jamnagar omicron variant: કોરોના: ગુજરાતમાં ઓમિક્રોનની એન્ટ્રી, જામનગરમાં નોંધાયો પ્રથમ કેસ – a man in gujarat’s jamnagar has tested positive for the omicron variant of covid-19

0


| I am Gujarat | Updated: Dec 4, 2021, 4:00 PM

ઓમિક્રોનના શંકાસ્પદ લક્ષણ જોવા મળતા તેના સેમ્પલ પૂનાની લેબમાં મોકલવામાં આવ્યા હતા. વૃદ્ધનો ઓમિક્રોન રિપોર્ટ પોઝિટિવ આવ્યો છે.

 

પ્રતીકાત્મક તસવીર

હાઈલાઈટ્સ:

  • 72 વર્ષના કોરોના પોઝિટિવ વૃદ્ધના સેમ્પલ જિનોમ સિક્વન્સ માટે પૂનાની લેબોરેટરીમાં પરીક્ષણ માટે મોકલાવ્યા હતા.
  • જેનો રિપોર્ટ 72 કલાકની અંદર આવી ગયો છે. તેમનો રિપોર્ટ કોરોના વાયરસનો ઑમિક્રૉન વેરિયન્ટ હોવાની પુષ્ટિ થઇ ગઇ છે.
  • હવે ગુજરાતમાં કોરોના વાયરસના નવા વેરિયન્ટ ઓમિક્રોનની એન્ટ્રી થઈ ગઈ છે.

જામનગર: હવે ગુજરાતમાં કોરોના વાયરસના નવા વેરિયન્ટ ઓમિક્રોનની એન્ટ્રી થઈ ગઈ છે. રાજ્યના જામનગરમાં કોરોના વાયરસના નવા વેરિયન્ટ ઓમિક્રોનનો પ્રથમ કેસ નોંધાયો છે. અહીં નોંધનીય છે કે સાઉથ આફ્રિકાના ઝિમ્બાબ્વેથી જામનગર આવેલા 72 વર્ષીય વૃદ્ધનો તારીખ 2 ડિસેમ્બરના રોજ કોરોના રિપોર્ટ પોઝિટિવ આવ્યો હતો. ઓમિક્રોનના શંકાસ્પદ લક્ષણ જોવા મળતા તેના સેમ્પલ પૂનાની લેબમાં મોકલવામાં આવ્યા હતા. આજે આ વૃદ્ધનો ઓમિક્રોન રિપોર્ટ પોઝિટિવ આવ્યો છે. 72 વર્ષના કોરોના પોઝિટિવ વૃદ્ધના સેમ્પલ જિનોમ સિક્વન્સ માટે પૂનાની લેબોરેટરીમાં પરીક્ષણ માટે મોકલાવ્યા હતા. જેનો રિપોર્ટ 72 કલાકની અંદર આવી ગયો છે. તેમનો રિપોર્ટ કોરોના વાયરસનો ઑમિક્રૉન વેરિયન્ટ હોવાની પુષ્ટિ થઇ ગઇ છે.

અહીં નોંધનીય છે કે કોરોના વાયરસના નવા વેરિયન્ટ ઓમિક્રોન (Omicron)થી સમગ્ર દુનિયા ટેન્શનમાં છે. આ નવા વેરિયન્ટ Omicronની સૌપ્રથમ ઓળખ દક્ષિણ આફ્રિકામાં થઈ હતી. ઓમિક્રોન કોરોના વાયરસનું સ્વરૂપ આ મામલે ઘણું અલગ છે કારણકે તે અત્યાર સુધીના SARS-CoV-2નું સૌથી વધારે બદલાયેલું સ્વરૂપ છે. જેની આનુવંશિક સંરચનામાં કુલ 53 મ્યુટેશન છે અને સ્પાઈક પ્રોટીન પર 32 મ્યુટેશન છે. સ્પાઈક પ્રોટીન SARS-CoV-2 વાયરસની બહાર નીકળેલી ગાંઠ છે જે વાયરસને કોશિકાઓ સાથે ચોંટવામાં મદદ કરે છે કે જેથી તે તેમાં પ્રવેશ કરી શકે. ઓમિક્રોનમાં વધારે મ્યુટેશનનો મતલબ એવો થાય છે કે આ વધારે સંક્રામક છે અથવા પછી પ્રતિરક્ષા સુરક્ષાથી બચવામાં વધારે સારો છે, આ તમામ અનુમાન વધારે ચિંતાજનક છે.
વલસાડની સ્કૂલમાં વિદ્યાર્થી કોરોના પોઝિટિવ, સંપર્કમાં આવેલા 58ની તપાસ શરુ કરાઈ
રિસર્ચમાં એવું પણ જાણવા મળ્યું છે કે SARS-CoV-2ના મૂળ અને શરૂઆતના સ્વરૂપોની સરખામણીમાં ડેલ્ટા સ્વરૂપથી સંક્રમિત દર્દીઓને હોસ્પિટલમાં દાખલ થવાનો વધારે ખતરો રહેલો છે. તો શું ઓમિક્રોન ડેલ્ટાનું સ્થાન લેશે? પરંતુ, હજુ સુધી એવું કહેવું પણ ઉતાવળભર્યું હશે કે ઓમિક્રોન ડેલ્ટાથી વધારે શક્તિશાળી છે. ઓમિક્રોનમાં કેટલાંક મ્યુટેશન ડેલ્ટા સ્વરૂપના છે પણ તેમાં અન્ય સ્વરૂપના પણ મ્યુટેશન છે જે બિલકુલ અલગ છે. પણ, તે વાતની વધારે આશંકાઓ છે કે ઓમિક્રોન સ્વરૂપ SARS-CoV-2નું અંતિમ સ્વરૂપ નથી અને તેના વધારે સ્વરૂપ આવવાની આશંકાઓ છે તેમજ કોરોના વાયરસના એવા સ્વરૂપ આવવાની પણ સંભાવના છે કે જે ડેલ્ટાથી પણ વધારે સંક્રામક હોય!
દુબઈથી 30 લોકો અને યુકેથી અમદાવાદ આવેલી યુવતી કોરોના સંક્રમિત, વધુ તપાસ શરુ
ગુજરાતમાં ઓમિક્રોન વેરિયન્ટનો પ્રથમ કેસ નોંધાતા મુખ્ય સચિવે જામનગરના કલેક્ટર અને આરોગ્ય અધિકારીઓ સાથેની રિવ્યૂ મીટિંગ બોલાવી હતી અને મુખ્યમંત્રીએ પણ તાત્કાલિક રિવ્યૂ બેઠક બોલાવી છે. તેમજ હાલ વિદેશથી શહેરમાં આવતા લોકોનો કોરોના ટેસ્ટ કરવામાં આવી રહ્યો છે. તેઓનો ટેસ્ટ કરીને તેઓને ક્વોરન્ટાઈન કરવામાં આવે છે. બાદમાં રિપોર્ટ જે મુજબ આવે તે મુજબ કામગીરી હાથ ધરવામાં આવે છે.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : a man in gujarat’s jamnagar has tested positive for the omicron variant of covid-19
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here