omicron in india: ઓમિક્રોનનો ભયઃ મહારાષ્ટ્રમાં વધુ 7 કેસ નોંધાયા, દેશમાં કુલ 12 કેસ – 7 cases of omicron variant founf in maharashtra total twelve case

0


હાઈલાઈટ્સ:

  • મુંબઇમાં પહેલા જ એક કેસ પોઝિટિવ હતો અને સાત અન્ય ઉમેરાયા છે
  • વૈશ્વિક સ્તરે ચેતવણી આપવામાં આવી છે કે આ વેરિયન્ટ ઝડપથી ફેલાય છે
  • ગુજરાતમાં એક, કર્ણાટકમાં બે, દિલ્હીમાં એક અને મહારાષ્ટ્રમાં આઠ કેસ

મુંબઇઃ સાઉથ આફ્રિકામાં સામે આવેલા કોરોના વેરિયન્ટે હવે ભારત સહિત દુનિયાભરના દેશોની ચિંતા વધારી દીધી છે. થોડા દિવસ પહેલા દક્ષિણ આફ્રિકામાં કોરોનાનો નવો વેરિયન્ટ ઓમિક્રોન જોવા મળ્યો હતો અને જોતજોતામાં દુનિયાના આશરે 39 દેશોમાં ફેલાઈ ચૂક્યો છે. આ વેરિયન્ટને લઇને આખી દુનિયા એલર્ટ જાહેર કરી ચૂકી છે. અન્ય દેશોની જેમ ભારતમાં પણ ઓમિક્રોન વેરિયન્ટના કેસમાં સતત વધારો થઇ રહ્યો છે. મહારાષ્ટ્રમાં આજે ઓમિક્રોન વેરિયન્ટના વધુ સાત કેસ સામે આવ્યા છે. મહારાષ્ટ્રના આરોગ્ય વિભાગે આ જાણકારી આપી છે. જેની સાથે મહારાષ્ટ્રમાં ઓમિક્રોનથી સંક્રમિતોની સંખ્યા વધીને 8 અને દેશમાં 12 સુધી પહોંચી ગઈ છે. દેશમાં ઓમિક્રોનના સૌથી પહેલા બે કેસ કર્ણાટકમાં સામે આવ્યા હતા, જે પછી રવિવારે દિલ્હીમાં એક અને એ પહેલા ગુજરાતમાં એક નોંધાયો છે. મહારાષ્ટ્રમાં રવિવારે સામે આવેલા નવા સાત કેસ પૈકી એક જ પરિવારના 6 લોકો સામેલ છે. આ પરિવારની એક વ્યક્તિ નાઇઝિરિયાથી ભારત આવી હતી. જે પછી પરિવાર સંક્રમણમાં સપડાયો છે.

માહિતી મુજબ એક 44 વર્ષિય મહિલા 24 નવેમ્બરે નાઇઝિરિયાના લાગોસથી મહારાષ્ટ્રના પિંપરી-ચિંચવાડ નગરપાલિકા વિસ્તારમાં રહેતા એના ભાઇને મળવા માટે આવી હતી. જે પછી પરિવારમાં બે મહિલાની બે પુત્રીઓ, એનો ભાઇ અને ભાઇની બંને પુત્રીઓ ઓમિક્રોનથી સંક્રમિત થઇ હતી. આ સિવાય પુણેના અન્ય એક 47 વર્ષનો વ્યક્તિ ઓમિક્રોનથી સંક્રમિત છે.

પાટનગર દિલ્હીમાં પણ આજે ઓમિક્રોનનો એક નોંધાયો છે. સંક્રમિત દર્દી તાન્ઝાનિયાથી ભારત પરત આવી છે. દિલ્હીના સ્વાસ્થ મંત્રી સત્યેન્દ્ર જૈને આ અંગેની માહિતી આપી હતી. માહિતી મુજબ વિદેશથી આવેલા કુલ પૈકી 17 વ્યક્તિઓ કોરોનાથી સંક્રમિત હોવાનું સામે આવ્યું છે.

હાલમાં દેશમાં ઓમિક્રોનના કેસમાં સતત વધારો થઇ રહ્યો છે. વિતેલા દિવસોમાં કર્ણાટકમાં બે કેસ, મુંબઇમાં એક, ગુજરાતમાં એક અને દિલ્હીમાં આજે એક કેસ સામે આવ્યો હતો. આ દરમિયાન મહારાષ્ટ્રમાં અન્ય સાત વ્યક્તિ ઓમિક્રોનથી સંક્રમિત થયા છે. આ વેરિયન્ટને લઇને દુનિયાભરની આરોગ્ય સંસ્થા ચેતવણી આપી ચૂકી છે કે આ ઘાતક વેરિયન્ટ ઝડપથી ફેલાય છે અને આરોગ્ય પર ગંભીર અસર કરી શકે છે. અહીં સુધી કે ઓમિક્રોન વેરિયન્ટને વૈશ્વિક સ્તરે કોરોના મહામારીની આગામી લહેર તરીકે જોવામાં આવી રહ્યો છે.

દિલ્હીમાં મળ્યો ઓમિક્રોનનો કેસ, તન્ઝાનિયાથી પાછા આવેલા શખ્સનો રિપોર્ટ પોઝિટિવ
જામનગરમાં ઓમિક્રોન વેરિયન્ટથી સંક્રમિત 72 વર્ષના વૃદ્ધાએ લીધી હતી ચાઈનીઝ રસી!ફરી આવશે લોકડાઉન? ઝડપથી ફેલાઈ શકતાં ‘ઓમીક્રોન’ વિશે નિષ્ણાંતે આપી ચેતવણી



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here