world iron deficiency day: વર્લ્ડ આયર્ન ડેફિશ્યન્સી ડે: દેશમાં 8 કરોડ જેટલી છોકરીઓ એનિમીક હોવાનો નિષ્ણાંતોનો દાવો – world iron deficiency day: experts claim that about 80 crore girls in the country are anemic

0


અમદાવાદ: ભારતમાં ઓછામાં ઓછી 6થી 8 કરોડ છોકરીઓ આયર્નની ઉણપને કારણે એનિમીક છે. અમદાવાદના એક જાણીતા ગાયનેકોલોજિસ્ટે આ આંકડો જણાવ્યો છે. તેમના કહેવા મુજબ, વ્યાપક જાગૃતિ અને યોગ્ય પ્રયાસોથી થોડા વર્ષોમાં જ એનિમિયા રોગ નાબૂદ થઈ શકે છે.

એનિમિયા એ ભારતમાં સગર્ભા મહિલાઓના મોત માટે એક મોટું કારણ હોવાનું જણાવતા ફેડરેશન ઓફ ઓબ્સેસ્ટ્રીક એન્ડ ગાયનેકોલોજીકલ સોસાયટી ઓફ ઈન્ડિયા (ફોગસી)ના પ્રેસિડન્ટ ડો. અલ્પેશ ગાંધીએ કહ્યું કે, જ્યારે કોઈ સગર્ભા મહિલા એનિમિક હોય ત્યારે ગર્ભાવસ્થા સબંધિત જટિલતાઓ વધી જાય છે. તેમણે કહ્યું કે, સગર્ભા મહિલાઓના 20થી 30 ટકા જેટલા મૃત્યુના કેસોને એનિમિયાના કેસ સાથે જોડવામાં આવે છે.

સોનમ કપૂરથી લઈ નિક જોનસ સુધી હેલ્ધી લાઈફસ્ટાઈલ જીવતાં આ સેલેબ્સ છે ડાયાબિટીસના દર્દી

કેડિલા ફાર્માસ્યુટિકલ્સના ઉપક્રમે આયર્નની ઉણપ નિવારવા અંગે યોજાયેલા એક કાર્યક્રમ ‘હેમ અપ ઈન્ડિયા’ને સંબોધતા ડો. ગાંધીએ કહ્યું કે, આયર્નની ઉણપ એ વૈશ્વિક સમસ્યા છે, પરંતુ ભારતમાં તેનો વ્યાપ ઘણો જ વધારે છે અને 50 ટકાથી વધુ મહિલાઓ અને કિશોરીઓ એનિમિક છે.

ડો. દર્શના ઠક્કરે આયર્નની ઉણપના ઊંચા સ્તર માટે ખાણી-પીણીની ટેવોમાં ફેરફાર કરવાની જરૂરિયાત પર ભાર મૂક્યો. તેમણે કહ્યું કે, ‘ભાખરીથી માંડીને પિત્ઝા અને સુખડીથી માંડીને કેક સુધીના ખાણીપીણીના ફેરફારોના કારણે આયર્નની ઉણપ તો ઉભી થઈ જ છે, પણ સાથે સાથે અન્ય પોષક તત્વોની પણ ઊણપ વર્તાય છે.’ તેમણે કહ્યું કે, આયર્નની ઉણપ અને એનિમિયામાંથી બહાર આવવા માટે માનસિકતા બદલવાની જરૂર છે.

ગત વર્ષે ગયા ફોગસી દ્વારા હાથ ધરાયેલા એક સર્વેક્ષણમાં 92 ટકા ડોક્ટરોએ એવો મત વ્યક્ત કર્યો હતો કે, આયર્નની ઉણપને કારણે થતા એનિમિયાને 5 વર્ષમાં નાબૂદ કરી શકાય તેમ છે.
લગ્નપ્રસંગમાં જમતા પહેલા જાણી લો સેલેબ્રિટી ન્યૂટ્રિશનિસ્ટ ઋજુતા દિવેકરની આ ખાસ સલાહ
ઈન્દ્રશીલ યુનિવર્સિટી (આઈયુ) ખાતે સ્કૂલ ઓફ ઈકોનોમિક્સ એન્ડ મેનેજમેન્ટના ઈનચાર્જ ડીન પ્રોફેસર નમ્રતા બજાજે જણાવ્યું હતું કે, ‘શૈક્ષણિક સંસ્થાઓની જવાબદારી માત્ર શિક્ષણ સુધી જ મર્યાદિત રહેતી નથી. તેમણે તંદુરસ્ત ભારત માટે જાગૃતિ પેદા કરવા યોગદાન આપવું જોઈએ. તંદુરસ્ત ભારત માટે મહિલાઓ તંદુરસ્ત હોય તે જરૂરી છે અને આપણે સૌએ વિવિધ સ્તરે ઝૂંબેશ ચલાવીને આ કામગીરીમાં યોગદાન આપવું જોઈએ.’

કેડિલા ફાર્માસ્યુટિકલ્સના વાઈસ પ્રેસિડેન્ટ સેલ્સ અને માર્કેટીંગ રાજીવ સક્સેનાએ જણાવ્યું કે, ‘અમારા પ્રયાસો દ્વારા અમે મહિલાઓ અને ખાસ કરીને યુવા કન્યાઓમાં જાગૃતિ ઉભી કરવા માંગીએ છીએ, કારણ કે યુવા વયે આ પ્રકારની દરમિયાનગીરી કરાય તે જરૂરી છે. છેલ્લા 40 વર્ષથી કેડિલા એનિમિયા સામે લડત આપી રહી છે અને અમે સારી હેલ્થ કેર સોલ્યુશન્સ શોધી કાઢવા અને આ રોગ માટે પોસાય તેવી દવાઓ પૂરી પાડવા માટે સજ્જ છીએ.’

આ કાર્યક્રમમાં ડો વંદના અમીન, ડો. પારૂલ પટેલ, ડો. નીતા ઠાકરે, ડો. કામિની પટેલ અને ડો. સારદા દેવી મદલાપુ જેવા અન્ય અગ્રણી ગાયનેકોલોજીસ્ટસે પણ આયર્નની ઉણપ તથા તેનું નિવારણ કઈ રીતે થઈ શકે તે અંગે જાણકારી આપી હતી.

બોપલમાં વેચાતા આ ‘ઓરિયો ભજીયા’નો ટેસ્ટ તમે કર્યો કે નહીં?



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here