Omicron in India: ગુજરાત બાદ મહારાષ્ટ્રમાં પણ ઓમિક્રોનની એન્ટ્રી, દ.આફ્રિકાથી આવેલો વ્યક્તિ પોઝિટિવ – indias 4th omicron case maharashtra man who returned from south africa tests positive

0


દેશમાં ઓમિક્રોનનો ચોથો કેસ સામે આવ્યો છે. સાઉથ આફ્રિકાથી મુંબઈ પરત ફરેલા યુવકમાં કોરોનાના નવા વેરિયન્ટની પુષ્ટી કરવામાં આવી છે. મહારાષ્ટ્ર સ્વાસ્થ્ય વિભાગના ડાયરેક્ટરે જણાવ્યું છે કે 33 વર્ષીય વ્યક્તિ વિદેશથી મુંબઈના કલ્યાણ ડોમ્બિવલી નગરપાલિકા ક્ષેત્રમાં પરત ફર્યો છે અને તેમાં કોરોનાના નવા વેરિયન્ટ ઓમિક્રોનની પુષ્ટી થઈ છે.

મહારાષ્ટ્ર સ્વાસ્થ્ય વિભાગનું કહેવું છે કે 33 વર્ષીય યાત્રી 24 નવેમ્બર સાઉથ આફ્રિકાના કેપટાઉનથી દુબઈ અને દિલ્હીથી મુંબઈ પહોંચ્યો હતો. તેણે કોઈ વેક્સિન લધી નથી. તેના હાઈ રિસ્ક સંપર્કોમાંથી 12 અને ઓછા રિસ્કાળા સંપર્કોમાંથી 23નું ટ્રેસિંગ કરી લેવામાં આવ્યું છે. તમામનો ટેસ્ટ નેગેટિવ આવ્યો છે.

કોરોના: ગુજરાતમાં ઓમિક્રોનની એન્ટ્રી, જામનગરમાં નોંધાયો પ્રથમ કેસ

મહારાષ્ટ્રમાં સૌથી વધારે ઓમિક્રોનના 32 શંકાસ્પદ કેસ
હાલમાં મહારાષ્ટ્રમાં ઓમિક્રોનના સૌથી વધારે શંકાસ્પદ દર્દીઓ છે. ત્યાં એવા દર્દીઓની સંખ્યા 32 છે. તેમાંથી 14 તો ફક્ત મુંબઈમાં છે. શુક્રવારે મુંબઈમાં વિદેશથી પરત ફરેલા 2 લોકો કોરોના પોઝિટિવ આવ્યા હતા. તેમાંથી એક ટિનેજર છે જે પેરિસથી પરત ફર્યો છે. આ ઉપરાંત એક 41 વર્ષીય વ્યક્તિ છે જે બાર્સેલોના અને સ્પેન ટ્રાવેલ કરીને પરત ફર્યો છે.

ગુજરાતમાં મળ્યો ઓમિક્રોનનો પ્રથમ કેસ
ગુજરતાના જામનગરમાં કોરોના વાયરસના નવા વેરિયન્ટ ઓમિક્રોનનો પ્રથમ કેસ નોંધાયો છે. અહીં નોંધનીય છે કે સાઉથ આફ્રિકાના ઝિમ્બાબ્વેથી જામનગર આવેલા 72 વર્ષીય વૃદ્ધનો તારીખ 2 ડિસેમ્બરના રોજ કોરોના રિપોર્ટ પોઝિટિવ આવ્યો હતો. ઓમિક્રોનના શંકાસ્પદ લક્ષણ જોવા મળતા તેના સેમ્પલ પૂનાની લેબમાં મોકલવામાં આવ્યા હતા.
દક્ષિણ આફ્રિકામાં ડરાવી રહ્યો છે કોરોના વાયરસનો આ નવો ટ્રેન્ડઆજે આ વૃદ્ધનો ઓમિક્રોન રિપોર્ટ પોઝિટિવ આવ્યો છે. 72 વર્ષના કોરોના પોઝિટિવ વૃદ્ધના સેમ્પલ જિનોમ સિક્વન્સ માટે પૂનાની લેબોરેટરીમાં પરીક્ષણ માટે મોકલાવ્યા હતા. જેનો રિપોર્ટ 72 કલાકની અંદર આવી ગયો છે. તેમનો રિપોર્ટ કોરોના વાયરસનો ઑમિક્રૉન વેરિયન્ટ હોવાની પુષ્ટિ થઇ ગઇ છે.

વધુ ખતરનાક છે કોરોનાનો ઓમિક્રોન વેરિયન્ટ
કોરોના વાયરસના નવા વેરિયન્ટ ઓમિક્રોન (Omicron)થી સમગ્ર દુનિયા ટેન્શનમાં છે. આ નવા વેરિયન્ટ Omicronની સૌપ્રથમ ઓળખ દક્ષિણ આફ્રિકામાં થઈ હતી. ઓમિક્રોન કોરોના વાયરસનું સ્વરૂપ આ મામલે ઘણું અલગ છે કારણકે તે અત્યાર સુધીના SARS-CoV-2નું સૌથી વધારે બદલાયેલું સ્વરૂપ છે. જેની આનુવંશિક સંરચનામાં કુલ 53 મ્યુટેશન છે અને સ્પાઈક પ્રોટીન પર 32 મ્યુટેશન છે. સ્પાઈક પ્રોટીન SARS-CoV-2 વાયરસની બહાર નીકળેલી ગાંઠ છે જે વાયરસને કોશિકાઓ સાથે ચોંટવામાં મદદ કરે છે કે જેથી તે તેમાં પ્રવેશ કરી શકે. ઓમિક્રોનમાં વધારે મ્યુટેશનનો મતલબ એવો થાય છે કે આ વધારે સંક્રામક છે અથવા પછી પ્રતિરક્ષા સુરક્ષાથી બચવામાં વધારે સારો છે, આ તમામ અનુમાન વધારે ચિંતાજનક છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here