jamnagar omicron: જામનગરના ઓમિક્રોન પોઝિટિવના પત્ની અને સાળા સંક્રમિત, 85 લોકોનો વિસ્તાર સીલ – jamnagar omicron positive’s two family members also infected

0


હાઈલાઈટ્સ:

  • ગુજરાતના જામનગરમાં કોરોના વેરિયન્ટ ઓમિક્રોનના પગપેસારાથી ચિંતામાં વધારો
  • ઝિમ્બાબ્વેથી આવેલા વૃદ્ધના પત્ની અને સાળા પણ સંક્રમિત થતા વધુ તપાસ કરાઈ
  • સંક્રમિતોના સેમ્પલ ગાંધીનગરની લેબમાં જીનોમ સિક્વન્સ માટે મોકલવામાં આવ્યા છે

ગાંધીનગરઃ જામનગરમાં ઝિમ્બાબ્વેથી આવેલા સંક્રમિત વ્યક્તિને કોરોનાના નવા વેરિયન્ટ ઓમિક્રોનનો ચેપ લાગ્યો હોવાનું સામે આવ્યા બાદ હવે તેમના પરિવારમાં પણ કોરોનાનું સંક્રમણ ફેલાઈ રહ્યું છે. ઝિમ્બાબ્વેથી આવેલા વૃદ્ધના પત્ની બાદ તેમના સાળા પણ સંક્રમિત થયા છે. પરિવારના અન્ય સભ્યો પણ સંક્રમિત થતા ચિંતામાં વધારો થયો છે. હવે ઘરના સંક્રમિત થયેલા સભ્યોના સેમ્પલ જીનોમ સિક્વન્સિંગ તપાસ માટે ગાંધીનગર બાયોલોજીકલ ઈન્સ્ટિટ્યુટને મોકલવામાં આવ્યા છે. જામનગર પાસેના મોરકંડા ગામના 85 લોકોના વિસ્તારને સીલ કરી દેવામાં આવ્યો છે. રાજ્યમાં કોરોનાના વધુ 48 નવા કેસ નોંધાયા છે. જ્યારે સુરત ગ્રામ્યમાં એક દર્દીનું મોત થયું છે.

મુંબઈમાં ઓમિક્રોનના શંકાસ્પદ 17 કેસ અને આટલા જ કેસ મહારાષ્ટ્રના અન્ય ભાગમાં

ઝિમ્બાબ્વેથી આવેલા 72 વર્ષના વૃદ્ધના પત્ની અને સાળાનો પણ કોરોના રિપોર્ટ પોઝિટિવ આવ્યો છે. તેમને પણ સારવાર માટે કોવિડ કેર સેન્ટરમાં ખસેડવામાં આવ્યા છે. 29 તારીખે ઝિમ્બાબ્વેથી અમદાવાદ ઉતરીને જામનગર આવેલા વૃદ્ધનો 30મીએ કોરોના રિપોર્ટ પોઝિટિવ આવ્યો હતો. આ પછી તેમના જીનોમ સિક્વન્સિંગ માટે સેમ્પલ મોકલવામાં આવ્યા હતા, આ તપાસમાં તેઓ ઓમિક્રોનથી સંક્રમિત હોવાનું જાણવા મળ્યું હતું.

ઝિમ્બાબ્વેથી આવેલા વૃદ્ધના પત્ની અને સાળાના રિપોર્ટ્સ પણ પોઝિટિવ આવ્યા બાદ તેમને ઓમિક્રોનના શંકાસ્પદ કેસ માનીને પરિવારથી અલગ કરી દેવામાં આવ્યા છે. આ સિવાય તેમના પરિવારના અન્ય સભ્યો અને આસપાસના 85 લોકોની વસ્તીવાળા વિસ્તારને સીલ કરી દેવામાં આવ્યો છે.

સુરેન્દ્રનગરના લીંબડી આફ્રિકાથી આવેલા 47 વર્ષના વ્યક્તિનો કોરોના રિપોર્ટ પણ પોઝિટિવ આવતા તેમના સેમ્પલને જીનોમ સિક્વન્સિંગ માટે ગાંધીનગર મોકલવામાં આવ્યા છે.

દિવાળી પછી કોરોનાના સંક્રમણમાં સામાન્ય વધારો નોંધાયો છે, જેમાં 29મી નવેમ્બરે અમદાવાદના સિંધુ ભવન રોડ પર આવેલી હોટલમાં યોજાયેલા લગ્નમાં હાજર રહેલા ભાવનગરના 10 લોકો કોરોના સંક્રમિત થયા છે. આ સિવાય અન્ય બે લોકોનો રિપોર્ટ પણ પોઝિટિવ આવ્યો છે. પાછલા 24 કલાકમાં અમદાવાદ કુલ 17 નવા કેસ નોંધાયા છે. જ્યારે સુરતમાં પણ 17 નવા કેસ નોંધાયા છે. આ સિવાય સુરતમાં એક દર્દીનું કોરોનાથી મોત થઈ ગયું છે.

અન્ય જિલ્લાઓની વાત કરીએ તો વડોદરામાં નવા 7, આણંદ, ભરુચ, રાજકોટ, નવસારી, વલસાડ, તાપી અને કચ્છમાં 1-1 કેસ નોંધાયો છે. આમ કોરોનાના રાજ્યમાં કુલ કેસનો આંકડો વધીને 8,27,707 થઈ ગયો છે. એક દિવસમાં વધુ 24 દર્દીઓ સાજા થતા કુલ સાજા થયેલા દર્દીઓની સંખ્યા 8,17,263 થઈ ગઈ છે. જ્યારે વધુ એક મૃત્યુ સાથે કુલ મૃત્યુઆંક 10,095 થઈ ગયો છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here