high alert in mathura: કેમ પોલીસ છાવણીમાં ફેરવાયું કૃષ્ણ જન્મભૂમિ ક્ષેત્ર? સુરક્ષાદળનો ચાંપતો બંદોબસ્ત – high alert has been sounded in the city of mathura the administration has taken steps to ensure order and peace

0


હાઈલાઈટ્સ:

  • હિન્દુ સંગઠનોએ શાહી મસ્જિદ પર જળ અભિષેકની જાહેરાત કરી દીધી છે.
  • આ જાહેરાત બાદ કૃષ્ણ જન્મભૂમિ ક્ષેત્ર પોલીસ છાવણીમાં બદલાઈ ગયું છે.
  • પોલીસ અને પ્રશાસનને એલર્ટ મોડ પર રાખવામાં આવ્યા છે.
  • વિસ્તારમાં સતત નજર રાખવા માટે ડ્રોનની પણ વ્યવસ્થા કરવામાં આવી છે.

નિર્મલ રાજપૂત, મથુરા: ઉત્તરપ્રદેશમાં વિધાનસભાની ચૂંટણી આવી રહી છે. કૃષ્ણ જન્મભૂમિનો મામલો ચર્ચાનું કેન્દ્ર બન્યો છે. ત્યારે હિન્દુ સંગઠનોએ શાહી મસ્જિદ પર જળ અભિષેકની જાહેરાત કરી દીધી છે. આ જાહેરાત બાદ કૃષ્ણ જન્મભૂમિ ક્ષેત્ર પોલીસ છાવણીમાં બદલાઈ ગયું છે. પોલીસ અને પ્રશાસનને એલર્ટ મોડ પર રાખવામાં આવ્યા છે. વિસ્તારમાં સતત નજર રાખવા માટે ડ્રોનની પણ વ્યવસ્થા કરવામાં આવી છે.

ઉત્તરપ્રદેશમાં આવેલા મથુરામાં હિન્દુ સંગઠનોની શાહી ઈદગાહ મસ્જિદ પર ઠાકુરજીના જળ અભિષેકની જાહેરાત બાદ પ્રશાસન પણ એલર્ટ થઈ ગયું છે. કૃષ્ણ જન્મભૂમિ અને શાહી ઈદગાહ મસ્જિદની આસપાસના વિસ્તારો પોલીસ છાવણીમાં ફેરવાઈ ગયા છે. કૃષ્ણ જન્મભૂમિના વિસ્તારમાં પોલીસ વિભાગની સતત નજર છે.

રશિયા 1.75 લાખ સૈનિકો સાથે યુક્રેન પર હુમલાની કરી રહ્યું છે તૈયારી, રિપોર્ટમાં દાવો

હિન્દુ સંગઠનો તરફથી કૃષ્ણ જન્મભૂમિ નજીક આવેલી શાહી ઈદગાહ મસ્જિદ પર તારીખ 6 ડિસેમ્બરે ગોપાલજીનો જળ અભિષેક કરવામાં આવશે. સોશિયલ મીડિયા પર પણ બાળ ગોપાલના જળ અભિષેકની સૂચના ફેલાઈ ગઈ છે. હવે કૃષ્ણ જન્મભૂમિ અને શાહી ઈદગાહ મસ્જિદ આસપાસના વિસ્તારોમાં ભારે પોલીસદળ હાજર રાખવામાં આવ્યું છે. વાહન ચેકિંગ હાથ ધરવામાં આવ્યું છે. મથુરા સિવાય અન્ય જિલ્લાઓમાંથી પણ સુરક્ષા દળને બોલાવાયું છે તેમજ બહારથી આવતા લોકોનું કડક ચેકિંગ કરવામાં આવી રહ્યું છે. સંપૂર્ણ તપાસ બાદ કૃષ્ણ જન્મભૂમિ અને આસપાસના વિસ્તારમાં પ્રવેશ આપવામાં આવી રહ્યો છે.

ત્યારે એસપીના જણાવ્યા મુજબ, કૃષ્ણ જન્મભૂમિ પાસેની મસ્જિદની સુરક્ષા માટે પૂરતી વ્યવસ્થા કરવામાં આવી છે. મસ્જિદના તમામ પ્રવેશ માર્ગો પર સુરક્ષા ગોઠવાઈ છે અને ટ્રાફિકમાં પણ પરિવર્તન કરવામાં આવ્યું છે. સાથે-સાથે તે વિસ્તારમાં ડ્રોનથી પણ નજર રાખવામાં આવી રહી છે. મથુરામાં આવેલી વિવાદિત કૃષ્ણ જન્મભૂમિને લઈને જિલ્લા પ્રશાસને સઘન સુરક્ષા વધારી દીધી છે. સાથે-સાથે મથુરા જિલ્લાની સરહદો પર પણ સઘન ચેકિંગ હાથ ધરવામાં આવ્યું છે. તેમજ સોશિયલ મીડિયા પર પણ નજર રાખવામાં આવી રહી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here