધ્યાનમાં રાખતા રોહિત શર્માને નવો ઉપસુકાની બનાવવામાં આવી શકે છે.

ટી20 ટીમનો સુકાની બનાવવામાં આવ્યા બાદ રોહિત શર્મા ત્રણેય ફોર્મેટ માટે સુકાની પદનો પ્રબળ દાવેદાર છે. બીસીસીઆઈના એક ટોચના અધિકારીએ જણાવ્યું હતું કે, પસંદગી સમિતિની બેઠક થોડા દિવસોમાં જ મળશે. ત્યારે ટેસ્ટ ટીમના ઉપસુકાની તરીકે રોહિત શર્માના નામની જાહેરાત થઈ શકે છે. ભારતીય ટીમે સાઉથ આફ્રિકા પ્રવાસ માટે સહમતી વ્યક્ત કરી છે. જોકે, સીરિઝ તેના નિર્ધારીત કાર્યક્રમ પ્રમાણે રમાશે નહીં. ભારતીય બોર્ડે સાઉથ આફ્રિકન બોર્ડને ટેસ્ટ સીરિઝની શરૂઆત બોક્સિંગ ડેથી થાય તેવું જણાવ્યું છે.
ન્યૂઝીલેન્ડની ટીમમાં રહેલા મૂળ મુંબઈના છોકરાએ કરી કમાલ, કુંબલેની જેમ 10 વિકેટનો રેકોર્ડનોંધનીય છે કે ટી20 સીરિઝ બાદ રોહિત શર્માને ટેસ્ટ શ્રેણી માટે આરામ આપવામાં આવ્યો છે. જ્યારે વિરાટ કોહલી ટી20 શ્રેણી અને પ્રથમ ટેસ્ટ માટે આરામ આપવામાં આવ્યો હતો. ન્યૂઝીલેન્ડ સામેની પ્રથમ ટેસ્ટમાં અજિંક્ય રહાણેએ ટીમનું નેતૃત્વ કર્યું હતું. બીજી ટેસ્ટમાં વિરાટ કોહલી ટીમમાં પરત ફર્યો છે. જ્યારે ઈજાના કારણે રહાણે બીજી ટેસ્ટમાં રમી શક્યો નથી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here