dalit mob lynching: લગ્નમાં ઊંચી જાતિના લોકો સાથે લીધું ભોજન, ઢોર માર મારતાં દલિત વ્યક્તિનું મોત થયાનો આરોપ – dalit man lost life after having dinner with upper cast men in wedding

0


હાઈલાઈટ્સ:

  • ઉત્તરાખંડમાં દલિત વ્યક્તિના મોત મામલે પત્નીનો સનસનીખેજ આરોપ
  • લગ્નમાં ઊંચી જાતિનાં લોકો સાથે ભોજન લેતાં ઢોર માર મારતાં મોત નિપજ્યું
  • આખી રાત ઢોર માર માર્યાં બાદ બીજા દિવસે હોસ્પિટલમાં દાખલ કર્યો, સારવાર દરમિયાન દમ તોડ્યો

ઉત્તરાખંડના ચંપાવત જિલ્લામાં એક 45 વર્ષીય દલિત વ્યક્તિને ઢોર માર મારી હત્યા કરાઈ હોવાનો આરોપ લગાવવામાં આવી રહ્યો છે. આરોપ લગાવ્યો છે કે, સ્થાનિક જાતિનાં નિયમો પ્રમાણે લગ્નમાં અલગ-અલગ જાતિ માટે ભોજન સમારંભ અલગ-અલગ હતો. પણ દલિત વ્યક્તિ ઊંચી જાતિનાં લોકો સાથે ભોજન કરી રહ્યો હતો. અમુક ઊંચી જાતિના લોકો તેને જોઈ ગયા હતા અને બાદમાં તેને ઢોર માર મારવામાં આવ્યો હતો. હોસ્પિટલમાં સારવાર દરમિયાન દલિત વ્યક્તિનું મોત નિપજ્યું હતું.

પીડિતના પરિવારે આરોપ લગાવ્યો છે કે, દલિત વ્યક્તિને અનેક કલાકો સુધી શારીરિક ત્રાસ આપવામાં આવ્યો હતો અને બાદમાં તેને લોહાઘાટ હોસ્પિટલમાં દાખલ કરવામાં આવ્યો હતો, પણ વધુ સારવાર અર્થે તેને હલ્દવાનીમાં અન્ય એક હોસ્પિટલમાં દાખલ કરવામાં આવ્યો હતો. પણ સારવાર દરમિયાન તેઓએ દમ તોડ્યો હતો.

મૃતકનું નામ રમેશ રામ હોવાનું અને ચંપાવતના પાટી બ્લોકમાં ટેલરિંગની દુકાન ચલાવતું હોવાનું સામે આવ્યું છે. સોમવારની રાત્રે તેઓ લગ્ન સંભારભમાં ગયા હતા અને મંગળવારની સવારે શરીર પર અનેક ઈજાઓ સાથે તેઓ મળી આવ્યા હતા. જે બાદ તેઓને સારવાર અર્થે ચંપાવતની લોહાઘાટ ટાઉનના સામાજિક સ્વાસ્થ્ય કેન્દ્રમાં લઈ જવામાં આવ્યો હતો. પણ બાદમાં વધુ સારવાર અર્થે તેઓને અન્ય હોસ્પિટલ ખસેડવામાં આવ્યા હતા, જ્યાં તેઓનું મોત નિપજ્યું હતું.

રામના પત્ની તુલસી દેવીના જણાવ્યા અનુસાર, લગ્નમાં તેઓ ઊંચી જાતિના લોકો સાથે બેઠા હતા અને ભોજન લઈ રહ્યા હતા. અમુક લોકોએ આ વાતનો વિરોધ કર્યો હતો અને બાદમાં તેઓને માર માર્યો હતો. ધ વાયરના જણાવ્યા અનુસાર, તુલસી દેવીએ પોલીસ ફરિયાદમાં કહ્યું છે કે, નવેમ્બર 28ના રોજ લગ્નની રાત્રે મારા પતિને આખી રાત ઢોર માર માર્યો હતો. અને બાદમાં સવારે તેઓને લોહાઘાટ હોસ્પિટલમાં દાખલ કરીને તેઓએ અમને જાણ કરી હતી.

રામના પુત્ર સંજયે કહ્યું કે, અમે બધા પિતાની સ્થિતિ જોઈને ચોંકી ગયા હતા. તેમના શરીરમાં ઈજાનાં અનેક નિશાન હતા. એમ્બ્યુલન્સમાં તેઓને હલ્દવાની લઈ જતાં સમયે, તેમણે મને કહ્યું હતું કે, બધાની સાથે ભોજન લેવાને કારણે તેઓએ મને માર્યો હતો. રામના પત્નીની ફરિયાદને આધારે પોલીસે હત્યા અને એટ્રોસિટી એક્ટ મુજબ ગુનો દાખલ કરીને તપાસ શરૂ કરી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here