Virat Kohli: કોહલીનો વિરાટ રેકોર્ડઃ આ સિદ્ધિ નોંધાવનારો વિશ્વનો પ્રથમ ખેલાડી બન્યો – virat kohli new record becomes first player to win 50 international matches in each format

0


હાઈલાઈટ્સ:

  • ન્યૂઝીલેન્ડ સામેની બીજી ટેસ્ટમાં કોહલી બેટિંગમાં નિષ્ફળ રહ્યો હતો, પરંતુ તેણે એક ખાસ રેકોર્ડ નોંધાવ્યો છે
  • બીજી ટેસ્ટમાં વિજય સાથે જ ભારતે બે મેચની સીરિઝ 1-0થી જીતી લીધી, પ્રથમ ટેસ્ટ ડ્રો રહી હતી
  • વિરાટ કોહલી ત્રણેય ફોર્મેટમાં 50-50 મેચ જીતનારો વિશ્વનો પ્રથમ ખેલાડી બની ગયો

મુંબઈના વાનખેડે સ્ટેડિયમમાં રમાયેલી બીજી ટેસ્ટ ક્રિકેટ મેચમાં ભારતે ન્યૂઝીલેન્ડ સામે 372 રને ભવ્ય વિજય નોંધાવ્યો. રનની દ્રષ્ટીએ ભારતનો આ સૌથી મોટો વિજય છે. આ મેચમાં ભલે કેપ્ટન વિરાટ કોહલીનો જાદૂ ચાલ્યો ન હોય પરંતુ તેણે એક વિરાટ સિદ્ધિ પોતાના નામે કરી છે.

ન્યૂઝીલેન્ડ સામેના વિજય સાથે જ વિરાટ કોહલી ટેસ્ટ, વન-ડે અને ટી20માં એટલે કે ક્રિકેટના પ્રત્યેક ફોર્મેટમાં 50 મેચ જીતનારો પ્રથમ ખેલાડી બની ગયો છે. પ્રથમ ટેસ્ટમાં બ્રેક લેનારો કોહલી બીજી ટેસ્ટમાં બેટિંગમાં કંઈ કમાલ કરી શક્યો ન હતો. પ્રથમ દાવમાં તે ખાતું પણ ખોલાવી શક્યો ન હતો. જ્યારે બીજા દાવમાં 36 રન નોંધાવી શક્યો હતો.

સ્પાઈડર કેમમાં ખામી સર્જાતાં મેચ અટકી ગઈ, કોહલી એન્ડ કંપનીએ આ રીતે લીધી મજા
ન્યૂઝીલેન્ડ સામેના વિજય સાથે ભારતીય ટીમ આઈસીસી ટેસ્ટ રેન્કિંગમાં નંબર વનના સ્થાને પણ આવી ગઈ છે. બીજી ટેસ્ટ જીતવાની સાથે ભારતે ન્યૂઝીલેન્ડ સામેની બે મેચની સીરિઝ 1-0થી જીતી લીધી છે. હવે ભારતીય ટીમ સાઉથ આફ્રિકાના પ્રવાસે જશે જ્યાં તે ત્રણ ટેસ્ટ અને ત્રણ વન-ડે મેચની સીરિઝ રમશે જેનો પ્રારંભ 26 ડિસેમ્બરથી થશે.

આ ટેસ્ટ ઘણી બધી રીતે યાદગાર બની રહી છે. આ ટેસ્ટના પ્રથમ દાવમાં ન્યૂઝીલેન્ડના સ્પિનર એજાઝ પટેલે ભારતની તમામ 10 વિકેટો ખેરવીને ઈતિહાસ રચ્યો હતો. આ સિદ્ધિ નોંધનાવારો તે જિમ લેકર અને અનિલ કુંબલે બાદ વિશ્વનો ત્રીજો બોલર બન્યો છે. મયંકની 150 રનની ઈનિંગ્સની મદદથી ભારતે પ્રથમ દાવમાં 325 રનનો સ્કોર નોંધાવ્યો હતો. જેના જવાબમાં ન્યૂઝીલેન્ડની ટીમ ફક્ત 62 રનમાં આઉટ થઈ ગઈ હતી.
વર્લ્ડ ચેમ્પિયન ન્યૂઝીલેન્ડને ભારતે 372 રનથી હરાવ્યું, 1-0થી સીરિઝ પર કબજોબીજા દાવમાં ભારતે સાત વિકેટે 276 રનના સ્કોર પર દાવ ડિક્લેર કર્યો હતો. પ્રથમ દાવની સરસાઈના આધારે ભારતે પ્રવાસી કિવિ ટીમ સામે 540 રનનો લક્ષ્યાંક મૂક્યો હતો. જેના જવાબમાં ન્યૂઝીલેન્ડની ટીમ 167 રનમાં આઉટ થઈ ગઈ હતી. અશ્વિને પ્રથમ અને બીજા દાવમાં 4-4 વિકેટ ઝડપી હતી. મયંકને પ્લેયર ઓફ ધ મેચ જ્યારે અશ્વિનને પ્લેયર ઓફ ધ સીરિઝ જાહેર કરાયો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here