દિલ્હીમાં મળ્યો ઓમિક્રોનનો કેસ, તન્ઝાનિયાથી પાછા આવેલા શખ્સનો રિપોર્ટ પોઝિટિવ – fifth omicron case detected in india patient came from tanzania

0


હાઈલાઈટ્સ:

  • દિલ્હીમાં સામે આવ્યો કોરોના વેરિયન્ટ ઓમિક્રોનને પ્રથમ કેસ.
  • અત્યાર સુધી દેશભરમાં ઓમિક્રોનના કુલ પાંચ કેસ નોંધાયા છે.
  • તન્ઝાનિયાથી પાછા ફરેલા શખ્સની ચાલી રહી છે સારવાર.

નવી દિલ્હી- દુનિયાભરમાં સ્વાસ્થ્ય નિષ્ણાંતો કોરોનાના ઓમિક્રોન વેરિયન્ટને કારણે ચિંતામાં મૂકાયા છે ત્યારે દેશમાં ઓમિક્રોનનો પાંચમો કેસ સામે આવ્યો છે. રવિવારના રોજ દિલ્હીમાં પ્રથમ અને દેશભરમાં પાંચમા કેસની પૃષ્ટિ થઈ છે. ઉલ્લેખનીય છે કે સંક્રમિત વ્યક્તિ આફ્રિકન દેશ તન્ઝાનિયાથી પાછો ફર્યો હતો.

લીલા શાકભાજી, સીઝનલ ફળો અને તડકો… ઓમિક્રોન સામે નિષ્ણાંતોના સૂચનો

દિલ્હીના સ્વાસ્થ્ય મંત્રી સત્યેન્દ્ર જૈને જણાવ્યું કે, દિલ્હીમાં ઓમિક્રોનનો પ્રથમ કેસ સામે આવ્યો છે. દર્દી એલએનજેપી હોસ્પિટલમાં દાખલ હતો અને તે તાજેતરમાં જ તન્ઝાનિયાથી પાછો ફર્યો હતો. અત્યાર સુધી વિદેશથી પાછા ફરેલા 17 લોકોનો કોરોના રિપોર્ટ પોઝિટિવ મળ્યો છે, અને તેમને હોસ્પિટલમાં દાખલ કરવામાં આવ્યા છે.

જામનગરમાં ઓમિક્રોન વેરિયન્ટથી સંક્રમિત 72 વર્ષના વૃદ્ધાએ લીધી હતી ચાઈનીઝ રસી!
દેશભરમાં ઓમિક્રોનના કુલ કેસની સંખ્યા પાંચ થઈ ગઈ છે. પહેલા બે કેસ કર્ણાટકમાં મળી આવ્યા હતા. ત્યારપછી શનિવારના રોજ ગુજરાત અને મહારાષ્ટ્રમાં એક-એક કેસ સામે આવ્યો હતો. ગુજરાતના જામનગરથી એક કેસ સામે આવ્યો હતો જ્યારે મહારાષ્ટ્રના ડોમ્બિવલીથી એક કેસ સામે આવ્યો હતો. ઉલ્લેખનીય છે કે દિલ્હીના મુખ્યમંત્રી અરવિંદ કેજરીવાલે ઓમિક્રોન વેરિયન્ટને ધ્યાનમાં રાખીને વડાપ્રધાન નરેન્દ્ર મોદીને અપીલ કરી હતી કે ઈન્ટરનેશનલ ફ્લાઈટ્સ બંધ કરી દેવામાં આવે.

ઉલ્લેખનીય છે કે દિલ્હીની એલએનજેપી હોસ્પિટલમાં જે કોરના પોઝિટિવ દર્દીઓને દાખલ કરવામાં આવ્યા છે, તેમાંથી મોટાભાગના તે દેશોથી આવેલા હતા જેમનું નામ રેડ લિસ્ટમાં છે. શરુઆતમાં આમાંથી ઘણાં લોકો કોરોના સંક્રમિત હોવાની પૃષ્ટિ થઈ. છ દર્દીઓને ગળામાં ખારાશ, તાવના લક્ષણ હતા. તેમના સેમ્પલને જીનોમ સિક્વન્સિંગ માટે મોકલવામાં આવ્યા. ત્યારપછી બ્રિટનથી આવેલા 3 નવા કોરોના દર્દીઓને અહીં દાખલ કરવામાં આવ્યા.

ડેલ્ટાથી વધારે ખતરનાક છે કોરોનાનો ઓમિક્રોન વેરિયન્ટ? શું કહે છે એક્સપર્ટ?
કોરોના વાયરસના નવા વેરિયન્ટ ઓમિક્રોન (Omicron)થી સમગ્ર દુનિયા ટેન્શનમાં છે. આ નવા વેરિયન્ટ Omicronની સૌપ્રથમ ઓળખ દક્ષિણ આફ્રિકામાં થઈ હતી. ઓમિક્રોન કોરોના વાયરસનું સ્વરૂપ આ મામલે ઘણું અલગ છે કારણકે તે અત્યાર સુધીના SARS-CoV-2નું સૌથી વધારે બદલાયેલું સ્વરૂપ છે. જેની આનુવંશિક સંરચનામાં કુલ 53 મ્યુટેશન છે અને સ્પાઈક પ્રોટીન પર 32 મ્યુટેશન છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here