karnataka nursing school: ઓમિક્રોનના બે કેસ નોંધાયા પછી કર્ણાટકની નર્સિંગ સ્કુલના 29 વિદ્યાર્થી કોરોના પોઝિટિવ – karnataka 29 students tested covid positive of nursing school

0


હાઈલાઈટ્સ:

  • શિવમોગામાં વધી રહેલા કેસને જોતાં પ્રશાસન અહીં રેન્ડમ સેમ્પલિંગ કરી રહ્યું છે
  • રેન્ડમ સેમ્પલિંગ દરમિયાન વિદ્યાર્થીઓ પોઝિટિવ હોવાનું સામે આવ્યું છે
  • ભારતમાં ઓમિક્રોનના પહેલા બે કેસ કર્ણાટકમાંથી સામે આવ્યા છે

બેંગલુરુઃ હાલમાં વિશ્વસ્તરે કોરોના વાયરસનો નવો વેરિયન્ટ ઓમિક્રોન તરખાટ મચાવી રહ્યો છે. થોડા દિવસ પહેલા દક્ષિણ આફ્રિકામાં આ વાયરસ મળી આવ્યો હતો. જેને લઇને દુનિયાભરના દેશોએ ચેતવણી જાહેર કરી હતી. એમ છતાંય ભારત સહિત અનેક દેશોમાં ઓમિક્રોન પગપેસારો કરી ચૂક્યો છે.

ભારતમાં ઓમિક્રોનના પહેલા બે કેસ કર્ણાટક રાજ્યમાંથી સામે આવ્યા હતા. જેઓ વિદેશથી આવ્યા હતા. પરંતુ હવે ચિંતા એ વધી રહી છે કે, લગભગ બધા પ્રતિબંધોથી મૂક્ત અનેક રાજ્યોમાં સંક્રમણના કેસ વધી રહ્યા છે. કર્ણાટકના શિવમોગા જિલ્લામાં સ્થિત એક ખાનગી નર્સિંગ સ્કુલના 29 વિદ્યાર્થીઓ એક સાથે કોરોના પોઝિટિવ આવ્યા છે. જે રાજ્ય સહિત આખા દેશ માટે ખતરાની ઘંટી છે. શિવમોગાના ડેપ્યુટી કમિશનરનું કહેવુ છે કે, પોઝિટિવ આવેલા વિદ્યાર્થીઓમાં કોઇ લક્ષણ જોવા મળ્યા નથી. વિસ્તારમાં કોરોના સંક્રમણના ફેલાવાને જોતાં પ્રશાસન લોકોના સેમ્પલ ટેસ્ટ કરી રહી છે.

તેમનું કહેવુ છે કે, અનેક સ્થળોએ રેન્ડમ સેમ્પલિંગ કરવામાં આવી રહ્યું છે, જે દરમિયાન વિદ્યાર્થીઓ સંક્રમિત હોવાનું સામે આવ્યું છે. આ નર્સિંગ સ્કુલમાં ભણતા વિદ્યાર્થીઓમાં અલગ-અલગ રાજ્યોના વિદ્યાર્થીઓ અભ્યાસ કરી રહ્યા છે. એકસાથે 29 વિદ્યાર્થી પોઝિટિવ આવતાં પ્રશાસને હોસ્ટેલને સીલ કરી દીધી છે.

કોરોના વાયરસના કેસની વાત કરીએ તો કર્ણાટકમાં શનિવારે 397 નવા કેસ સામે આવ્યા હતા. જ્યારે 4 દર્દીઓના મોત થયા હતા. હાલમાં રાજ્યમાં 7012 સક્રિય કેસ છે. જ્યારે ભારતમાં ઓમિક્રોન વાયરસના સૌથી પહેલા બે કેસ પણ કર્ણાટકમાંથી સામે આવ્યા છે. હાલમાં ગુજરાત, મહારાષ્ટ્રમાં પણ ઓમિક્રોન પોઝિટિવ કેસ સામે આવ્યા છે. જ્યારે આજે 5, ડિસેમ્બરે પણ રાજધાની દિલ્હી ખાતે ઓમિક્રોનનો પોઝિટિવ કેસ સામે આવ્યો છે.

દિલ્હીમાં મળ્યો ઓમિક્રોનનો કેસ, તન્ઝાનિયાથી પાછા આવેલા શખ્સનો રિપોર્ટ પોઝિટિવ
ગુજરાત બાદ મહારાષ્ટ્રમાં પણ ઓમિક્રોનની એન્ટ્રી, દ.આફ્રિકાથી આવેલો વ્યક્તિ પોઝિટિવમુંબઈમાં ઓમિક્રોનના શંકાસ્પદ 17 કેસ અને આટલા જ કેસ મહારાષ્ટ્રના અન્ય ભાગમાં



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here