google and omicron: Googleએ ત્રીજી લહેરની ચિંતા વ્યક્ત કરી, 1.5 લાખ કર્મચારીઓને ઘરેથી કામ કરવા કહ્યું – omicron effect google declared work from home for its employees

0


હાઈલાઈટ્સ:

  • વૈશ્વિક સ્તરે ઓમિક્રોનને લઇને ચેતવણી આપવામાં આવી રહી છે
  • ભારત સહિત અનેક દેશોમાં ફેલાઈ ચૂક્યો છે ઓમિક્રોન વેરિયન્ટ
  • ચેતવણીને મહામારીની ત્રીજી લહેરની શરુંઆત ગણાવી રહી છે કંપની

નવી દિલ્હીઃ વૈશ્વિક કોરોના મહામારીને લીધે દુનિયાભરના લોકોના જીવનમાં ફેરફાર આવ્યા છે. અહીં સુધી કે લોકો આ મહામારી સાથે જીવવાનું પણ શીખી ગયા હતા અને પોતાને સુરક્ષિત રાખવા ચોક્કસપણ નિયમોનું પાલન કરી રહ્યા હતા. પરંતુ સામે આવેલા ઓમિક્રોન વેરિયન્ટે ફરીથી લોકોને પ્રભાવિત કરવાનું શરું કરી દીધું છે. હાલમાં ભારત સહિત લગભગ 39 દેશોમાં ઓમિક્રોને પગ પેસારો કરી દીધો છે. દુનિયાભરની સ્વાસ્થ સંસ્થાઓ અને સરકારો આ વેરિયન્ટને ઘાતક ગણાવી રહ્યા છે. એવામાં ગૂગલે એના દોઢ લાખ કર્મચારીઓને અનિશ્ચિત સમય માટે ઘરેથી કામ (Work From Home) કરવાનું કહી દીધું છે.

નવા વેરિયન્ટના વધતાં પ્રકોપ પહેલા નબળી પડેલી મહામારીને લીધે આઇટી સહિત મોટાભાગને ક્ષેત્રે કંપનીઓ ઓફિસ ખોલી રહી હતી અને કર્મચારીઓને ઓફિસ બોલાવી રહી હતી, એવામાં Google એ કરેલી જાહેરાતથી સૌ કોઇ અંચબામાં પડી ગયા છે. માનવામાં આવે છે કે Googleએ લીધેલા વર્ક ફ્રોમ હોમના નિર્ણય પાછળ કોરોનાનો નવો વેરિયન્ટ ઓમિક્રોન જવાબદાર છે.

આ પહેલા Googleએ એના કર્મચારીઓને 10 જાન્યુઆરી સુધી ઓફિસ શરું કરવાનું કહ્યું હતું, પરંતુ હવે કંપનીએ નિર્ણય બદલ્યો છે. Googleએ જાહેરાત કરી દીધી છે કે, બધા 1.5 લાખ કર્મચારીઓ માટે અચોક્કસ સમય માટે વર્ક ફ્રોમ હોમ કરી દેવામાં આવ્યું છે. Googleની મૂળ કંપની Alphabetએ એના કર્મચારીઓને આ નવા નિર્ણય વિશે જણાવ્યું છે. જેમાં કંપનીએ કહ્યું કે, નવા વેરિયન્ટ ઓમિક્રોનના વધતાં ખરતા વચ્ચે કર્મચારીઓને ઓફિસ બોલાવવાના નિર્ણયને રદ કરવામાં આવે છે. દક્ષિણ આફ્રિકામાં કોરોનાના નવા વેરિયન્ટ ઓમિક્રોનને લીધે આખી દુનિયાને એલર્ટ રહેવાનું કહીને ફરીથી લોકોને ઘરે રહેવા માટે મજબૂર કરી દીધા છે. કારણ કે આ પ્રકારનો વાયરસ મોટા પ્રમાણમાં લોકોને પ્રભાવિત કરી શકે એવી આશંકા છે. આ ચેતવણી ત્રીજી લહેરની શરુંઆત હોઇ શકે છે.

કોરોના મહામારીને નબળી પડતાં જોઇ ગૂગલના લગભગ 40 ટકા કર્મચારીઓ પોતાની ઓફિસ આવવાનું શરુ કરી ચૂક્યા હતા અને ફરીથી તેઓ ઘરેથી કામ કરવા માટે મજબૂર થયા છે.

ભારતમાં ટીસીએસ અને ઇન્ફોસિસ સહિતની આઇટી કંપનીઓ કર્મચારીઓને ઓફિસ શરુ કરવાનું કહી ચૂકી છે. હવે જોવાનું એ છે કે Googleના નિર્ણય બાદ આ કંપનીઓ શુ પ્રતિક્રિયા આપશે.

15 ડિસેમ્બરથી આંતરરાષ્ટ્રીય ફ્લાઇટ શરું કરવા પર કેન્દ્ર અસમંજસમાં, અનેક દેશોએ પ્રતિબંધ લગાવ્યો
ઓમિક્રોન વેરિયન્ટ પર રસી કેટલી કારગત સાબિત થશે? જાણો મહત્વના સવાલોના જવાબઓમિક્રોનના બે કેસ નોંધાયા પછી કર્ણાટકની નર્સિંગ સ્કુલના 29 વિદ્યાર્થી કોરોના પોઝિટિવ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here