Sayantani ghosh: નાનીએ આપેલી સાડી પહેરીને એક્ટ્રેસ સયંતની ઘોષે કરી સગાઈ, હલદી સેરેમની પણ સાદગીથી પૂરી થઈ – actress sayantani ghosh got engaged to beau anugrah have a look at haldi and engagement ceremony pictures

0


સીરિયલ ‘તેરા યાર હૂં મેં’ની એક્ટ્રેસ સયંતની ઘોષ આજે એટલે કે 5 ડિસેમ્બરે બોયફ્રેન્ડ અનુરાગ સાથે લગ્ન કરવાની છે. લગ્નના આગલા દિવસે એટલે 4 ડિસેમ્બરે સગાઈ કરી હતી. સયંતની અને અનુરાગ કોલકાતામાં લગ્ન કરવાના છે. ત્યારે કપલે નજીકના મિત્રો અને પરિવારજનોની હાજરીમાં સગાઈ પણ અહીં જ કરી હતી.

sayantani engagement


સગાઈ માટે સયંતનીએ લાલ રંગની ટ્રેડિશનલ સાડી પર પસંદગી ઉતારી હતી. સંયતનીએ લાલ સાડી ગોલ્ડન રંગના બ્લાઉઝ અને ગોલ્ડ જ્વેલરી સાથે પહેરી હતી. સગાઈ બાદ પોતાની એંગેજમેન્ટ રિંગ બતાવતી તસવીર સયંતનીએ ઈન્સ્ટાગ્રામ સ્ટોરીમાં શેર કરી હતી. સયંતનીએ સગાઈમાં પહેરેલી સાડી પણ તેના માટે ખૂબ ખાસ હતી.

એક્ટ્રેસે પોતાની સાડી અંગે વાત કરતાં અમારા સહયોગી ઈટાઈમ્સ ટીવીને જણાવ્યું કે, “મારા નાનીનું 2020માં નિધન થયું હતું. હું તેમની ખૂબ નજીક હતી. મારા ખાસ દિવસે હું તેમની હાજરી મહેસૂસ કરવા માગતી હતી અને મને ખાતરી છે કે તેમના આશીર્વાદ હંમેશા મારી સાથે રહેશે. મારા નાની યાદમાં મેં તેમણે આપેલી આ સાડી મારી સગાઈમાં પહેરવાનો નિર્ણય લીધો હતો.”

સયંતનીનો ફિઆન્સે અનુરાગ પણ ટ્રેડિશનલ કુર્તા અને હાફ જેકેટમાં જોવા મળ્યો હતો. મેચિંગ કપડાંમાં કપલે સગાઈ બાદ પોઝ આપ્યા હતા. સંબંધને નામ આપવાની ખુશી બંનેના ચહેરા પર વર્તાતી હતી.

સયંતનીની સગાઈ બાદ તેની હલદી સેરેમનીની તસવીરો પણ સામે આવી છે. સયંતની અને અનુગ્રહની હલદી સેરેમની પણ સાદગીથી જ યોજાઈ હતી. સામે આવેલી તસવીરોમાં પરિવારજનો તેમને પીઠી લગાવતાં દેખાઈ રહ્યા છે.

સયંતની અને અનુરાગના લગ્ન એક્ટ્રેસના હોમટાઉન કોલકાતામાં સાદગીથી થવાના છે. જ્યારે રિસેપ્શન અનુરાગના હોમટાઉન જયપુરમાં યોજાશે. જણાવી દઈએ કે, આઠ વર્ષ સુધી રિલેશનશીપમાં રહ્યા બાદ કપલે લગ્નનો નિર્ણય કર્યો છે.

રસપ્રદ વાત એ છે કે, સીરિયલ ‘તેરા યાર હૂં મેં’માં સયંતનીના પાત્ર દલજીતનું પણ લગ્ન થઈ રહ્યું છે. રીલ અને રિયલ લાઈફ બંનેમાં લગ્ન થવાના છે ત્યારે સયંતની ખુશી સાતમા આસમાને છે. અગાઉ પોતાના લગ્ન વિશે વાત કરતાં સયંતનીએ ઈટાઈમ્સ ટીવીને જણાવ્યું હતું કે, “દલજીતના વેડિંગ એકદમ ફિલ્મી અંદાજમાં થવાના છે અને દર્શકોને પ્રી-વેડિંગ સરેમેની પણ જોવા મળશે. મજાક-મસ્તીની સાથે લગ્નમાં ડ્રામા પણ થશે. જ્યારે મારા લગ્ન સાદગીથી થવાના છે. અમારા લગ્ન દરમિયાન અમે ફ્રી રહીને પરિવારજનો સાથે ક્વોલિટી ટાઈમ વિતાવા માગતા હતા એટલે જ અમે સાદગીથી લગ્ન પસંદ કર્યા છે. હું મારા મિત્રોને મળવા, સારું ભોજન કરવા અને મસ્તી કરવા ઉત્સુક છું.”





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here