Diu Daman New Year party: દીવ, દમણમાં રાત્રિ કર્ફ્યૂના કારણે નવા વર્ષના પાર્ટી પ્લાન પર પાણી ફરી વળ્યા – night curfew in diu, daman will affect new years party plan

0


હાઈલાઈટ્સ:

  • નવા વર્ષની પાર્ટી માટે દીવ-દમણનો પ્લાન કર્યો હોય તો આટલું જાણજો
  • ગુજરાતને અડીને આવેલા કેન્દ્ર શાસિત પ્રદેશોમાં પાર્ટીનું આયોજન પર અસર
  • કોરોના અને નવા વેરિયન્ટ ઓમિક્રોનને ધ્યાનમાં લઈને લેવાયો છે નિર્ણય

સુરતઃ ગુજરાતને અડીને આવેલા કેન્દ્ર શાસિત પ્રદેશો નવા વર્ષ અને મનોરંજન માટે આકર્ષણનું કેન્દ્ર રહ્યા છે. પાછલા કેટલાક વર્ષોમાં ગુજરાતમાં જૂના વર્ષને અલવિદા કહેવા માટે તથા નવા વર્ષના સ્વાગત માટે પીવા અને પાર્ટીના શોખીનો દીવ, દમણ, દાદરા નગર હવેલી પહોંચી જતા હોય છે. જોકે, આ વર્ષે આ પ્રકારનો કોઈ પ્લાન બનાવ્યો હોય તો તે માથે પડવાનો છે. જેમણે નાનો-મોટો પ્લાન બનાવી લીધો છે તેમને પણ આ સમાચાર જાણીને આંચકો લાગશે.

દરિયા કિનારે નવા વર્ષના સ્વાગતની પાર્ટીનો પ્લાન બનાવનારા ગુજરાતીઓને ઝાટકો મળ્યો છે. કારણ કે ડિસેમ્બરના અંત સુધી દમણ, દીવ, દાદરા અને નગર હવેલીમાં રાતના 11 વાગ્યાથી સવારના 6 વાગ્યા સુધી નાઈટ કર્ફ્યૂ લાગુ કરવામાં આવ્યો છે. ઓમિક્રોમ વેરિયન્ટ અને કોરોનાના કેસને ધ્યાનમાં લઈને આ નિર્ણય લેવામાં આવ્યો છે. વધતા કોરોનાના કેસને અટકાવવા માટે લેવાયેલા આ નિર્ણયની પ્રશંસા થઈ રહી છે પરંતુ તેની સીધી અસર સ્થાનિક વેપારીઓ અને હોટલના માલિકો પર પડી શકે છે.

કોરોનાના નિયમોનો ભંગ કરનારા એક લાખથી વધારે લોકોની અત્યાર સુધી ધરપકડ થઈ

2020માં પણ નવા વર્ષની ઉજવણી સામાન્ય રહી હોવાથી આ વર્ષે કેટલાક હોટલના માલિકો દ્વારા સારી તૈયારી કરવાનું આયોજન કર્યું હતું. જોકે નાઈટ કર્ફ્યૂના કારણે પ્લાનમાં ફેરફાર કરવો પડશે. આલ્કોહોલ, સારી વ્યવસ્થાઓ રાખનારી હોટલ, રિસોર્ટ અને અન્ય આકર્ષણોના કારણે પ્રવાસીઓ અહીં ખેંચાઈ આવતા હોય છે. માત્ર ગુજરાત જ નહીં પરંતુ મહારાષ્ટ્ર અને આસપાસના રાજ્યોના પ્રવાસીઓ પણ દીવ, દમણ અને સેલવાસામાં નવા વર્ષની પાર્ટી માટે આવી પહોંચતા હોય છે.

દમણના હોટલ એસોસિએશનના પ્રમુખ હર્ષ ટાંગલે જણાવ્યું કે, “હવે રાતના 11થી કર્ફ્યૂ લાગુ કરવામાં આવ્યો હોવાથી મોટી પાર્ટીઓનું આયોજન શક્ય નથી. લોકોએ કર્ફ્યૂના કલાકો શરુ થાય તે પહેલા પાર્ટીનું સ્થળ છોડીને પોતાની હોટલમાં પહોંચવું પડશે ક્યાં તો દમણ છોડીને બહાર જવું પડશે. સમયમાં થોડી છૂટછાટ આપવા માટે અમે સ્થાનિક વહીવટી તંત્રને રજૂઆત કરી છે. જો અમે 1 વાગ્યા સુધીનો સમય મળી જાય તો લોકોને ઉજવણી કરવાની તક મળી શકશે.”

સાયન્સ સિટીની એક્વાટિક ગેલેરીમાં નવું આકર્ષણ, દક્ષિણ આફ્રિકાથી લવાયા પાંચ પેંગ્વિન
દમણ અને સેલવાસામાં નવા વર્ષની શરુઆત પહેલા 24 ડિસેમ્બરથી પાર્ટીઓની શરુઆત થઈ જતી હોય છે, જે અઠવાડિયા સુધી ચાલે છે. આવા સમયે મોટા પ્રમાણમાં પ્રવાસીઓ આવતા હોય છે અને તેના લીધે ટુરીસ્ટ પ્લેસ પર વ્યવસાય કરતા લોકોને સારી આવક થતી હોય છે.

વલસાડના ફાઈનાન્સ કન્સલ્ટન્ટ વિદિત દેસાઈ જણાવે છે કે, “હું દર વર્ષે નવા વર્ષના સ્વાગત માટે દમણમાં હોઉં છું, પરંતુ આ વર્ષે મારો પ્લાન પડતો મૂક્યો છે કારણ કે ત્યાં કર્ફ્યૂ લાદી દેવામાં આવ્યો છે. લોકોએ કોરોનાને હરાવવા માટે કોવિડ-19 ગાઈડલાઈન્સનું પાલન પણ કરવું જોઈએ.”



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here